Fapea Kronikols 26:10 - Buka Blahi Ka Cheke Holo

¹⁰ Eghuteuna mana jaola neke horo suga rheta mala toetoe ke lamna namono nagou. Mana dokha kmana seu, naugna mana au nogna kmana buluka ka thogele ke mosu, nei ka sare langau eghu. Mana kaisei mae te magnahaghei loku ka nagare, aonu nogna mae gloku manare joꞌu nagare grep ka thogele, eghuteuna mare tobi ka vido aheva te au glose te keli.

Fapea Kronikols 26:10 ပူးပေါင်းရင်းမြစ်များ

Profet Isaia 29:17

Uve, na theome raugha, namhata biꞌo ka namono Lebanon igne ginauna famane glose mala joꞌu gano. Eghuteuna vido aheva te au famane nagare gognarogne ginauna nake soro fapulo.

Fapea Kings 19:23

Iara nou mae Funei iagho, nu iagho kurudi nou mae mala hata nonomho ra mala cheke fadiꞌa ghau iara. Iagho neke cheke fahaehaghe eghu, “Ka nogu chariot iara gre, iara neke tei neke hata thogele biꞌo Lebanon. Iara neke kato soru gaju sida te brahu ra nei famane gaju paen ra eghu. Iara jaola neke tei thokedi thogele te haghe fara ra, ei ka vido aheva te au kmana gaju fara tadi ra.

Fapea Kings 3:4

Ka narane igne, King Mesa ka kantri Moab au nogna kmana sipu. Mana baludi nogna naiknore au ke parigna mae king gna Israel, aonu mare tangomana te hata te tei kaisei gobi thogha sipu ikodi nei khakla teke kuchi ka kaisei gobi thogha sipu nalhaꞌudi igre neu ne tusu ranghini King Ehab gna Israel, jateu te foli takis mare na.

Diutronomi 3:10

Eghuteuna mae Moses neke cheke eghu, “Tahati la hata fanhighohi namono te funu ka sare biꞌo holo ke mata thogele te tei posa ka namono ke raru Gilead ghe Basan eghuteuna jaola tei posa ke maghatidi phei namono Saleka ghe Edrei, aheva te nogna kantri King Og.”

Fapea Kronikols 26:11

Iusaea au phei nogna mae biꞌo, nanghadi phei mae igre Jel ghe mae Masea. Phia mae igre loku ke parigna mae Hananaea mae ihei te nogna mae biꞌo king. Phiamare te mala fadoglidi niha mae soldia ka nogna tothoghei armi Iusaea. Soldia ka nogna armi Iusaea igre lase magra fara, eghuteuna nogna tothoghei mana igre mare tarabana fabrahu mala tei ka magra.

Josua 15:55

Eghuteuna igre nanghadi keha namonore, Maon, nei Kamel, nei Jif, nei Juta,

Ululahu Samuel 15:12

Hamerane boibongi, mae Samuel kegra haghe ne tei hironi mae Sol. Nu mana nomhini tela teihi mana ka namono Kamel, eghuteuna mana ne lisei haghe kaisei thina fagaglana gna te uluni mana u magra na. Eghuteuna gnafa teuna mana jifla jare ne tei Gilgal.

Fapea Kronikols 17:12

Aonu King Jehosafat ne kaisei king rheta fara. Eghuteuna mana edi heva heva vido keli mala poru nei namono mala lilisei gano nei glepo mala magra ka mare. Eghuteuna mana vahidi mae soldia te thofno nheta fara mala au Jerusalem.

Fapea Kronikols 32:29

God tusu ranghini mana kmana sipu nei buluka, nei kmana keha famane glepo. Hesekaea jaola babana kmana namono.

Eklesiasti 5:8

Thosei jaglo nou kate filodi mae biꞌo te fakokhoanadi iheire te kuma, ba fatedi ka puhi te theome doglo, ba theome snakredi mala au kau pharikeli. Mae biꞌo igre theome ghatho tahudi naikno te kuma igre, naugna mare au ke paridi nodi nolaghi mae iheire te funei frunidi. Keha mae biꞌo igre jaola edi kmana nafnata puhi te diꞌa igre, naugna mare jaola au ke paridi nodi nolaghi mae iheire te funei frunidire.