Fapea Kronikols 25:3 - Buka Blahi Ka Cheke Holo

³ Eghuteuna kate king Amasaea gna Juda igne, nogna nolaghi mana na ne rheta fara ne salaꞌui, mana ne falehedi phei mae teke faleheni mae kmagna na.

Fapea Kronikols 25:3 ပူးပေါင်းရင်းမြစ်များ

Eksodas 21:14

Nu jame kaisei mae neke kulu ghathoni te mala aknu faleheni keha mae na, neuba mana ne rikha ne tei poru ka nogu olta iara na, ghotilo tei atha fajifla mala aknu faleleheni.

Fapea Kronikols 25:4

Nu mana neke theome falehedi thugna manare, naugna mana leghuni unha teke chekeni Lord ka nogna vetula mae Moses. Ka vetula igne Lord neke cheke eghu faheta, “Jame kaisei mae sitei huhughuni vetula na, eghuteuna mana nabagna te lehe tagna na, ghotilo theome tangomana te faleheni kmagna mana na. Eghuteuna jame kaisei mae huhughuni vetula na, eghuteuna mana nabagna te lehe tagna na, ghotilo ginauna thosei faleheni thugna mana na. Mana thegna mala lehe eigna nakhibogna thegna na.”

Fapea Kronikols 21:4

Kate tughuni mana mae kmagna na te funei fruni rheta mana Juda na, mana ne aknu falehe namno mae thabusigna thegnare, eghuteuna mana jaola ne aknu falehe keha mae biꞌodi Juda.

Fapea Kronikols 33:25

Aonu naiknodi Juda gre tei ne aknu falehe goro mae biꞌo teke aknu faleheni mae Amon igre, eghuteuna mae Josia thugna mae Amon igne ne king tughuni mana.