Fapea Kronikols 24:22 - Buka Blahi Ka Cheke Holo

²² King Joas neke theome ghathodi famane puhigna Jehoada kmagna Pris Sekaraea na, nu mana faleheni thugna mana na. Eghuteuna kate namo lehe na, Pris Sekaraea ne cheke eghu, “Iara toreni Lord mala filodi glepo te edi ghotilo gognaro igre, eghuteuna God ginauna para ghami ghotilo.” Aonu mana ne lehe.

Fapea Kronikols 24:22 ပူးပေါင်းရင်းမြစ်များ

Jenesis 9:5

Eghuteuna iara theome snakreni ka ghotilo te mala faleheni naikno na. Jame ihei te faleheni keha naikno na ghotilo ginauna mala falelehe mae tuana. Jaola jame kaisei buluka te faleheni naikno na, ghotilo falelehe buluka tuana. Naugna iara neke vuavuhani naikno na mala jateula thegu neku.”

Luku 11:51

Tutuani fara, God ginauna fate ghami ghotilo eidi glehedi mae blahi tifa ra, fufunu ka glehegna mae Ebol mei posa ka glehegna mae Sekaraea teke falehe mare rhegna olta gna nogna Sugablahi God.

Thakle 19:2

Tahati cheke fakelini God! Naugna puhigna te mala fatedi naiknore tutuani nei doglo fara. Mana neke fatenihi namono biꞌo Babilon igne, ihei te goigonidi gaoghathodi naiknogna nauthoglu igne balu puhigna te gnognoro igne. God neke parani gaꞌase igne eigna naꞌa neke falehedi nogna mae gloku God re.”

Jone 10:32

Nu mae Jisas ne cheke eghu ka mare, “Iara neke edi kmana gloku te keli ka nogna nolaghi mae Mama tela filodihi ghotilo ra. Kau gloku te keli aheva gre site romi fadi falehe ghau iara ghotilo ka thina gnea?”

Nodi Khoje Hatimare Mae Jiu 10:14

Nu iagho la filodihi puhidi mae te diꞌara. Iagho la lasedihi khabru nei papara eghu te edi mare ka keha naiknora, eghume iagho tarabana mala toghodi naikno te au papara are. Naikno te au kokhonidi nei glehe kokoi teu igre lisei soru ka khamemu iagho nakarhadi re.

Thakle 18:20

Eghuteuna engel ne cheke eghu, “Gleale'a ka ghotilo te au kligna baludi nogna naikno God ra! Gleale'a ka ghotilo hatimare mae khuru nei hatimare mae profet! Naugna God neke fateni namono igne eidi puhi te diꞌa teke edi naꞌa ka ghotilo ra.”

Fapea Timoti 4:16

Ulu lahu te hata ghau iara mare ka fate na, theo kaisei naikno te togho ghau iara na. Thono theo fara. Mare kafe tei koko ghau iara, nu iara taraidi mare mala ghatho ihodi God najafra teke edi mare re eghu.

Fapea Timoti 4:14

Mae Aleksada, mae ihei te lase hohoro glepo ka aean gne edi kmana glepo diꞌa ranghi ghau iara. Lord ginauna nake tughu fapulo unha teke edi mana ka iara re.

Profet Jeremaea 51:56

Iara ginauna kurudi mae naoka igre mala goigoni ni Babilonia. Eghuteuna mare ginauna lokidi hatimare mae soldia, eghuteuna mare na lolhopa nodi phalohore. Leuleghu fata na iara Lord tughu fapulo ka iheire teke edi gobigna lepo te diꞌare.

Profet Jeremaea 11:20

“Lord, iagho mae ihei te au nolaghi fateote'o! Kaisei iagho ngala te tangomana te fateni naikno na ka puhi te doglo. Iara lisa ari ka khamemu iagho puhi te diꞌa te eni fabrahu mare ka iara igne. Eghuteuna iara magnahaghei te filoni unha nate tughu fapulo iagho ka mare puhi te diꞌa teke eni mare ka iara igne.”

Proveb 17:13

Jame te foli fapulo iagho glepo te keli ka glepo te diꞌa na, glepo te diꞌa tuana ginauna au fabrahu ka tharaknamu iagho na.

Nodi Khoje Hatimare Mae Jiu 109:4

Neuba iara ne namhadi nei tarai neu koba baludi, mare magnahaghei te cheke fapari ghau iara koba ngala.

Jenesis 42:22

Mae Ruben ne cheke eghu ka mare, “Iara neke chekehi ka ghotilo mala thosei faleheni mana neku, nu ghotilo neke tiromi fanomhidi chekegu iara ra. Eghume gognaro na tahati ke papara eidi unha teke edi tahati ranghini mae igne ra eghu.”

Josua 22:23

Eghuteuna jame te theome leghuni ghehati nogna cheke mana na, ghehati eni olta te mala tarai igne ka gaoghathomi themi kolho, eghuteuna ghehati gahu buluka ka olta igne, ba gahu gano teke hata mei ka nagare ka mana, ba ghehati aknu falehe buluka te gahu ghehati katha vido mala fafara ka mana, aonu ghehati ghamu katha vido tagna te mala laseni ghehati te kheragna mana teuna, jame te keli na Lord para ghami ghehati.

Jajis 8:35

Eghuteuna keha na teuna, mare theome keli ranghidi tharaknagna Gidion neuba mana ne edi kmana glepo te keli ranghidi naiknodi Israel.

Nodi Khoje Hatimare Mae Jiu 9:13

Lord, kokhoni ghau iara! Filo meidi khabru nei diꞌanagnafa teu tela edi ka iara nogu naoka gre. Hata fapulo ghau, naugna iara gne la namohi kau glehe.