Fapea Kronikols 23:18 - Buka Blahi Ka Cheke Holo

¹⁸ Eghuteuna Jehoada ne vahidi keha mae pris ka vikegna mae Livae mala filodi gloku ka nogna Sugablahi Lord. Nodi gloku mare na mala edi gloku teke tusu lao King Devet ka kuꞌedi mare tifa ra. Aonu mare koje nei glealeꞌa fara neu kate gahu fafara ka Lord jateula te chekeni ka nogna Vetula mae Moses naia neu.

Fapea Kronikols 23:18 ပူးပေါင်းရင်းမြစ်များ

Fapea Kronikols 5:5

Eghuteuna mae pris ka vikegna mae Livae igre hata ne tei Suga Tapuale te Blahi na baludi keha glepo blahi langau eghu. Mare pala ne tei glepo igre ka nogna Sugablahi Lord.

Fapea Kronikols 29:25

Ke leghu na, King Hesekaea chekedi mae Livaet mala hata nafnata gita nei belo eghu te au ka Sugablahi na leghuni nogna vetula Lord teke chekeni King Devet nei profet Gad, nei profet Natan.

Ululahu Kronikols 23:25

King Devet ne cheke eghu, “Lord, noda God tahati maeda Israel igne mana neke tusu mei pharikeli ka nogna naiknore, eghuteuna mana ginauna au fabrahu Jerusalem.

Fapea Kronikols 29:27

Aonu King Hesekaea ne cheke ka mare mala edi fafara te thofno krono fara. Kate fufunu fafara na, mare ne funu koje ne kilo fnaknoni Lord, eghuteuna hatimare mae pris gre ne ifu nodi khufli re, eghuteuna hatimare mae Livaet ne lalahu nodi gita nei thua nafnata glepo te mala koje.

Fapea Kronikols 30:27

Aonu mae pris nei mae Livaet teu igre ne kegra haghe ke uludi naiknore ne tarai ka God mala fablahidi naikno igre. Eghuteuna God mae ihei te au kligna ka nogna namono blahi na ne nomhidi nodi tharai mare re.

Fapea Kronikols 7:6

Ka narane tuana hatimare mae pris ne kegra haghe ka nodi vido na ne kufli ka glepo te kiloi trampet. Ka keha phile na hatimare mae Livaet, mare kegra haghe ka nodi vido na ne koje ka gita nei ifu ka glepo teke edi mae King Devet re. Mare ne koje eghu, “Lord na ghatho tahu ghita fabrahu!” Naiknore ne kafe kegra haghe.

Fapea Kronikols 29:30

King Hesekaea baludi nogna goro mae biꞌore ne chekedi hatimare mae Livaet mala kojeni khoje teke rioriso King Devet ghe Profet Asaf. Aonu mare ne glealeꞌa fara te cheke fakelini Lord ka khoje igre, eghuteuna mare ne theome gnafa te pogho soru nei cheke fakelini Lord.

Fapea Kronikols 35:2

Ka narane tuare, mae Josia neke vahidi mae pris mala loku ka nogna Sugablahi Lord, eghuteuna mana neke farerheta gaoghathodi mare re mala loku fakeli.

Esra 6:22

Ka fitu narane igre, mare ne thofno glealeꞌa fara, eghuteuna mare ne eni Gaghamu biꞌo eigna Bret te Theo Isi gna na. Mare glealeꞌa naugna Lord neke loku ka nagnafagna king gna Asiria, mala toghodi mare mala ke babana fapulo nogna Sugablahi nodi God mae Israel.