Fapea Kronikols 23:16 - Buka Blahi Ka Cheke Holo

¹⁶ Jehoada hata King Joas baludi naiknore mala nhaꞌa cheke leghuni nogna nhaꞌa cheke Lord, aonu mare ne nhaꞌa cheke mala au jateula nogna naikno Lord eghu kolho.

Fapea Kronikols 23:16 ပူးပေါင်းရင်းမြစ်များ

Nehemaea 9:38

“God, naugna te thoke mei gobigna lepo igre, ghehati neke eni kaisei nhaꞌa cheke ka iagho, neke rioriso soru ni. Eghuteuna ghehati mae lida re, mae pris ra, nei mae Livaet ra, ghehati te gnafa na ne kafe rioriso nanghami re ne lisei soru nomi fagaglana re tagna.”

Fapea Kronikols 29:10

Gognarona iara ghaoghatho mala eni kaisei nhaꞌa cheke balugna Lord nodi God mae Israel, mala theome diꞌatagna mana ka tahati.

Fapea Kings 11:17

Mae Pris Jehoeada ne hata King Joas baludi naiknore mala baubahu leghuni nogna nhaꞌa cheke Lord na, aonu mare ne nhaꞌa cheke mala au jateula nogna naikno Lord eghu kolho. Eghuteuna mana jaola neke cheke ka king mala eni kaisei nhaꞌa cheke mala ghatho tahudi naiknore, eghuteuna naiknore mala leghuni king.

Profet Isaia 44:5

Eghuteuna keha naiknodi ka keha kantri are ginauna fatutuani ghau iara. Keha ka mare ginauna cheke eghu, ‘Iara nogna Lord.’ Eghuteuna kehare ginauna cheke eghu, ‘Iara vikegna Jekop.’ Eghuteuna kehare ginauna rioriso nanghagu iara na ka khamedire. Eghuteuna kehare ginauna kilodi thedi naiknodi Israel.”

Esra 10:3

Eghume gognarona tahati na eni kaisei nhaꞌa cheke ka noda God mala kuru fapulodi gaꞌase bongihehe igre balu thudi mala ke pulo ka namonodi re. Uve, tahati ginauna edi unha te cheke ranghi ghami iagho nei mae iheire te ghatho tahudi nogna nhaꞌa cheke noda God igre. Eghuteuna tahati ginauna jaola leghudi unha te chekedi ka nogna Vetula God ra.

Fapea Kronikols 15:14

Eghume mare eni kaisei nhaꞌa cheke te nheta ka Lord. Aonu mare te gnafa na ne eha nei kufli ka trampet neu kate eni nhaꞌa cheke igne.

Fapea Kronikols 15:12

Maedi Juda nei Benjamin ne eni kaisei nhaꞌa cheke balugna Lord nodi God mae kuꞌedi mare tifara. Mare nhaꞌa cheke mala thofno ghaoghatho heta te mala leghuni kolho mana na.

Fapea Kronikols 15:15

Eghuteuna naikno te gnafa Juda igre ne kelitadi fara, naugna mare magnahaghei te nhaꞌa cheke ka Lord. Mare kelitadi fara te hironi mana, nei mare te thafoni mana. Eghume toghodi mare au fakeli, nei au ka pharikeli baludi kantri te gnafa re.