Fapea Kronikols 23:11 - Buka Blahi Ka Cheke Holo11 Jehoada baludi mae thugna re batuni ne mei Joas, thugna King Ahasaea igne ne nhaꞌa lao nogna khepi nafnakno king na ka mana. Eghuteuna mare ne tusu lao ka mana kaisei buka nogna Vetula God ka mana. Pris Jehoada baludi thugna mana re eghu ne tofa oel ka phaꞌugna mae Joas. Mare ne eha eghu fabiꞌo, “Iagho king fabrahu!” အခန်းကိုကြည့်ပါ။ |
Aonu mae Jehoeada ne batuni mae Joas ne jifla mei ka Sugablahi na ne lisei lao khepi nafnakno na ka phaꞌugna mana na. Eghuteuna tusu lao ka mana kaisei buka vetula te mala leghuni hatimare mae king, eghuteuna tofa oel ka phaꞌugna mana na. Eghuteuna chekeni ka naiknore te mana ngala te king gognarona. Aonu naiknore ne proaprosa ne eha eghu fabiꞌo, “Iagho king fabrahu!”
Hatimare mae king nei kuin teu igre ginauna jateula kmami nei idomi eghu ghotilo. Mare ginauna pogho soru pari ke ulumi ghotilo, eigna mare ghatho tahu ghami ghotilo. Ka narane igne ghotilo ginauna laseni te iara ngala Lord na. Iheire naikno te fatutuani ghau nei ofo ghau teu iara te mala toghodire ginauna keli tadi fara.”
Nu kaisei thugna king kolho te theome aknu falehe mare na, nanghagna na Joas. Mare namo faleheni mana baludi keha thugna king, nu Jehoseba ne fakarhini mana. Gaꞌase igne thugna King Jehoram, greghagna King Ahasaea, khetogna Pris Jehoada. Naꞌa tei ne hata Joas balugna kaisei gaꞌase te mala fachuꞌuni mana na, naꞌa tei ne pophorudi repa ke lamnagna kaisei chogho ke lamna Sugablahi. Eghume Kuin ne theome tangomana te faleheni Joas.
Aonu pris Sadok tei ka nogna Suga Tapuale te Blahi Lord na ne hata hona gna sipu na ne toho fafodu oel ne tofa ka phaꞌugna mae Solomon, igne fagaglana gna te king mana na. Ke leghugna igne, mae pris ne kufli, eghuteuna naiknore gleale'a ne thagru eghu fabiꞌo, “King Solomon, iagho king fabrahu tifa tifa!”
Ginei na, mana hata kmana buluka, sipu nei sua buluka te blokha neu ne tei fafara. Eghuteuna mana kilodi mae pris Abiata, mae Joab nei thumu te gnafa iagho ra eghu ne tei ima ka fafara igne. Eghuteuna gognarona mare ima nei koꞌu eghu balugna mana, eghuteuna mare eha eghu fabiꞌo, ‘King Adonaeja, iagho king fabrahu tifa tifa!’