Fapea Kronikols 22:4 - Buka Blahi Ka Cheke Holo

⁴ ne eni puhi te diꞌa na ka tathagna Lord, jateula teke edi vikegna Ehab ra neu. Vikegna King Ehab igre ne farirhiuni mana mala leghuni mana puhi te diꞌa na.

Fapea Kronikols 22:4 ပူးပေါင်းရင်းမြစ်များ

Proveb 13:20

Te fofodu balugna mae te autagna gaoghatho te keli na, iagho ginauna hata gaoghatho te keli. Nu te fofodu balugna mae te fameomekro na, iagho ginauna au papara.

Proveb 19:27

Thuguo, te tirou fanomho iagho ka nogu farirhiu iara igre na, iagho ginauna leghudi puhidi mae te diꞌa re.

Proveb 12:5

Mae te doglo na, ghathoni fabrahu te mala eni puhi te doglo na. Nu mae te diꞌa na ghathodi fabrahu thua nafnata puhi te mala chaghidi naiknore.

Proveb 1:10

Thuguo, thosei leghudi nodi cheke famaemahe naikno te diꞌa are.

Fapea Kronikols 22:3

Idogna mana Kuin Atalaea igne neke tusu ranghini mana gaoghatho te mala leghuni puhi te diꞌa na, eghume mae Ahasaea leghuni puhidi vikegna mae Ehab ra,

Profet Daniel 3:2

Gnafa teuna, mana ne kilodi hatimare mae minista, hatimare mae sekretri, hatimare mae primia, hatimare mae advaesa, hatimare mae mala reireghi sileni, hatimare mae mala fate, hatimare mae funei nei keha mae biꞌo ka provins. Mana ne cheke faheta ka mare mala kafe mei mala pogho soru ka mumuju igne.

Profet Daniel 3:24

Kate filo laodi thilo mare na, mae Nebukadnesa ne jaglo nogna fara ne ghosei kegra haghe. Mana ne ehadi nogna mae biꞌore ne cheke eghu, “Tore! Thilo mae si teke haru tahati teke koko lao lamna khaꞌaghi biꞌo ra, ba nihai sira?” Mare ne cheke eghu, “Uve king, tahati neke haru thilo mae kolho.”

Profet Maeka 6:16

Glepo igre ginau thoke ghami ghotilo, naugna ghotilo ne leghudi fabrahu puhidi phei king te diꞌa igre, King Omri ghe thugna mana King Ehab. Eghume iara ginauna goigoni namono igne, eghuteuna naikno te gnafa ka kantri gne mare ginauna ghatho fapari ghami ghotilo nei cheke fadiꞌa ghami ghotilo.”