Fapea Kronikols 21:7 - Buka Blahi Ka Cheke Holo

⁷ Nu neuba, Lord theome magnahaghei te goigoni ni vikegna King Devet, naugna tifa na mana neke eni kaisei nhaꞌa cheke balugna King Devet. Te chekeni ka nhaꞌa cheke igne na, kaisei ka vikegna Devet igne te mala king fabrahu Juda, mala jateula kaisei juta eghu phae fabrahu.

Fapea Kronikols 21:7 ပူးပေါင်းရင်းမြစ်များ

Ululahu Kings 11:36

Iara ginauna snakreni thugna mana na mala funei frunini kaisei vike kolho, eghuteuna vikegna King Devet te mala funei fruni ni fabrahu Jerusalem. Igne namono teke vahini iara te mala pogho soruni ghotilo Nanghagu iara na.

Luku 1:79

Na phae jateula naprai eghu ka tahati te au kate romno, nei au ke parigna naungogna u glehe. Mana ginauna na batu fadoglo ghita kau nabrou te mala hatini tahati u pharikeli na.”

Luku 1:69

God ginauna kuru meini kaisei mae te au nolaghi biꞌo ka tahati, mae igne kaisei mae vikegna King Devet nogna mae gloku.

Ululahu Kings 11:13

Nu iara ginauna na theome hata fadelei vike te gnafa Israel igre ka mana, nu iara ginauna na snakreni mana funei frunini kaisei vike mala au ka khamegna mana. Naugna iara neke ghatho tahuni mae kmamu iagho nogu mae gloku iara King Devet ia, eghuteuna iara jaola ghatho tahuni namono biꞌo Jerusalem teke vavahi iara ia.”

Nodi Khoje Hatimare Mae Jiu 132:11

Iagho neke eni kaisei nhaꞌa cheke te theome bligi ka mae Devet te theome tangomana iagho te fakhusui na. Uve, iagho neke nhaꞌa cheke eghu agne, “Iara ginauna vahini kaisei mae thumu iagho mala king, eghuteuna mana ginauna mala funei frunidi naiknore ke leghumu iagho.

Nodi Khoje Hatimare Mae Jiu 89:39

Iagho la theome leghunihi u nhaꞌa cheke teke eni iagho ka nou mae gloku gne. Iagho jateula te hata nogna khepi mana na te koko lao ka chopu ra eghu kolho.

Fapea Kronikols 22:11

Nu kaisei thugna king kolho te theome aknu falehe mare na, nanghagna na Joas. Mare namo faleheni mana baludi keha thugna king, nu Jehoseba ne fakarhini mana. Gaꞌase igne thugna King Jehoram, greghagna King Ahasaea, khetogna Pris Jehoada. Naꞌa tei ne hata Joas balugna kaisei gaꞌase te mala fachuꞌuni mana na, naꞌa tei ne pophorudi repa ke lamnagna kaisei chogho ke lamna Sugablahi. Eghume Kuin ne theome tangomana te faleheni Joas.

Fapea Kings 8:19

Nu Lord neke theome goigonidi naiknodi Juda, naugna mana neke eni kaisei nhaꞌa cheke ka nogna mae gloku, king Devet tifa. Mana neke nhaꞌa cheke keha ka vikegna mae Devet igre mala king fabrahu Juda, jateula kaisei juta eghu mala agha fabrahu.

Fapea Samuel 23:5

“Iara leghuni puki igne, eghume iara laseni God ginauna fablahini vikegu iara igne. Mana neke eni kaisei nhaꞌa cheke balugu iara, eghuteuna gobigna lepore doglo eghuteuna ginauna au fabrahu tifa tifa. Te laseni iara na igne ginauna thofno togho ghau iara, eghuteuna ginauna tusu ranghi ghau iara gobigna lepo te magnahaghedi iara re.

Fapea Samuel 21:17

Nu mae Abisae thugna Seruia igne mei ne toghoni King Devet ne faleheni mae te biꞌo fara jateula goigholi teu te nheta fara ka magra igne. Ke leghugna igne, nogna soldia mae Devet igre ne nhaꞌa cheke eghu, “Iagho thosei mei balumi ghehati ka magra. Eigna iagho jateula nodi juta eghu mae Israel, eghume ghehati theome snakreni kaisei naikno te mala falehe nigho iagho na.”

Ululahu Kings 15:4

Neuba, Lord ne ghathoni King Devet ne tusu ranghini mae Abaeja kaisei mae sitei nalhaꞌu mala tughuni mana Jerusalem mala king fruni Juda. Eghuteuna Lord ne reireghi fakelini fabrahu Jerusalem.

Fapea Kings 8:24

Kate lehe mae Jehoram na, mare ne giugiluni mana ka bekudi mae king tifa ka namonogna King Devet. Eghuteuna mae Ahasaea thugna mana na neke king tughuni mana.

Fapea Kronikols 23:3

Eghuteuna mare ne khapru ka nogna Sugablahi God na ne eni kaisei nhaꞌa cheke balugna King Joas. Pris Jehoada ne cheke eghu ka mare, “Thugna king te mala king na! Tuana unha teke nhaꞌa chekeni Lord eigna vikegna King Devet.

Fapea Kronikols 6:16

“Lord, nomi God ghehati maemi Israel, tajini sagho fapea nou nhaꞌa cheke teke eni iagho ka nou mae gloku kmagu iara Devet. Iagho neke nhaꞌa cheke ka thugna mana re te mala king fabrahu Israel ginauna, eghu jame te thofno leghudi mare nou Vetula iagho re jateula mana teke leghu nigho iagho ra teuna.