Fapea Kronikols 21:4 - Buka Blahi Ka Cheke Holo

⁴ Kate tughuni mana mae kmagna na te funei fruni rheta mana Juda na, mana ne aknu falehe namno mae thabusigna thegnare, eghuteuna mana jaola ne aknu falehe keha mae biꞌodi Juda.

Fapea Kronikols 21:4 ပူးပေါင်းရင်းမြစ်များ

Jajis 9:5

Abimelek ne tei ka nogna namono kmagna na Ofra. Eghuteuna ke kligna gna kaisei thina jare, mana ne aknu falehe fitusalei thabusigna mana, thugna mae Jerub-Baal. Ka narane tuana, Jotam thugna leghu lahu Jerub-Baal kolho te theome lehe na naugna mana ne poru.

Fapea Kronikols 22:10

Kate laseni Kuin Atalaea, idogna King Ahasaea gna Juda te lehe thugna na, naꞌa ne funu aknu falehedi vikegna king gna Juda.

Fapea Kronikols 21:17

Mare mei ne magra Juda. Aonu mare doglo ne tei ruma lamna ka nogna suga king na ne hata nogna famane gobigna lepo mana re, baludi thugna nalhaꞌu, nei khetogna teure. Nu thugna nalhaꞌu leghu lahu mae Jehoram, nanghagna na Ahasaea igne ngala te theome hata mare na.

Jenesis 4:8

Nu mae Kein ne tirogna fanomho ka Lord. Kaisei fata mae Kein ne cheke ka mae Abel tahigna na mala tei nonolo balugna. Eghuteuna kate au teu phiamare mhata na, mae Kein ne kegra haghe ne akni faleheni mae tahigna na.

Ululahu Jone 3:12

Thosei jateula mae Kein, mana nogna mae Satan neke faleheni mae tahigna na. Mana faleheni mae tahigna naugna glepo te edi mana re diꞌa fara, eghuteuna glepo te edi mae tahignare keli fara.

Fapea Kronikols 22:8

Eghuteuna kate paradi mae Jehu vikegna King Ehab igre, mana ne filodi keha mae biꞌodi Juda ne au neu baludi thudi kheragna King Ahasaea. Mare neke mei balugna King Ahasaea ka narane teke mei sighoni King Joram. Eghuteuna mae Jehu ne aknu falehedi mare ne hui.

Fapea Kronikols 21:13

Iagho leghudi kolho puhidi king di Israel te diꞌa ra. Eghuteuna iagho batudi naikno di Jerusalem nei keha naiknodi Juda eghu mala leghudi keha god delei, jateula King Ehab nei vikegna mana teku teke edi Israel ra. Eghuteuna iagho neke jaola neke aknu falehedi mae thabusimu themu ra. Mare vikegna mae kmamu iagho, eghuteuna mare keli salaꞌu nigho iagho puhidi re.

Ululahu Kings 1:12

Jame te magnahaghei fakarhini iagho nakarhamu na, nei nakarhagna thumu Solomon gne teuna,

Fapea Kronikols 25:3

Eghuteuna kate king Amasaea gna Juda igne, nogna nolaghi mana na ne rheta fara ne salaꞌui, mana ne falehedi phei mae teke faleheni mae kmagna na.