Fapea Kronikols 21:20 - Buka Blahi Ka Cheke Holo

²⁰ Mae Jehoram neke tolufulu phei finogha gna neke king nga mana, eghuteuna mana neke king Jerusalem nabagna nhana finogha. Eghuteuna kate lehe mana na, theo kaisei naikno teke diꞌanagnafani mana na, theo kolho. Mare ne giugiluni mana ka Nogna Namono biꞌo King Devet, nu mare neke theome giugiluni mana ka bekudi hatimare mae king.

Fapea Kronikols 21:20 ပူးပေါင်းရင်းမြစ်များ

Profet Jeremaea 22:18

Eghume, igne unha te chekeni Lord ka King Jehoiakim, thugna mae Josaea king gna Juda: “King, jame te lehe iagho na, theo kaisei naikno nate diꞌanagnafa nei tanhi teuna. Naiknore na theome cheke eghu, ‘Tore, kokhoni ni mae thabusigu na! Tore, kokhoni ni greghagu na!’ Jame te lehe iagho na, theo kaisei naikno nate diꞌanagnafa nei tanhi teuna. Naiknore na theome cheke eghu, ‘Tore, kokhoni ni fara nogu mae funei teke fnakno fara ka naiknore ia tela lehe igne!’

Profet Jeremaea 22:28

Jeremaea ne cheke eghu, “Mae Jehoiakin igne jateula suspen glose tela diꞌahi te theo kaisei naikno te magnahagheni ra eghu. Naugna unha si Lord te magnahaghei kuru teini mana baludi thugnare ka kantri delei ignea?

Fapea Kronikols 28:27

Kate lehe mana na, mare ne giugiluni mana Jerusalem nu theome ka bekudi hatimare mae king. Eghuteuna thugna mana Hesekaea neke tughuni mana.

Fapea Kronikols 24:25

King Joas ne ghoreho ne diꞌa phari nogna fara ka magra igne. Eghuteuna kate gnafa magra igne soldia di Siria igre neke pulo ka namonodi re. Aonu phei nogna mae biꞌo Joas igre ne ghaoghatho mala ke tughu fapulo unha teke eni mae Joas teke faleheni thugna Pris Jehoada igne. Aonu phiamare mei ne faleheni Joas kate thuru teu mana ka nogna sape na. Mare ne giugiluni mana ka nogna Namono Biꞌo King Devet, nu mare theome giugiluni mana ka bekudi hatimare mae king.

Proveb 10:7

Kate lehe kaisei naikno te doglo na, naiknore na ghathoni fabrahu nei gleꞌani eghu mana. Nu te lehe kaisei naikno te diꞌa na, naiknore na ghosei ghatho ihoni kolho mana.

Fapea Kronikols 23:21

Aonu naiknore ne thofno glealeꞌa fara. Eghuteuna namono biꞌo na ne au kmu, naugna mare neke hata naflahi mala magra na neke aknu faleheni Kuin Atalaea.

Fapea Kings 8:24

Kate lehe mae Jehoram na, mare ne giugiluni mana ka bekudi mae king tifa ka namonogna King Devet. Eghuteuna mae Ahasaea thugna mana na neke king tughuni mana.

Fapea Kronikols 24:16

Mare neke giugiluni mana ka bekudi hatimare mae king ka nogna Namono Biꞌo King Devet, naugna mana neke edi famane gloku ranghidi naiknodi Israel, ranghini God, nei ranghini Sugablahi.

Fapea Kronikols 26:23

Kate lehe Iusaea igne mare theome snakreni te giugiluni mana ka bekudi hatimare mae king, aonu mare ne giugiluni mana rhegna bekudi mae king ka namono biꞌo na, naugna khabru leprosi igne neke au ka mana. Eghuteuna thugna mana Jotam teke tughuni mana na.

Fapea Kronikols 28:26

Keha glepo teke edi Ehas funu ka narane te king te tei thoke ka narane glehegna mana na, mare neke rioriso soru ka Buka Eidi Glepo Teke Edi King Di Juda nei Israel.

Fapea Kronikols 33:20

Aonu kate lehe mae Manase na mare ne giugiluni mana rhegna nogna suga na. Eghuteuna thugna mana mae Amon neke tughuni mana neke kegra king.