Fapea Kronikols 20:6 - Buka Blahi Ka Cheke Holo

⁶ Mana ne tarai eghu: “Lord, nodi God kuꞌemi ghehati ra, iagho au kligna eghuteuna iagho funei frunidi kantri te gnafa ka nauthoglu igne. Iagho nheta fara, nei iagho au nolaghi fateote'o. Theo kaisei naikno tangomana te ulu nigho iagho na.

Fapea Kronikols 20:6 ပူးပေါင်းရင်းမြစ်များ

Diutronomi 4:39

“Eghume ghotilo mala laseni nei ghaoghatho fakeli eghu gognarona, Lord kolho te au kligna nei ka nauthoglu pari igne. Theo kaisei god te au aheva nga.

Profet Daniel 4:17

Igne nomi gaoghatho ghehati mae engel re. Ghehati magnahaghedi naikno ka namono te gnafa ka nauthoglu igne te laseni God mae ihei te fnakno nei funei frunidi naikno te gnafa ka nauthoglu igne. Mana tangomana te hata fadelei nogna nolaghi king na te tusu lao ka mae ihei te vahini mana te mala funei frunidi nogna naiknore, neuba mae igne ne kaisei mae nafnakno ba theo.’

Nodi Khoje Hatimare Mae Jiu 47:8

God, nogna God mae Ebraham, te gnokro teu ka nogna sape nafnakno na mana funei frunidi naikno te gnafare. Mae lida di keha kantri are ginauna na salofodu mei mala kaisei ngala baluda tahati nogna naikno mana re. Mana au nogna nolaghi te mala tapla sorudi hatimare mae armi, eghuteuna mana ginauna kaisei nodi king naiknore.

Mae Khuru 11:17

Tutuani, iara neke filoni God na neke tusu lao Tharunga te Blahi na ka naikno te theome Jiure, jateula mana teke tusu mei ka tahati naikno te kulu fatutuani ni noda Lord Jisas Kraes. Eghume iara theome tangomana te lhotini nogna gloku God na.”

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Matiu 6:9

“Eghume, kate tarai na, ghotilo tarai jateula igne eghu: “ ‘Mama te au kligna, ghehati magnahaghei te ghatho tahuni nanghamu te blahi.

Profet Daniel 4:25

Naiknore ginauna brue fajifla nigho iagho. Eghuteuna iagho ginauna tei au baludi buluka, sipu, nanigot nei hose teu mata are nabagna fitu finogha mala ghamu buburu jateula buluka eghu. Eghuteuna iagho ginauna na thuru kosi fari hotei glalaba, eghuteuna nakhete bongiro ginauna soru mei ke klignamu. Iagho ginauna eghu fabrahu ghilei filo glani iagho God mae ihei te fnakno kligna lahu igne. Eghuteuna Mana funei frunidi naikno te gnafa heva heva ka nauthoglu igne. Eghume, God igne ngala mae ihei te tangomana te tusu lao nolaghi ka mae ihei te mala mae king na.

Profet Isaia 66:1

Lord ne cheke eghu, “Kligna na nogu sape nafnakno iara, eghuteuna nauthoglu igne nogu vido mala tapla iara phei ghahegu gre. Eghume, ghotilo ginauna horo nogu suga iara na aheva? Aheva nate au nogu vido mala gnafa iara na?

Nodi Khoje Hatimare Mae Jiu 115:3

Tututani, noda God tahati na au kligna, eghuteuna mana au nolaghi te mala eni unha te magnahagheni mana na.

Ululahu Kings 8:23

ne tarai, “Lord, iagho nomi God ghehati naiknomi Israel, theo kaisei god te au kligna ba te au ka nauthoglu te jateula iagho teuna. Iagho leghuni fabrahu nou nhaꞌa cheke teke eni iagho ka ghehati. Eghume ghehati thofno gleꞌa fara te leghuni puhimu iagho na.

Josua 2:11

Kate nomhidi ghehati thoutonu eidi glepo igre, ghehati mhaghu nomi fara. Eghuteuna gognarona gaoghathomi ghehatire thofno glaꞌe farahi. Lord nomi God ghotilo igne mana thofno God gna kligna nei nauthoglu igne.

Nodi Khoje Hatimare Mae Jiu 62:11

Kmana fata iara nomhi ni God na cheke eghu, “Iara God, iara au nogu nolaghi biꞌo. Eghuteuna iara namhadi fara nogu naiknore.” Lord, iagho ngala te tangomana te taba ghami ghehati te gnafa na, eidi gloku teke edi ghehati na.

Nodi Khoje Hatimare Mae Jiu 47:2

Tahati mala mhaghuni Lord. Mana God te fnakno kligna lahu. Mana te mae nolaghi fara te funei frunidi naikno te gnafa ka nauthoglu igne.

Ululahu Kronikols 29:18

Lord, iagho nogna God mae Ebraham, nogna God mae Aesak nei nogna God mae Jekop, thilo kuꞌemi ghehati tifa ra. Ghehati ghatho tahu nigho iagho, toghodi sagho iheire nate karha mei ke leghumi ghehati igre mala jaola au fabrahu nafnata gaoghatho igne, nei ghatho tahu nigho fabrahu.

Eksodas 3:6

Iara nodi God kuꞌemu iagho tifa ra, nogna God Ebraham, nei Isak nei Jekop.” Aonu Moses toku tafru tathagna foflogna re, naugna mana mhaghu nogna fara te filo lao ka God.

Letas Teke Riso Tei Mae Pol Ka Khiloau Rom 9:19

Glahula ghusna eghu ghotilo ka iara, “Jame te eghu na, ne faꞌunha si God te fate falehedi naikno eidi nakhibodi grea? Naugna kate tapla jafra ka nakhibodi gre, mare neke eni kolho unha God te magnahagheni na.”

Fapea Kronikols 20:5

Kate kafe khapru mei naiknodi Juda nei Jerusalem teu igre ka glalaba majaghani ke ulugna nogna Sugablahi Lord igne na, King Jehosafat kegra haghe ne tarai.

Fapea Kronikols 25:8

Jau iagho gaoghathomu na, mare ginauna togho nigho mala nheta ka magra eghu, nu neuba iagho ne theome mhaghu ka magra, God ginauna koko soru nigho ke uludi nou naokare. God ngala te au nolaghi te mala togho nigho ba theo.”

Nodi Khoje Hatimare Mae Jiu 54:1

God iara toreni u nou nolaghi iagho na mala fakarhi ghau ka khamedi naikno te diꞌa gre. God, mei fakarha ghau iara.

Profet Isaia 14:27

Lord mae ihei te au nolaghi fateote'o igne la ghathonihi unha te mala eni na, theo kaisei naikno nate fanograni mana na. Eghuteuna kate ngafa haghe mana khamegna na te mala paradi naiknore, theo kaisei naikno jaola nate fanograni mana na.

Ululahu Kings 8:30

Lord, fanomho mei ka nogu tharai iara nou mae gloku gne, eghuteuna filo mei ka vido igne kate tharai nou naikno gre. Neuba iagho ne au kligna fanomho mei ka nomi tharai gre. Kate fanomho na, iagho hata fadeleidi nakhibomi gre.

Fapea Kronikols 5:14

eghume, mare theome tangomana te edi nodi gloku re, naugna naphaegna nogna nolaghi Lord na ne fodu ka nogna Sugablahi na.

Fapea Kronikols 6:14

Aonu mana ne tarai eghu, “Lord, nomi God ghehati maemi Israel, theo kaisei god aheva nga kligna ba ka nauthoglu igne te jateula iagho teuna. Iagho leghuni nou nhaꞌa cheke na ne ghatho tahudi nou naikno iheire te thofno magnahaghei te leghuni puhimu iagho na.

Thoutonu Eigna Mae Job 9:4

God na thofno lalase fara, eghuteuna mana nolaghi fara. Eghuteuna theo kaisei naikno te tangomana te kegra haghe te uluni mana na.

Nodi Khoje Hatimare Mae Jiu 46:11

Lord mae ihei te funei frunini tharagna kligna na auhi baluda tahati agne. Mana noda God tahati maeda Israel. Mana noda namono keli mala poru tahati.

Profet Jeremaea 49:19

“Naoka na ginauna mei jateula lion te jifla mei rhegna Khoꞌu biꞌo Jordan te mei ka vido te au sipu tagna ra eghu na megei nga mei. Eghuteuna naiknodi Idom ginauna rikha kokoni nodi kantri na. Aonu iara ginauna vavahi kaisei mae te magnahagheni iara na mala funei fruni ka kantri igne. Theo kaisei mae jateula iara teuna! Ihei gne tangomana nate tapla fapari ghau iara na? Thono theo fara. Eigna theo kaisei mae te funei fruni te au nogna nolaghi te mala tapla fapari ghau iara na.”