Fapea Kronikols 20:30 - Buka Blahi Ka Cheke Holo

³⁰ Eghume nogna kantri King Jehosafat igne au ka pharikeli baludi kantri te gnafa te au faligohoni mana.

Fapea Kronikols 20:30 ပူးပေါင်းရင်းမြစ်များ

Fapea Kronikols 15:15

Eghuteuna naikno te gnafa Juda igre ne kelitadi fara, naugna mare magnahaghei te nhaꞌa cheke ka Lord. Mare kelitadi fara te hironi mana, nei mare te thafoni mana. Eghume toghodi mare au fakeli, nei au ka pharikeli baludi kantri te gnafa re.

Jone 14:27

Iara na lilisei soru nogu pharikeli na balumi ghotilo, nogu pharikeli iara igne tusu ari ka ghotilo. Nogu pharikeli iara igne theome jateula glepo te tusu ari naiknogna nauthoglu igne eghu. Eghume thosei nanga nomi nei thosei mhaghu eghu ghotilo ia.

Proveb 16:7

Ihei te au ka nakarha te magnahagheni Lord na, Lord ginauna toghoni mana mala theome magra baludi nogna naokare.

Thoutonu Eigna Mae Job 34:29

Ba, jame God nomhidi mare, nu theome eni kaisei glepo teuna, ihei gne te au nogna nolaghi te mala chekeni ne jafra mana teuna? Jame God pophoru tathagna nei foflogna teure, ihei gne nate filoni mana na? Nu mana saghe leghudi naikno nei kantri teu igre.

Fapea Samuel 7:1

King Devet ne au ka suga biꞌo, eghuteuna Lord ne toghoni mana mala au blagna, naugna mana ne uludihi nogna naokare.

Josua 23:1

Kmana finogha ke leghu, Lord ne tusu ranghidi naiknodi Israel pharikeli baludi nodi naoka fateote'o te au faligohodi teu. Ka narane tuare, Josua la thofno kuekuꞌe farahi.

Nodi Khoje Hatimare Mae Jiu 76:8

Iagho au kligna, eghuteuna iagho edi naikno ka nauthoglu gne mala lase fakelini gaoghathomu iagho na. Naugna igne, kate fatedi iagho naikno te gnafare nei fakarhidi iheire te au papara teure, naikno te gnafa ka nauthoglu igne ne mhaghu nodi fara ne au kmu.

Levitikas 26:6

“Iara ginauna togho ghami ghotilo mala au fakeli ka nomi kantri igne, eghuteuna ghotilo ginauna tangomana te thuru fakeli na eghuteuna bongiro na ghotilo ginauna theome mhaghuni kaisei glepo. Glepo tautagu te lase falehe naikno igre iara ginauna ngolhi fajifladi ka nomi vido ghotilo re, eghuteuna ginauna theo kaisei magra nate mei ka nomi kantri ghotilo igre.

Thoutonu Eigna Mae Job 11:19

Uve, iagho ginauna thuru fakeli, eghuteuna theo kaisei naikno nate mei famamhaghu nigho na. Eghuteuna kmana naikno ginauna tore nigho mala toghodi.

Proveb 3:24

Kate thuru na iagho ginauna na thuru blakno, eghuteuna iagho ginauna na theome tangomana te mhaghuni kaisei glepo na.

Profet Sefanaea 3:13

Naiknodi Jerusalem te au faleghu teu igre ginauna theome eni kaisei puhi te diꞌa ranghidi keha naiknore. Eghuteuna theo kaisei naikno nate cheke chaichaghini nei majorani teu kheragna fofodu na. Mare ginauna au blagna nodi jare, eghuteuna theo kaisei naikno nate famamhaghudire.