Fapea Kronikols 20:26 - Buka Blahi Ka Cheke Holo

²⁶ Fati narane ke leghugna magra igne, mare ne salo fodu ka glogu Beraka mala kilo fnaknoni Lord. Eghume, nanghagna vido igne mare kiloni glogu igne Beraka ghilei mei posa ka narane igne. Gaoghathogna Beraka gna, “Kilo fnakno.”

Fapea Kronikols 20:26 ပူးပေါင်းရင်းမြစ်များ

Luku 1:68

“Tahati kilo fnaknoni noda Lord God gna Israel! Mana mei mala togho ghita nogna naiknore nei tusu ranghi ghita u nasnagla.

Profet Isaia 62:4

Theo kaisei naikno nate chekeni, Lord ginauna na tei koko ghami ghotilo teuna. Theo kaisei naikno nate chekeni nomi glose ghotilo igne ginauna jateula gaꞌase te kokohi khetogna na ra teuna. Nu igne nangha majaghani nate kilo ghami mare na, ‘Lord na kelitagna fara ka ghotilo.’ Nomi glose ghotilo igne mare ginauna kiloi, ‘Mana kelitagna fara ka khetogna na.’ Naugna Lord ginauna kelitagna fara ka ghotilo, eghuteuna mana ginauna reireghi fakelini nomi glose ghotilo igne jateula kaisei mae te reireghi fakelini khetogna na ia eghu.

Fapea Kronikols 5:9

Phei gaju igre thono brahu fara, jame ihei te kegra ka Chogho biꞌo te Blahi igne na, mana tangomana te filoni khukrudi phei gaju igre. Nu jame ihei te kegra teu kosi ka Sugablahi na, mana theome tangomana te filodire. Phei gaju igre au ngala jare mei thoke gognarogne.

Eksodas 17:15

Kate cheke te gnafa Lord na, mae Moses ne titili kaisei olta mala fafara. Mana ne kiloni olta igne, “Lord na jateula nogu greoreo eghu iara naugna mana neke togho ghau iara neke uludi nogu naoka re.”

Jenesis 32:20

Ghotilo mala cheke eghu ka mana, ‘Uve, nou mae gloku iagho Jekop na ke leghumi ghehati mei!’ ” Mae Jekop ne cheke eghu ka gaoghathogna thegna na, “Ka puhi igne mae thabusigu iara na ginauna na ke ghatho ihodi teke diꞌatagna ka iara ra. Eghuteuna ka te thafo ghau iara na, mana ginauna nake keli tagna ka iara eghu.”

Fapea Samuel 22:1

Mae Devet ne koje kaisei khoje mala cheke fakelini Lord ke leghugna Lord te fakarhini mana ka nogna naoka re, tulao ka mae king Sol. Igre chekedi nogna khoje mae Devet re:

Ululahu Samuel 7:12

Eghuteuna ke leghu, mae Samuel ne lisei haghe kaisei thina biꞌo ka kaisei vido farihoteidi phei namono Mispa ghe namono Sanai. Eghuteuna mana kiloni thina igne Ebenesa, naugna mana neke cheke eghu, “Lord na togho ghita fabrahu la ghilei mei posa gognarogne.”

Mae Khuru 1:19

Naikno te gnafa Jerusalem nomhini unha te eni mae Judas igne, ne kiloni vido glose tuana ka nodi cheke thedi na, “Akeldama”, gaoghathogna na “U vido dadara”.

Jenesis 28:19

Mana ne kiloni vido igne Betel, gaoghathogna nangha igne sugagna God eghu. Tifa na mare neke kiloni namono igne Lus.

Ululahu Kronikols 12:3

Mae Ahiesa ghe mae Joas phei mae thabusigna igre thugna mae Sema maegna ka namono Gibea. Eghuteuna mae Ahiesa gne nodi lida mae soldia igre. Mae Jesiel ghe mae Pelet, phei thugna mae Asmavet. Mae Beraka, ghe mae Jehu kaisei maegna ka namono Anatot.

Fapea Kronikols 20:25

Aonu, King Jehosafat baludi nogna soldia manare tei ne hata nodi gobigna lepo mae te lehe igre. Mare hata kmana buluka, kmana glepo mala magra, kmana pohe, nei keha famane glepo. Mare pulei glepo ka vido igne nabagna thilo narane. Mare theome tangomana te hata fateo gobigna lepore, naugna kmana fara.

Fapea Kronikols 20:27

Aonu King Jehosafat ne batudi soldia di Juda nei Jerusalem neke figri Jerusalem. Mare ne thofno glealeꞌa fara naugna Lord ne uludi nodi naoka re.