Fapea Kronikols 20:22 - Buka Blahi Ka Cheke Holo

²² Kate funu koje mare te kilo fnaknoni Lord na, Lord ne lilisei phighoro ranghidi soldia di Amon, nei Moab, nei Idom eghu te magnahaghei mei roꞌeni Juda. Nu mare ne theome tangomanadi,

Fapea Kronikols 20:22 ပူးပေါင်းရင်းမြစ်များ

Profet Esikiel 38:21

Iara ginauna kuru mei mae naoka ka thogele Israel mala magra ka King Gog. Eghuteuna nogna soldia mana re ginauna aknu falehedi thedi ka magra. Iara Lord te cheke igne.

Ululahu Samuel 14:20

Aonu mana ne tei baludi nogna soldia re ne magra ka armigna Filistia. Nu armi gna Filistia igne ne faꞌiho tafri ne magra fari thedi.

Profet Isaia 19:2

Lord ne cheke eghu, “Iara ginauna snakredi naiknodi Ijep mala magra fari thedi. Naiknore ginauna magridi kheradi thedire. Eghuteuna phei mae ke lamnagna kaisei namono na ginauna magra fari thedi. Ginauna naikno gna kaisei namono na ginauna magra ka naikno gna keha namono na. Ginauna naikno gna kaisei provins ginauna magra ka naikno gna keha provins na.

Fapea Kings 6:17

Eghuteuna mana ne tarai eghu, “Lord, tothora tathagna mana re mala filoni mana nou nolaghi iagho na.” Aonu Lord ne tothora tathagna mae gloku igne. Mana ne filoni thogele te au phiamare igne ne fodu ka hose nei chariot eghu ne jateula khaꞌaghi neu filodire. Mare ikotongana faligohoni mae Elisa.

Fapea Kronikols 20:10

“Nu gognarona, armigna Amon, nei armigna Moab, nei armigna Idom teu igre mei mala magra ka ghehati. Tifa, kani teke jifla Ijep kuꞌemi ghehati tifa ra, iagho neke theome snakre ghami ghehati mala hata nodi namono naikno igre, eghume mare neke theome goigoni kaisei nodi glepo mare.

Fapea Kronikols 13:13

Kate cheke teu mae Abaeja na, King Jeroboam ne kurudi keha nogna soldia mala tei poru mata ke leghudi armigna Juda. Eghuteuna mana lilisei keha soldia mala mei ke ulugna armi tuana.

Ululahu Samuel 14:16

Ka narane tuana, kate filodi soldia di Filistia gre, mae te mala reireghini mae Sol Gibea igre mare ne rikha tafri, naugna mare ne mhaghu nodi fara.

Fapea Kronikols 21:8

Ka narane te king Jehoram igre, naikno di Idom gre theome magnahagheini king gna Juda te funei frunidi re, aonu mare ne vahini kaisei nodi king thedi.

Josua 6:16

Ka fafitu fata te tei faligohoni mare namono igne, mae pris igre ne tarabana mala kufli fabrahu. Aonu mae Josua ne cheke eghu ka mare, “Gognarona ghotilo eha fabiꞌo! Naugna Lord la snakrenihi namono igne ka tahati!

Fapea Samuel 22:4

“Kate kiloni iara na, mana tangomana te fakarhi ghau iara ka naokare. Eghume, tahati te gnafa na cheke fakelini Lord.

Fapea Kronikols 5:13

Eghuteuna kate koje teu mae te mala koje gre, hatimare mae pris gre ifu ka trampet, eghuteuna keha maere mare lalahu ka simbol nei ghita. Nodi khoje mare igre famane fara fanomhodi re. Mare koje mala kilo fnaknoni Lord, ne cheke eghu: “Lord thofno keli fara, eigna Mana ghatho ghita fabrahu.” Aonu kaisei khoveo mei ne fodu ka Sugablahi na,

Fapea Kronikols 13:15

Aonu hatimare mae soldia di Juda ne eha fabiꞌo mala tei ka magra. Kate eha eghu mare na, God ne toghoni King Abaeja nei armigna Juda mala tangomana mare te ngolhi teini Jeroboam nei armigna Israel.

Nodi Khoje Hatimare Mae Jiu 18:4

U glehe na theome tei fakhaba ghau iara. Glehe na jateula dogi te haru famaku ghau iara ia eghu, ba jateula galo te mei toku tafru ghau iara ia eghu.