Fapea Kronikols 20:20 - Buka Blahi Ka Cheke Holo

²⁰ Hamerane boibongi ka keha narane na, hatimare mae soldia ne tarabana mala tei ka namono nagou rhegna namono Tekoa. Eghuteuna kate tei mare na, King Jehosafat ne cheke eghu ka mare, “Ghotilo maemi Juda nei Jerusalem, fanomho fakeli ghotilo ia! Fatutuani ka Lord, noda God, eghuteuna mana ginauna farheta ghami ghotilo. Ghotilo fatutuanidi nodi cheke nogna mae profet manara, eghuteuna ghotilo ginauna tangomana te uludi mae naoka re.”

Fapea Kronikols 20:20 ပူးပေါင်းရင်းမြစ်များ

Jone 14:1

Mae Jisas ne cheke eghu ka nogna mae fanomhore, “Thosei nanga nomi nei diꞌanagnafami eghu. Fatutuani ni God nei fatutuani ghau la iara.

Hibru 11:6

Mae ihei te theome fatutuani ka God na, God ginauna na theome keli tagna ka mana. Naugna mae ihei te magnahaghei mei namo ka God na, mana kulu fatutuani ni God te karha nei jaola fatutuani ni God ginauna na tabadi naikno te hironi mana na.

Jone 11:40

Mae Jisas ne cheke eghu ka naꞌa, “Mafa, kela ghatho ihoni sagho teke cheke ranghi nigho iara ia? Te fatutuani ghau iara iagho na, iagho tangomana te filoni fagaglana gna nogna nolaghi biꞌo God na.”

Letas Teke Riso Tei Mae Pol Ka Khiloau Rom 8:31

Eghume faꞌunha eghu tahati chekedire glepo igre? Tutuani, te kafe phile God baluda tahati na, theo kaisei naikno te tangomana te tapla soru ghita na.

Luku 16:31

“Mae Ebraham ne cheke eghu ka mana, ‘Theo. Te theome fanomho la mare ka mae Moses nei ka hatimare mae profet teuna, mare na theome fanomho la ka mae iheire teke kegra fapulo ka glehe na.’ ”

Jone 13:20

Tutuani fara te chekeni iara ka ghotilo na. Mae ihei te taji fakelini kaisei nogu naikno gloku teke kuru meini iara na, mana taji fakeli ghau la iara. Nu ihei te taji fakeli ghau iara na, mana mala jaola taji fakelini mae Mama, mae teke kuru mei ghau iara na.”

Profet Isaia 26:3

Lord, iheire te ghatho tahu nigho fabrahu, ginauna toghodi mala au ka pharikeli, naugna mare ne rouronu nigho fabrahu.

Eksodas 14:31

Kate filoni hatimare mae Israel gre nogna nolaghi biꞌo Lord te tapla faparidi mae Ijep gre, mae Israel gre ne pogho soru ka mana, nei ghatho tahuni Lord nei nogna mae gloku Moses.

Profet Jeremaea 6:1

Lord ne cheke eghu, “Ghotilo vikegna mae Benjamin ra, ghotilo jifla Jerusalem rikha tei poru! Ghotilo te au ka namono Tekoa mala kufli. Ghotilo te au ka namono biꞌo Bet-Hakerem, ghotilo ifu khaꞌaghi ka thogele ke leghu namono biꞌo, mala laseni naiknore tela meihi mae naokare. Puhi biꞌo igne na jifla mei ke raru mala mei goigoni ghami ghotilo.

Fapea Samuel 14:2

Aonu mana ne fatei cheke ka namono Tekoa mala hata mei kaisei naikno biꞌo. Naikno biꞌo igne fnakno fara eigna naꞌa autagna keha famane gaoghatho te keli. Kate posa mei naikno biꞌo igne, mae Joab ne cheke eghu ka naꞌa, “Iara magnahaghei nigho iagho te jateula te diꞌanagnafa nei tanhi teu iagho ka kaisei naikno te lehe ia eghu. Iagho ginauna pipichi pohe mala giugilu ra, eghuteuna iagho thosei ghiha oel ka khaklamu nei thinimu teu are. Iagho mala jateula gaꞌase te tanhi kmana narane eigna kaisei naikno te lehe ia eghu.

Ululahu Kronikols 4:5

Mae Asua, mae ihei teke fufunu gna namono Tekoa igne, mana neke au phei khetogna, Hela ghe Nara.

Fapea Kronikols 20:19

Eghuteuna keha mae Livaet ka vikedi mae Kohat ghe mae Kora kegra haghe ne eha fabiꞌo mala kilofnaknoni Lord, nodi God mae Israel.

Profet Jeremaea 38:20

Mae Jeremaea ne cheke eghu, “Mare ginauna theome lisa lao nigho iagho ka khamedi mare. Nu igne unha te chekeni iara ka iagho na, jame te leghuni iagho nogna cheke Lord te chekeni iara igne na, iagho ginauna karha.

Profet Daniel 6:23

Kate nomhi igne, mae king ne thofno gleale'a fara ne cheke faheta ka nogna mae glokure mala korho hagheni mae Daniel ka khora na. Kate korho hagheni mare mae Daniel ka khora na, mare ne theome filoni kaisei nachrahi ba kaisei thona ka thinigna mana na. Naugna mana ne fatutuani ni God, eghuteuna lion gre theome tangomana te eni kaisei glepo te diꞌa ka mana na.

Nodi Khoje Hatimare Mae Jiu 125:1

Iheire te au nodi grouronu biꞌo ka God na, mare jateula Thogele Saion te theo ka nghali gna ba thugha gna teu ia eghu.

Profet Isaia 28:16

Nu Lord God ne cheke eghu, “Gognarona iara na lilisei kaisei thina maku te theo ka nghaligna agne Jerusalem. Ka narane te babana iara nogu suga na, iara na lilisei kaisei thina pari mala sutu haghegna suga igne. Ihei te rouronu ka iara mae ihei teke lilisei gna thina igne na, mana ginauna theome tangomana te nghali na.