Fapea Kronikols 20:19 - Buka Blahi Ka Cheke Holo

¹⁹ Eghuteuna keha mae Livaet ka vikedi mae Kohat ghe mae Kora kegra haghe ne eha fabiꞌo mala kilofnaknoni Lord, nodi God mae Israel.

Fapea Kronikols 20:19 ပူးပေါင်းရင်းမြစ်များ

Ululahu Kronikols 23:5

Eghuteuna fati thogha mae mala reireghigna Sugablahi. Eghuteuna fati thogha mae mala cheke fakelini Lord ka thua nafnata khoje mala cheke fakelini nanghagna Lord. Iara neke edi thua nafnata khoje igre neke tusu lao ka mare.”

Ululahu Kronikols 16:42

Mae Heman ghe mae Jedutun phia mae igre mala fiofilodi mae iheire te kufli nei lalahu babuban, nei keha nafnata khoje te mala cheke fakelini God. Eghuteuna mae ka vikegna mae Jedutun igre mare reireghini grengathagna vido blahi igne.

Ululahu Kronikols 16:5

Mana ne vahini mae Asaf mala nodi mae funei mare mala lida ka tharai nei ka khoje. Mae Sekaraea te fapea ka mana na. Nanghadi mae iheire te mala lalahu gita re igre: Mae Jeiel, mae Semiramot, mae Jehiel, mae Matitaea, mae Eliab, mae Benaea, mae Obed-Idom, nei keha Jeiel. Mae Asaf jaola mae mala koje ka babuban.

Nodi Khoje Hatimare Mae Jiu 81:1

Tahati glealeꞌa nei eha fabiꞌo lao eghu ka God nogna Jekop. Uve, tahati koje fabiꞌo mala kilo fnaknoni God, naugna mana neke batu ghita.

Nodi Khoje Hatimare Mae Jiu 49:1

Ghotilo naikno ka namono te gnafa ra, ghotilo kafe fanomho! Mae funeira, mae mavitura, mae te dedeira, nei mae te kumara, nei ghotilo te gnafa ka nauthoglu igne ra ghotilo fanomho fakeli ka cheke igne!

Nodi Khoje Hatimare Mae Jiu 44:1

God, glepo biꞌo teke edi iagho ranghidi ku'emi ghehati tifara, mare la toutonuhi ka ghehati la nomhidihi ghehati themi.

Fapea Kronikols 5:13

Eghuteuna kate koje teu mae te mala koje gre, hatimare mae pris gre ifu ka trampet, eghuteuna keha maere mare lalahu ka simbol nei ghita. Nodi khoje mare igre famane fara fanomhodi re. Mare koje mala kilo fnaknoni Lord, ne cheke eghu: “Lord thofno keli fara, eigna Mana ghatho ghita fabrahu.” Aonu kaisei khoveo mei ne fodu ka Sugablahi na,

Eksodas 6:24

Kora ne au thilo thugna nalhaꞌu, Asia, Elikana, nei Abiasaf. Eghuteuna thilo tharakna te mei ke leghudi igre, au nanghadi thiloi igre.

Fapea Kronikols 20:18

Aonu Jehosafat pogho soru pari eghuteuna tathagna nei foflogna teu manare ne tei ka glosero, eghuteuna naiknore ne pogho soru pari balugna mana ne tarai ka Lord.

Fapea Kronikols 20:20

Hamerane boibongi ka keha narane na, hatimare mae soldia ne tarabana mala tei ka namono nagou rhegna namono Tekoa. Eghuteuna kate tei mare na, King Jehosafat ne cheke eghu ka mare, “Ghotilo maemi Juda nei Jerusalem, fanomho fakeli ghotilo ia! Fatutuani ka Lord, noda God, eghuteuna mana ginauna farheta ghami ghotilo. Ghotilo fatutuanidi nodi cheke nogna mae profet manara, eghuteuna ghotilo ginauna tangomana te uludi mae naoka re.”

Nehemaea 9:4

Hatimare mae Livaet ne kegra haghe ka lada na ne eha fabiꞌo ka nodi Lord God. Nanghadi mae igre, mae Jesua, nei mae Bani, nei mae Kadmiel, nei mae Sebanaea, nei mae Buni, nei mae Serabaea, nei keha mae Bani, nei mae Kenani.