Fapea Kronikols 20:18 - Buka Blahi Ka Cheke Holo

¹⁸ Aonu Jehosafat pogho soru pari eghuteuna tathagna nei foflogna teu manare ne tei ka glosero, eghuteuna naiknore ne pogho soru pari balugna mana ne tarai ka Lord.

Fapea Kronikols 20:18 ပူးပေါင်းရင်းမြစ်များ

Eksodas 4:31

Mare te gnafa na ne kafe fatutuani eigna Lord teke kuru meini Moses. Eghuteuna kate nomhini Lord te kokhonidi naiknore, nei filo glanidi nodi naꞌau papara re teuna, naiknore pogho soru ne tarai ka Lord.

Fapea Kronikols 7:3

Kate filoni naiknore te soru mei khaꞌaghi igne funugna kligna na, eghuteuna naphaegna nolaghi igne ne theome gnafa te phae ke kligna Sugablahi na, naiknore pogho soru ne ghilei thoke pari ka glose na. Naiknore tufru soru ka Lord ne tegioni mana. Eghuteuna naiknore ne tarai eghu, “Thofno keli fara, eghuteuna Mana ghatho tahu ghita fabrahu.”

Thoutonu Eigna Mae Job 1:20

Job kegra haghe ne rerheku nogna pohe na, eghuteuna kuchi koko khaklagna re naugna mana ne diꞌa nagnafagna fara. Mana thuru soru pari tathagna nei foflogna teure ka glose na ne cheke fakelini Lord.

Jenesis 24:26

Aonu nogna mae gloku mae Ebraham gne ne pogho soru pari ke ulugna Lord,

Nodi Khoje Hatimare Mae Jiu 95:6

Ghotilo mei, mala pogho soru nei tufru soru eghu tahati ka mana. Tahati mala tuturupuku soru ke ulugna Lord mae ihei teke vuavuha ghita.

Fapea Kronikols 20:19

Eghuteuna keha mae Livaet ka vikedi mae Kohat ghe mae Kora kegra haghe ne eha fabiꞌo mala kilofnaknoni Lord, nodi God mae Israel.

Fapea Kronikols 29:29

Ke leghugna tuana, king baludi naikno te gnafa igre kafe pogho soru pari ne kilo fnaknoni Lord.

Nehemaea 8:6

Mae Esra ne eha eghu fabiꞌo, “Tahati cheke fakelini Lord, God te fnakno kligna lahu!” Eghuteuna naiknore ne ngafa haghe khamedire ne eha eghu fabiꞌo, “Amen! Amen!” Aonu naiknore pogho soru pari ne thoke ka glose ro ne kilo fnaknoni Lord.