Fapea Kronikols 20:17 - Buka Blahi Ka Cheke Holo

¹⁷ Ka narane tuana, ghotilo thosei magra ka mare. Nu ghotilo kegra heta, tarabana ofou kolho. Iara ginauna magra ranghi ghami ghotilo, eghuteuna ghotilo ginauna filo ghau iara Lord nate uludi mare na. Ghotilo thosei mhaghu nei glaꞌe soru eghu. Nathuꞌu na ghotilo ginauna tei ke uludi mare, eghuteuna iara ginauna au balumi ghotilo.’ ”

Fapea Kronikols 20:17 ပူးပေါင်းရင်းမြစ်များ

Profet Isaia 41:10

Eghume ghotilo thosei mhaghu! Iara nomi God ghotilo mala au balumi ghotilo. Iara ginauna farheta ghami nei togho ghami eghu ghotilo. Uve, khame nhetagu iara na ginauna togho ghami ghotilo mala kegra heta ghotilo, eghuteuna iara ginauna reireghi ghami ghotilo ka puhi te doglo.

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Fapea Kronikols 32:8

Mana au nogna nolaghi, nu nogna nolaghi mana tuana mei funugna ka naikno kolho. Nu tahati au tada nogna nolaghi Lord noda God. Mana ginauna magra ranghi ghita mala uluni tahati magra igne.” Aonu nogna cheke King Hesekaea igne ne farerheta gaoghathodi mare re.

Lamentations 3:26

Te keli na tahati jame au kmu, ofoni Lord mala mei fakarhi ghita.

Naba 14:9

Eghume ghotilo thosei figri tagruni Lord! Ghotilo thosei mhaghudi naikno te au ka vido tuana, naugna mare theome naba ka tahati! Tahati ginauna goigonidi mare! Lord na au baluda tahati sia, eghuteuna mana la uludihi nodi god mare re, eghume ghotilo thosei nanga nomi eghu!”

Letas Teke Riso Tei Mae Pol Ka Khiloau Rom 8:31

Eghume faꞌunha eghu tahati chekedire glepo igre? Tutuani, te kafe phile God baluda tahati na, theo kaisei naikno te tangomana te tapla soru ghita na.

Nodi Khoje Hatimare Mae Jiu 46:7

Lord, mae ihei te blahi fara na au baluda tahati. Noda God tahati naiknoda Israel, mana taji fakeli ghita tahati.

Profet Isaia 30:15

Lord nodi God maedi Israel te blahi igne, mana cheke eghu fabrahu, “Jame te koko ghotilo puhimi te diꞌare teke figri mei ka iara na, iara ginauna na fakarhi ghami ghotilo. Uve, jame te fatutuani ghau iara ghotilo te au kmu ka puhigu iara na, iara ginauna na farerheta ghami ghotilo. Nu ghotilo tiromi te eni igne na!

Matiu 1:23

“U khupi na ginauna bukla eghuteuna ginauna na au kaisei thugna nalhaꞌu. Eghuteuna, mare ginauna na kiloni mana mae Emanuel.” U gaoghathogna “mae Emanuel” gne, “God na au baluda”.

Profet Emos 5:14

Ghotilo leghuni puhi te keli na. Thosei leghuni puhi te diꞌa na. Te eghu na, ghotilo ginauna au ka pharikeli nei au ka nakarha te keli. Eghuteuna ghotilo ginauna na tangomana te cheke eghu ka mana na, “Lord God, iagho mae ihei te au nolaghi fateote'o ia au balumi.” Tutuani, jame te edi ghotilo puhi te kelire, God ginauna au balumi.

Fapea Timoti 4:22

Iara toreni Lord Jisas Kraes mala fablahi nigho, eghuteuna nogna khokofakasai God na au balumi hui. Me gnafa. Iara, mae Pol.

Profet Isaia 30:7

Nu Ijep theome tangomana te togho ghami ghotilo na. Gaoghathodi mare na, nheta fara jateula mogo biꞌo fara te au ka thongna te kiloi Rehab. Nu Lord na kilodi mare, Theo nafudi, naugna mare ne gnokro kolho ne theo kaisei nodi nolaghi te mala togho ghami ghotilo na.”

Eksodas 14:25

Nodi chariot re ne chakhi ne theome tangomana te thugha na. Aonu hatimare mae Ijep gre ne cheke eghu fari thedi, “Tore, lisa laodi naikno igre, eigna Lord na la toghodi mare la magri ghita tahati! Faghose, rikha noda!”

Fapea Kronikols 20:16

Nathuꞌu na ghotilo ginauna tei magra ka mare. Mare ginauna leghuni mei nabrou te haghe ka thogele Sis. Eghuteuna ghotilo ginauna tei posa ka mare kate mei thoke mare ka gerigna glogu ke maghati gna namono nagou Jeruel.

Eksodas 6:1

Aonu Lord ne cheke eghu ka Moses, “Theome raugha iagho ginauna filoni unha nate eni iara ka king gna Ijep. Iara ginauna loku ka nogu nolaghi biꞌo na ranghini mana, mala snakredi mana nogu naikno iara gre mala jifla tei mare. Uve, mana ginauna huhurudi mala jifla mare ka nogna kantri na.”

Diutronomi 3:22

Ghotilo thosei mhaghudi mare, naugna Lord nomi God ghotilo ginauna magra ranghi ghami ka mare.’ ”

Jajis 7:21

Nogna soldia Gidion igre ne kegra faligohoni armigna Midian. Eghuteuna mare ne kafe ifu nodi trampet re. Eghuteuna Lord eni armigna Midian igne ne thono mhaghu nodi fara. Aonu mare eha ne rikha tafri ne hata naflahi ne falehedi kheradi thedire. Aonu mae naoka te gnafa igre eha balu mhaghu ne rikha. Mare rikha ne tei namono Serera, nu mare tei ne posa ka namono Bet-Akesia te au ka fofotagna namono Abel-Mehola rhegna namono Tabat.

Ululahu Samuel 17:47

Eghuteuna mae te gnafa te filo teu igre ginauna laseni Lord na theome rouronu ka naflahi ba jata te mala reireghidi nogna naiknore. Nu mana au nogna nolaghi te mala toghodi nogna naiknore te mala uluni magra na. Eghuteuna mana ginauna na kafe lisa mei ghami ghotilo hui ka khamemi ghehati maemi Israel.”

Ululahu Kings 20:13

Nu ka narane tuana la, kaisei mae profet ne tei ka King Ehab ne cheke eghu ka mana, “Lord ne cheke eghu, ‘Nogna soldia King Ben-Hadad igre kmana fara, nu iagho thosei nanga nou eghu. Naugna gognarona ghotilo ginauna uludi mare, eghume ghotilo ginauna lase ghau iara Lord.’ ”

Fapea Kronikols 32:7

“Kegra heta, thosei mhaghuni king gna Asiria balugna nogna armi biꞌo na! Nolaghi te au ka tahati na biꞌo salaꞌuni nogna nolaghi king na.

Profet Isaia 37:6

mana neke fatei cheke igre ka mana. “King, igne unha te chekeni Lord na: Iagho thosei mhaghudi nodi cheke nogna mae gloku mae king gna Asiria igne. Mare khogla cheke fapari ghau iara kolho!