Fapea Kronikols 20:14 - Buka Blahi Ka Cheke Holo

¹⁴ Aonu Tharunga gna Lord na ne soru mei ke kligna gna kaisei mae Livaet ka vikegna mae Asaf te au teu baludi mare na. Mae igne mae Jahasiel, thugna mae Sekaraea. Mae Sekaraea gne thugna mae Benaea. Mae Benaea gne thugna mae Jehiel. Mae Jehiel gne thugna mae Matanaea.

Fapea Kronikols 20:14 ပူးပေါင်းရင်းမြစ်များ

Fapea Kronikols 15:1

Ka narane teke pulo mei King Asa Jerusalem balugna nogna armi na, Tharunga gna God na ne mei ka mae Asaraea, thugna mae Oded. Aonu mana tei ne thafoni mae Asa baludi nogna soldiare ne cheke eghu ka mana, “Iagho King Asa, nei ghotilo naiknomi Juda nei Benjamin, fanomho mei ka iara! Jame te toreni ghotilo Lord te mala au balumi na, mana ginauna au balumi ghotilo. Jame te toreni ghotilo mana te mala batu ghami na, mana ginauna batu ghami ghotilo. Nu jame te tei kokoni ghotilo mana na, mana ginauna jaola tei koko ghami ghotilo.

Fapea Kronikols 24:20

Aonu Tharunga gna God na ne mei ka Pris Sekaraea thugna Pris Jehoada. Eghuteuna mana tei ne kegra ka kaisei vido aheva naiknore te tangomana te filoni mana na, aonu mana ne cheke eghu ka mare, “God ne cheke eghu, ‘Naugna unha si ghotilo te theome leghudi nogu cheke iara grea? Ghotilo ginauna na theome au ka nakarha te keli! Naugna ghotilo ne lisa koko ghau iara Lord, eghuteuna iara ginauna jaola lisa koko ghami ghotilo!’ ”

Mae Khuru 10:31

ne cheke eghu, ‘Ghema Konilias, God na la nomhidihi nou tharai iagho ra nei la filodihi unha teke edi iagho te mala toghodi naikno te kuma ra.

Mae Khuru 10:4

Mae Konilias ne mhaghu fara ne filo tutu ka engel ne cheke eghu, “Unha sia Lord?” Engel ne cheke eghu ka mana, “God la nomhidihi nou tharai iagho ra, nei jaola filodihi unha te edi iagho te mala toghodi naikno te kuma ra.

Profet Isaia 65:24

Neuba mare ne theome kilo mei ka iara, iara kulu nomhidihi mare. Neuba mare ne tarai fabrahu ka iara, iara kulu enihi unha te toreni mare na.

Profet Isaia 58:9

Eghume, jame te tarai ghotilo ka iara na, iara ginauna nomhi ghami ghotilo. Eghuteuna jame te eha mei ghotilo ka iara na, iara ginauna tarabana mala togho ghami ghotilo. “Jame te koko ghotilo puhi te faparidi keha naiknore, diꞌa ranghidi, tusu khamedi, cheke fadiꞌadi teu keha naiknore,

Naba 24:2

Kate filodi mae Balam vikegna te gnafa Israel gre te au teu ka nodi suga thapuale re, nogna tharunga te blahi God na ne soru ka mana,

Ululahu Kronikols 12:4

Mae Ismaea, maegna Gibeon, mana kaisei mae lida ka tolufulu nogna soldia nheta mae Devet. Mae Jeremaea, mae Jahasiel, mae Johanan nei mae Josebad ka namono Gedera.

Fapea Kronikols 20:13

Ka narane tuana, maedi Juda baludi goro gaꞌase nei goro sua teure ne kegra ke ulugna nogna Sugablahi Lord na.