Fapea Kronikols 20:13 - Buka Blahi Ka Cheke Holo

¹³ Ka narane tuana, maedi Juda baludi goro gaꞌase nei goro sua teure ne kegra ke ulugna nogna Sugablahi Lord na.

Fapea Kronikols 20:13 ပူးပေါင်းရင်းမြစ်များ

Mae Khuru 21:5

Nu kate gnafa nomi narane te mala au baludi re, ghehati jifla jare neke tei. Eghuteuna naikno khiloau gna namono tuana ne kafe jifla baludi khetodi thudi teure ne soru balumi ghehati ka gratha na. Aonu ghehati kafe tuturupuku soru ka nusu na ne tarai.

Profet Jona 3:5

Naiknodi Ninive igre ne fatutuani ni chekegna God igne ne tughu nagnafa. Neubane mae nafnakno ba theo, mare te gnafa na ne theome ima. Eghuteuna mare ne pipichi ka pohe thona, fagaglana eigna nodi diꞌanagnafa na.

Esra 10:1

Pris Esra tuturupuku soru ke kosigna grengathagna nogna Sugablahi God na ne tarai balu diꞌanagnafa ne tanhi neu, eghuteuna mana ne cheke thakledi nakhibodi naiknodi Israel re. Ka narane igne, kmana nalhaꞌu nei gaꞌase, goro sua eghudi Israel gre mei khapru faligohoni mana, eghuteuna naikno igre jaola ne tanhi fara.

Diutronomi 29:10

Gognarona ghotilo kafe kegra haghe ke ulugna Lord. Ghotilo mae mala baubatu te gnafa ra, mae funei ra, mae biꞌo ra, mae khuekuꞌe ra, baludi mae te gnafa Israel ra.

Fapea Kronikols 20:12

Nomi God, paradi sagho mare. Ghehati theome nheta te mala magra ka armi biꞌo te mei magra ka ghehati igne. Ghehati theome laseni unha nate eni na, nu ghehati filo ari ka iagho kolho te mala togho ghami na.”

Fapea Kronikols 20:14

Aonu Tharunga gna Lord na ne soru mei ke kligna gna kaisei mae Livaet ka vikegna mae Asaf te au teu baludi mare na. Mae igne mae Jahasiel, thugna mae Sekaraea. Mae Sekaraea gne thugna mae Benaea. Mae Benaea gne thugna mae Jehiel. Mae Jehiel gne thugna mae Matanaea.

Diutronomi 29:9

“Eghume, leuleghu fata na ghotilo thofno leghuni chekegna nhaꞌa cheke igne mala tangomana ghotilo te au ka nakarha te thofno keli fara.

Profet Joel 2:16

Ghotilo ehadi naikno ra mala khapru mei ka Sugablahi igne. Fufunu ka naikno biꞌo, mae biꞌo, gaꞌase majaghani, nalhaꞌu majaghani, nei goro sua te chuꞌu teu ra eghu. Eghuteuna naikno te tolaghi majaghani ra mala jaola jifla mei ka sugadire.