Fapea Kronikols 20:1 - Buka Blahi Ka Cheke Holo1 Ke leghu, armigna Moab, nei armigna Amon, nei armigna Meun eghu mei ne magra ka King Jehosafat. အခန်းကိုကြည့်ပါ။ |
Kate nomhini nodi cheke naiknodi Moab igre, naiknodi Juda igre ne cheke eghu, “Tahati la nomhidihi nodi nafnata cheke fahaehaghe mae Moab ra. Tahati lasedihi te fahaehaghedi thedi fara mare ra, eghuteuna mare theome kokhonidi ba lolokelidi kolho keha naiknore. Nu tahati jaola lasedi nodi cheke fahaehaghe mare igre theo nafudi kolho.”
“Mae pris biꞌo Amaraea mana au nogna nolaghi te mala fateni ihei ka nogna Vetula Lord. Mae Sebedaea thugna mae Ismael mae biꞌo ka vikegna Juda, mana tangomana te fateni ihei ka nogna vetula king. Eghuteuna mae Livaet mare ginauna mala jaola mala fate. Ghotilo mala heta ka nomi gloku na. Snakreni Lord mae ihei te eni unha te doglo na mala au balumi.”
Ehas thugna King Jotam, eghuteuna Jotam na thugna King Iusaea. Ka narane Ehas te king gna Juda igre, Peka thugna King Remalaea gognarona king gna Israel. Eghuteuna ka narane tuare, King Peka baludi naiknodi Israel igre ne loku fodu balugna King Resin baludi naiknodi Siria mala tei magra Jerusalem, nu mare ne theome uluni namono igne.
Ka narane tuana kaisei profet, nanghagna na mae Jehu thugna mae Hanan, mana tei ne thafoni King Jehosafat, ne cheke eghu ka mana, “Ba? Ka gaoghathomu iagho na, puhi doglo te tei toghoni iagho mae te diꞌa na nei fofodu balugna mae ihei te tirognani Lord na teuna? Uve, Lord na diꞌatagna fara ka iagho eigna glepo igne!
Igne nogna cheke Lord eigna Amon. Mana neke cheke eghu, “Ne faꞌunha si mumuju god Milkom gne te magnahaghei khotogna nodi vido glose vikegna mae Gad ignea? Ne faꞌunha si naiknodi Amon gre te au ka nodi vido glose mare igrea? Puhi te eni ghotilo igne jateula te theo kaisei naikno te au agne Israel te mala reireghini teke nogna vido glose mae kmadi na ia eghu signe!