Fapea Kronikols 2:6 - Buka Blahi Ka Cheke Holo

⁶ Tutuani, theo kaisei naikno te tangomana te horo kaisei Sugablahi te mala au God tagna na, naugna neuba maloa gne ne krepa fara, nu theome nabagna God te au ke lamnagna na. Eghume iara theome nabagu te horo Sugablahi igne, jame vido mala fafara nei mala gahu insens teu igne kolho te nabagu iara te mala tufru soruni mana na.

Fapea Kronikols 2:6 ပူးပေါင်းရင်းမြစ်များ

Profet Isaia 66:1

Lord ne cheke eghu, “Kligna na nogu sape nafnakno iara, eghuteuna nauthoglu igne nogu vido mala tapla iara phei ghahegu gre. Eghume, ghotilo ginauna horo nogu suga iara na aheva? Aheva nate au nogu vido mala gnafa iara na?

Fapea Kronikols 6:18

“Lord, iagho ginauna na mei au balumi ghehati naiknogna nauthoglu igne sia? Kligna na namono biꞌo fara theome nabamu iagho te au tagna na. Sugablahi te eni iara igne jaola ikoi fara theome nabamu iagho te au tagna na.

Ululahu Kings 8:27

“Lord! Iagho tangomana te mei au ka nauthoglu igne na? Neuba maloa kligna igne ne krepa fara, nu maloa kligna igne theome naba te mala au iagho tagna na. Sugablahi igne ikoi fara theome naba te mala au iagho tagna na.

Fapea Kronikols 1:10

Iara magnahaghei nigho iagho te tusu mei gaoghatho te keli nei glalase eghu ka iara, mala tangomana iara te batudi nei saghe leghudi teu nou naikno iagho igre ka puhi te doglo.”

Ululahu Kronikols 29:14

“Nu iara nei nou naikno iagho gre eghu, ghehati theo nafumi kolho naugna ghehati gne theo kaisei nomi glepo themi te mala tusu ari ka iagho na. Gobigna lepo te tusu ari ghehati ka iagho igre neke mei funudi ka iagho ngala.

Fapea Samuel 7:18

Mae King Devet nomhidi nogna cheke God igre ne tei ruma ka nogna Suga Tapuale Lord na ne gnokro soru ke ulugna Lord ne tarai: “Lord God, iara nei tharaknagu teu igre tharuma'ei kolho. Neuba, iagho keli fara ranghi ghau iara.

Eksodas 3:11

Nu Moses ne cheke eghu ka God, “God, iara theome nabagu te tei kegra ke ulugna mae king te mala atha naiknodi Israel te mala jifla Ijep na, theo fara.”

Fapea Korin 2:16

Ka iheire te snivi fabrahu re, sisiri igne siri diꞌagna fara, eghuteuna hata mei glehe ka mare. Nu ka iheire teke fakarhidi God re u sisiri igne thofno keli fara eghuteuna hata mei karha ka mare. Eghume ihei te nabagna na gloku igne?! Iara theome nabagu!

Diutronomi 12:26

“Hata tei glepo teke fablahi ghotilo igre nei glepo teke nhaꞌa chekehi ghotilo mala tusu ranghini Lord tekura, ghotilo hata tei ka vido blahi aheva teke vahini Lord nomi God.

Diutronomi 12:11

Aonu ghotilo mala tei hata mei gobigna lepo teke chekedi re ka kaisei vido blahi kolho aheva Lord nomi God teke vahini te mala au nanghagna na jare. Ka vido blahi tuana kolho, te tangomana ghotilo hata te mei glepo teke chekedi iara ka ghotilo ra. Igne fafara te thofno krono na, nei keha nafnata fafara langau eghu, nei kaisei ka fabothodi nomi glepo re, nei kaisei nomi glepo te keli teke nhaꞌa cheke ghotilo te mala tusu lao ka Lord.

Profet Jeremaea 23:24

Eghume, theome tangomana kaisei naikno ka ghotilo te poru ka tathagu iara na. Naugna iara fodu ka vido te gnafa kligna ba ka nauthoglu pari igne!

Eksodas 31:5

Mana jaola kato thina te famane filodire mala lalaoni glepo igre, eghuteuna mana jaola tangomana te edi glepo igre ka thaba. Eghuteuna mana jaola lasedi fara te edi thuagna nafnata gloku te jateula igre teuna.

Ululahu Kings 7:13

King Solomon ne fatei cheke ka kaisei mae gna Taea, nanghagna na Huram. Mae igne lalase fara te edi thua nafnata glepo ka bras. Kmagna na jaola thofno laseni fara te edi thua nafnata glepo ka bras na, nu mana la lehehi. Idogna mae Huram gne neke karha mei ka vikegna mae Naftali.

Ululahu Kronikols 22:15

Iagho au nou kmana mae gloku. Mae iheire te lase kato thina nei mae iheire te lase horo suga ka thina, nei mae iheire loku ka kapenta, nei kmana mae iheire te lase horo gobigna lepo fateote'o