Fapea Kronikols 2:5 - Buka Blahi Ka Cheke Holo

⁵ “Iara ghaoghatho mala horo kaisei famane Sugablahi biꞌo malagna mana, naugna nomi God ghehati maemi Israel igne haghe fara salaꞌudi keha god are.

Fapea Kronikols 2:5 ပူးပေါင်းရင်းမြစ်များ

Ululahu Kronikols 16:25

God na fnakno kligna lahu. Uve, tahati pala hagheni nanghagna mana na. Mana haghe fara tulao salaꞌudi keha god are. Tahati mala ghatho tahuni mana kolho.

Nodi Khoje Hatimare Mae Jiu 135:5

Iara laseni eigna Lord te fnakno kligna lahu na. Uve, noda mae funei tahati na fnakno fara kligna lahu ke uludi keha god te chaichaghi are.

Eksodas 15:11

Lord, theo kaisei god aheva nga te jateula iagho teuna, thono theo fara. Iagho kaisei mae king te blahi fara. Naiknore nabadi te mhaghu nigho nei ghatho tahu nigho teuna. Iagho tangomana te edire u kofubobhoi nei fagaglana teu igre.

Ululahu Timoti 6:15

God ginauna na fapulo meini mae Kraes ka narane mana thegna teke vahini. God na keli fara nei mana thegna ngala te au nolaghi biꞌo te mala funei frunidi gobigna lepo fateote'o ka nauthoglu gne. Mana ngala te King ke uludi mae King te gnafa nei Lord ke uludi mae funei te gnafa.

Profet Jeremaea 10:6

Lord, theo kaisei god te jateula iagho teuna! Nanghamu iagho na fnakno fara kligna lahu, eghuteuna iagho au nolaghi fateote'o.

Nodi Khoje Hatimare Mae Jiu 145:3

Lord na thofno fnakno fara, eghuteuna naikno te gnafa gre mala fafnaknoni mana. Theo kaisei naikno te nabagna te mala laseni nogna nolaghi mana na.

Fapea Kronikols 2:9

Mare tangomana te kulu kato tughahi thabare, naugna Sugablahi nate horo iara igne ginauna biꞌo fara nei na famane fara eghu.

Ululahu Kronikols 29:1

Eghuteuna King Devet ne cheke eghu ka naikno te kafe khapru mei ka mana re, “Lord neke vahini mae thugu iara Solomon mala king nei mala horo nogna Sugablahi mana na. Mana kaisei mae majaghani fara, eghuteuna mana neke theome eni kaisei gloku biꞌo jateula igne teku tifa na. Nu gloku gna Sugablahi igne ginauna biꞌo fara, naugna Sugablahi igne theome nogna suga naikno, nu nogna suga thegna God.

Ululahu Kings 9:8

Eghuteuna Sugablahi igne ginauna na jateula kaisei bukrei thina eghu kolho. Aonu naikno te liu jare na ginauna rhana nodi, nei jaglo nodi eghu fara. Aonu mare na cheke eghu, ‘Naugna unha si Lord te goigoni ni namono igne balugna Sugablahi ignea?’

Profet Esikiel 7:20

Mare neke kelitadi neke fahaehaghedi fara famane thina te horo nodi mumuju te theo nafugna igne. Glepo te eni mare igne, thono diꞌa fara ka iara. Eghume, iara ginauna eni glepo igne mala jateula glepo chara eghu kolho ka mare.

Eksodas 18:11

Gognaro na iara thofno laseni Lord na thono uludi fara keha god te pogho sorudi keha naikno re, naugna Mana ne reireghi fakeli ghami ghotilo ka narane te fakokhoana ghami ghotilo mae Ijep ra.”

Ululahu Kings 8:27

“Lord! Iagho tangomana te mei au ka nauthoglu igne na? Neuba maloa kligna igne ne krepa fara, nu maloa kligna igne theome naba te mala au iagho tagna na. Sugablahi igne ikoi fara theome naba te mala au iagho tagna na.

Ululahu Kronikols 29:14

“Nu iara nei nou naikno iagho gre eghu, ghehati theo nafumi kolho naugna ghehati gne theo kaisei nomi glepo themi te mala tusu ari ka iagho na. Gobigna lepo te tusu ari ghehati ka iagho igre neke mei funudi ka iagho ngala.

Fapea Kronikols 6:18

“Lord, iagho ginauna na mei au balumi ghehati naiknogna nauthoglu igne sia? Kligna na namono biꞌo fara theome nabamu iagho te au tagna na. Sugablahi te eni iara igne jaola ikoi fara theome nabamu iagho te au tagna na.

Fapea Kronikols 29:11

Kheraguro! Ghotilo fanomho ka nogu cheke iara igre! Na glahu glaꞌe soru ghotilo. Lord neke vahi ghami ghotilo mala gahu insens ka mana, nei batudi nogna naikno mana re mala pogho soruni mana.”

Nodi Khoje Hatimare Mae Jiu 148:4

Maloa, iagho kilo fnaknoni mana, nei khoꞌu te au ka maloa klignara, ghotilo kilo fnaknoni mana.

Profet Isaia 66:1

Lord ne cheke eghu, “Kligna na nogu sape nafnakno iara, eghuteuna nauthoglu igne nogu vido mala tapla iara phei ghahegu gre. Eghume, ghotilo ginauna horo nogu suga iara na aheva? Aheva nate au nogu vido mala gnafa iara na?