Fapea Kronikols 2:16 - Buka Blahi Ka Cheke Holo

¹⁶ Mare ginauna tei Lebanon mala kato thaba te magnahaghedi iagho re. Eghuteuna mare ginauna pala soru thaba igre ka gratha na mala haru fodu jare. Eghuteuna mare na hata tei phugra gaju igre Jopa. Eghuteuna nou mae gloku iaghore ginauna soru ka vido tuana mala pala tei Jerusalem.”

Fapea Kronikols 2:16 ပူးပေါင်းရင်းမြစ်များ

Josua 19:46

nei Mejakon, nei Rakon, baludi vido te lithui Jopa.

Mae Khuru 10:32

Gognaro na iagho kurudi keha mae mala tei Jopa mala tathalei meini kaisei mae te kiloi Simon, keha nanghagna na, mae Pita. Mana au ka sugagna mae Simon, mae te edi glepo ka guli buluka ia. Sugagna na au ka geri thongna na.’

Mae Khuru 9:36

Ka namono Jopa jare kaisei naikno khiloau nanghagna na Tabita. Nanghagna naꞌa ka cheke Griki na, “Dokas”. Naꞌa edi koba glepo te keli mala toghodi naikno te kumare.

Jone 1:3

Eghuteuna God neke vahini mana mala edi gobigna lepore. Eghume gobigna lepo gre mana ngala teke edire.

Esra 3:7

Aonu naiknore ne falao sileni mala folidi mae kapenta baludi mae iheire te lase kato thina. Eghuteuna mare ne fatei gano, nei waen, nei oliv oel eghu ka phei namono Taea ghe Saedon, mala foli gaju sida gna Lebanon mala horo gna Sugablahi na, leghuni unha teke chekeni King Saeras gna Pesia. Mare tangomana te lilisei gaju igre tongna, mala hata soru ka naprona biꞌo Jopa.

Mae Khuru 9:38

Namono Jopa gne kaisei namono rhegna Lida. Naikno khiloaudi Jopa re nomhini te au teu mae Pita Lida na. Aonu mare ne kurudi phei mae ne tei ka mae Pita. Phiamare ne cheke eghu ka mae Pita, “Ghehati magnahaghe nigho iagho te faghose mei ka nomi namono na!”

Mae Khuru 9:42

Nonomho eigna igne ne tei tongana heva heva ka namono Jopa, eghuteuna kmana naikno ne funu fatutuani ni Lord.

Mae Khuru 9:43

Mae Pita ne au kmana narane jare Jopa ka sugagna mae Simon, mae ihei te edi glepo ka guli buluka.

Profet Jona 1:3

Nu mae Jona ne tirogna, ne fariuriu rikhani Lord mala tei ka namono Spen te khaba ke mosu. Aonu mana ne tei ka namono Jopa te au ka geri thongna na ne filoni kaisei vaka tarabana mala tei Spen. Mana foli pasis ne tei lamna ka vaka igne mala rikhani Lord. Aonu mare jifla Jopa ne tei Spen.

Josua 9:27

Nu mae Josua ne snakredi naiknodi Gibeon igre te mala nodi naikno gloku mare te mala uge gaju nei mala pulei khoꞌu, nei jaola khoꞌu malagna nogna olta Lord. Mare eni fabrahu gloku igne ghilei mei posa gognarogne ka namono teke vahini Lord te mala pogho soruni mana nogna naiknore.

Ululahu Kronikols 22:2

King Devet ne kilodi naiknodi delei te au soru Israel mala mei Jerusalem. Eghuteuna mana ne chekedi keha mae ka mae igre mala kato thina mala horo Sugablahi nogna God.

Fapea Kronikols 8:7

Ka narane igre, naiknodi Israel gre hata namono te gnafa te au ka kantri igne, eghuteuna mare neke theome aknu falehe naikno teke kulu au ka namono te gnafa ke lamnagna kantri igne. Naikno igre vikedi mae Het, mae Amo, mae Peris, mae Hivi, nei mae Jebus. Eghume naikno te au teu ka nodi namono maedi Israel gognaro igre theome naiknodi Israel. Aonu King Solomon ne huhurudi naikno igre ne loku fabrahu Israel jateula naikno sneka neu. Mana ne lilisei phei gobi glimafulu maedi Israel mala reireghidi mae sneka igre. Eghuteuna mana theome magnahaghedi mae Israel gre te loku jateula sneka teuna. Mana magnahaghedi mae Israel te mala soldia nei komanda ka armi. Eghuteuna kehare mala funeidi mae te loku ka chariot nei mae soldia te saghe ka hose.

Fapea Kronikols 30:25

Naiknodi Juda nei hatimare mae pris baludi mae Livaet, nei naiknodi Israel eghu ne mei, eghuteuna naiknodi keha kantri re jaola ne mei, mare te gnafa na ne kafe glealeꞌa fara.