Fapea Kronikols 2:15 - Buka Blahi Ka Cheke Holo

¹⁵ “Te keli na iagho famei wit, nei bali, nei waen nei oliv oel eghu ka mae gloku igre leghuni unha teke nhaꞌa chekeni iagho na.

Fapea Kronikols 2:15 ပူးပေါင်းရင်းမြစ်များ

Fapea Kronikols 2:10

Iara tangomana te folidi nou mae gloku iagho are ka kaisei gobi phiatutu glima thogha baeg wit biꞌo, nei kaisei gobi phiatutu glima thogha baeg bali biꞌo, nei fati gobi phiatutu thogha lita waen, nei fati gobi phiatutu thogha lita oliv oel.”

Ululahu Kings 5:11

Leuleghu finogha na, King Solomon fatei kaisei gobi namnosalei thogha baeg wit te biꞌo, eghuteuna fati gobi thogha lita oliv oel eghu ka mae Hiram.

Fapea Kronikols 2:16

Mare ginauna tei Lebanon mala kato thaba te magnahaghedi iagho re. Eghuteuna mare ginauna pala soru thaba igre ka gratha na mala haru fodu jare. Eghuteuna mare na hata tei phugra gaju igre Jopa. Eghuteuna nou mae gloku iaghore ginauna soru ka vido tuana mala pala tei Jerusalem.”

Josua 19:46

nei Mejakon, nei Rakon, baludi vido te lithui Jopa.

Esra 3:7

Aonu naiknore ne falao sileni mala folidi mae kapenta baludi mae iheire te lase kato thina. Eghuteuna mare ne fatei gano, nei waen, nei oliv oel eghu ka phei namono Taea ghe Saedon, mala foli gaju sida gna Lebanon mala horo gna Sugablahi na, leghuni unha teke chekeni King Saeras gna Pesia. Mare tangomana te lilisei gaju igre tongna, mala hata soru ka naprona biꞌo Jopa.

Profet Isaia 60:13

Mare ginauna tei ka namhata biꞌo Lebanon mala hata mei famane gaju paen, junipa nei saepras mala ke horo fapulo Jerusalem, nei mala ke famane hohoro fakeli nogu Sugablahi iara igne.

Profet Jona 1:3

Nu mae Jona ne tirogna, ne fariuriu rikhani Lord mala tei ka namono Spen te khaba ke mosu. Aonu mana ne tei ka namono Jopa te au ka geri thongna na ne filoni kaisei vaka tarabana mala tei Spen. Mana foli pasis ne tei lamna ka vaka igne mala rikhani Lord. Aonu mare jifla Jopa ne tei Spen.