Fapea Kronikols 19:8 - Buka Blahi Ka Cheke Holo

⁸ Jerusalem na, King Jehosafat vavahi keha mae pris, nei keha mae Livaet, nei keha mae lida ka tharakna re eghu mala fatedi naiknore leghuni nogna Vetula Lord, nei mala fadoglidi nodi fapholai naiknore.

Fapea Kronikols 19:8 ပူးပေါင်းရင်းမြစ်များ

Ululahu Kronikols 26:29

Goro thugna mae Isaha, mae Kenanaea nei goro thugna teu igre, mare theome loku ka Sugablahi. Nodi gloku mare na mala fate nei fanomho ka nodi puhi biꞌo naiknodi Israel.

Ululahu Kronikols 23:4

Aonu mae Devet ne cheke eghu, “Varadaki fati thogha mae mala fiofilogna gloku te eni mare ka nogna Sugablahi Lord na. Eghuteuna namno thogha mae te mala fanomho ka fate te mala rioriso soru nodi cheke hatimare mae king.

Diutronomi 25:1

Mae Moses neke cheke eghu, “Jame phia mae fari fapholai, phia mare tei ka fate mala fadoglini fapholai igne. Eghuteuna mae fate na ginauna cheke fajiflani ihei te doglo na, nei ihei te nabagna te au papara na.

Diutronomi 21:5

Eghuteuna mae pris ka vikegna mae Livae igne jaola mala tei ka vido igne. Lord nomi God ghotilo na neke vahidi mae pris mala edi nogna gloku re, nei mala chekeni fablahi na ka nanghagna mana, nei mala fatedi puhi biꞌo teke fari pholai nei magra teku re.

Fapea Kronikols 19:9

Eghuteuna mana ne cheke eghu ka mae mala fatere, “Kate eni ghotilo gloku igne, ghotilo mala thofno ghatho tahuni nei ghatho branani eghu Lord.

Fapea Kronikols 19:11

“Mae pris biꞌo Amaraea mana au nogna nolaghi te mala fateni ihei ka nogna Vetula Lord. Mae Sebedaea thugna mae Ismael mae biꞌo ka vikegna Juda, mana tangomana te fateni ihei ka nogna vetula king. Eghuteuna mae Livaet mare ginauna mala jaola mala fate. Ghotilo mala heta ka nomi gloku na. Snakreni Lord mae ihei te eni unha te doglo na mala au balumi.”

Nodi Khoje Hatimare Mae Jiu 122:5

Agne Jerusalem, hatimare mae king te mala fate ghita tahati na.

Profet Esikiel 44:24

“Eghuteuna jame naiknore fari pholai, mae pris mala leghuni nogu vetula iara na mala fadoglini ka mare fapholai igne. Mare mala tajidi nogu gaghamu iara re, leghuni unha te chekeni ka nogu vetula iara na, eghuteuna tajini narane blahi Sabat.