Fapea Kronikols 19:7 - Buka Blahi Ka Cheke Holo

⁷ Ghotilo ghatho tahuni Lord noda God. Fiofilo ghami mala fate ka puhi te doglo, naugna mana tirognani puhi te theome doglo na. Eghuteuna mana jaola tirognani mae fate te phile ka ihei na, ba tirognani puhi te fate famaemahe te mala hata sileni na.”

Fapea Kronikols 19:7 ပူးပေါင်းရင်းမြစ်များ

Diutronomi 32:4

Lord na vido keli mala poru. Puhigna mana na keli fara, eghuteuna mana doglo fabrahu kolho. God na ghatho tahu ghami ghotilo nogna naiknore. Mana doglo kolho theome eni kaisei glepo te diꞌa.

Jenesis 18:25

Tutuani, iagho ginauna na theome falehedi naikno te doglo tuare baludi naikno te diꞌa re! Eghuteuna iagho na theome eni kaisei nafnata puhi ngala ranghidi naikno te doglo nei naikno te diꞌa teu gre. Iagho ginauna fatedi naiknogna nauthoglu igne mala eni ngala mare unha te doglo na!”

Letas Teke Riso Tei Mae Pol Ka Khiloau Rom 2:11

God tangomana te eni igne ka naiknore, naugna naikno te gnafare kaisei nanaba ngala ka God.

Letas Teke Riso Tei Mae Pol Ka Khiloau Rom 9:14

Unha nate chekeni tahati na? Ba, God na edi glepo te theome doglo ka naiknore sia? Theo!

Kolose 3:25

Eghuteuna God na theome vahini ihei. Eghume, ihei te edi glepo te diꞌare God ginauna nake foli fapulo ka mana leghuni unha teke eni mana na.

Mae Khuru 10:34

Mae Pita ne funu cheke eghu, “Tutuani fara kheraguro, gognaro na iara thofno laseni igne, God na theome tangomana te kafe pileni ihei na naugna naikno te gnafare kafe nanaba ngala ka God.

Thoutonu Eigna Mae Job 34:19

Mana theome phile baludi mae mala baubatu, eghuteuna mana theome fanomho ka mae te dedei nei mae te kuma, naugna mana ngala teke vuavuhadi mare te gnafa na.

Eksodas 23:8

“Iagho thosei atha sileni ka ihei te magnahaghei nigho iagho te mala cheke chaichaghi ka fate na, naugna sileni igne ginau na fadofu nigho iagho mala theome filo glani iagho unha te doglo na. Nafnata sileni igne mala cheke chaichaghi ngala naikno te keli na.

Efesus 6:9

Ghotilo mae funeira, jaola keli ranghidi nomi mae snekare. Eghuteuna koko nafnata puhi te famamhaghudi nomi mae sneka are. Naugna ghotilo laseni nomi funei ghotilo nei nodi funei mare teuna au kligna, eghuteuna naikno te gnafa na kaisei nanaba ngala ka mana.

Galesia 2:6

Iara theome nanga noguni nafnata mae biꞌo te baubatu ka khiloau na, naugna ka God na naikno te gnafare kaisei nanaba ngala. Nu mae biꞌo ka khiloau te ghatho tahudi fara naikno igre, mare theome cheke ka iara mala eni kaisei glepo te nhogri.

Matiu 22:16

Mare kurudi keha nodi mae fanomho thedire, nei keha mae ka tothoghei te kiloi Herodias. Aonu mae igre mei ne cheke eghu ka mana, “Mae velepuhi, ghehati lase nigho iagho kaisei mae doglo fara. Ghehati lase nigho iagho kaisei mae te farirhiu unha te tutuani eigna puhigna God. Iagho theome mhaghudi unha te cheke eimu iagho naiknore. Naikno te kmanare kaisei nanaba ngala ka iagho.

Profet Maeka 7:3

Naiknore kafe laseni fara te mala edi glepo te diꞌa re. Mae biꞌore loku fodu mala edi gaoghatho te diꞌa. Leuleghu fata na mae mala baubatu nei mae mala fate teu igre mare famaemahedi naiknore mala chaghidi keha naiknore ka sileni. Mae biꞌo igre huhurudi naiknore mala edi kolho unha te magnahaghedi thedi re.

Profet Isaia 33:15

Ihei te eni puhi te doglo na, eghuteuna chekeni koba unha te tutuani na, nei ihei te tirogna huhurudi naiknore mala hata seleni tadi ka puhi te theome keli, ba theome snakredi keha naiknore mala cheke famaemahe mala hata seleni, nei tirogna gnokro baludi naikno te rogheni puhi te mala falehe poruni naikno na teuna. Mae igne ngala te theome ghathoni te mala edi nafnata puhi te diꞌa re.

Nehemaea 5:15

Mae iheire teke gavana ke ulugu iara Juda igre neke paradi fara naiknore. Leuleghu fata na mare hata gano nei waen eghu ka naiknore, eghuteuna mare jaola hata vido kilo silva ka naiknore. Eghuteuna nodi mae gloku mae gavana gre jaola faparidi naiknore. Nu iara theome magnahaghei te eni igne, naugna iara ghatho tahuni God, eghuteuna iara magnahaghei te leghuni mana.

Ululahu Pita 1:17

Kate tarai na ghotilo tangomana te kiloni God, Mama. Tutuani fara, kate fatedi naikno te gnafare, God ginauna theome tangomana te vahini ihei na, nu mana ginauna ghathoni eigna nogna gloku soasopai naikno na. Eghume kate karha nga teu ka nauthoglu igne, ghotilo mala ghatho tahuni God leghu fata.

Jenesis 42:18

Ka fatilo narane na mae Josep ne cheke eghu ka mare, “Iara kaisei mae mala mhaghuni God. Jame te leghudi ghotilo nogu cheke iara igre na, ghotilo ginauna na theome lehe.

Fapea Samuel 23:3

Noda God tahati maeda Israel, mana neke cheke. Nodi Thina rheta mae Israel, mana neke cheke eghu ka iara, ‘King igne mana funei frunidi naiknore ka puhi te doglo, nei ka puhi te ghatho tahuni God,

Thoutonu Eigna Mae Job 8:3

God na theome tangomana faphireini puhi te doglo na mala ke peko tafri. God mae ihei te au nolaghi fateote'o igne theome tangomana te faphireini unha te doglo na.

Ululahu Samuel 11:7

Aonu mana ne hata phei buluka ne vaevahe faꞌikodi. Gnafa teuna, mana ne tusu lao ka nogna mae glokure ne hata ne tei tufa ka vido te gnafa ka kantri igne, ne cheke eghu, “Mae ihei te theome tei ka magra baludi King Sol ghe Profet Samuel ka armigna Amon na, nogna buluka mana re ginauna nghuja jateula igne eghu.” Kate nomhini naiknore igne, mare ne mhaghu nodi fara, glahu paradi Lord ginauna. Aonu mare te gnafa na ne kafe mei loku fodu.

Thoutonu Eigna Mae Job 13:10

Jame pophoru ghotilo puhi te phile ka God na, mana ginauna thofno fadogli ghami ghotilo.

Nodi Khoje Hatimare Mae Jiu 82:2

Aonu mana na cheke eghu ka mare, “Ghotilo thosei fatedi naiknore kau nafnata puhi te theome doglo, nei ghotilo thosei ke phile ka naikno te diꞌa puhidi are.