Fapea Kronikols 19:3 - Buka Blahi Ka Cheke Holo

³ Neuba, iagho eni unha glepo te keli na. Iagho neke kato soru mumuju gna god gaꞌase Asera, eghuteuna iagho thofno toreni God mala togho nigho.”

Fapea Kronikols 19:3 ပူးပေါင်းရင်းမြစ်များ

Fapea Kronikols 12:12

Naugna King Rehoboam te nhaꞌa faparini thegna na, Lord na theome diꞌatagna fara ka mana theome goigonini Juda. Eghume, ka narane igre naiknodi Juda gre ne leghuni puhi te keli na.

Esra 7:10

Lord ne toghodi naiknodi Israel, naugna Esra neke loku heta fara kate hiro posidi nei leghudi teu nogna Vetula Lord. Eghuteuna mana neke farirhiudi naiknodi Israel igre u vetula nei cheke teu te au ka buka vetula na igre.

Ululahu Kings 14:13

Naiknodi Israel igre ginauna tanhi, nei giugilui ni mana. Tuana ngala ka tharaknagna King Jeroboam te giugilu mare na, naugna Lord, nodi God maedi Israel, ne kelitagna ka mae sua igne.

Fapea Kronikols 30:19

Neuba mare ne theome fagaedi thedi ka tathamu iagho na, mare fariuriu fara te mala leghu nigho iagho na Lord, nodi God kuꞌemi ghehati tifa ra.”

Fapea Kronikols 12:14

Mae Rehoboam ne edi glepo te diꞌa ka tathagna Lord, naugna mana ne theome ghaoghatho heta te mala toreni Lord te mala batuni ka puhi te doglo.

Letas Teke Riso Tei Mae Pol Ka Khiloau Rom 7:18

Iara laseni, fei iara thegu na, iara maegu ka nauthoglu igne kolho, theo kaisei glepo te keli te au ke lamnagu iara na. Naugna neubane au ka iara gaoghatho te keli na, iara theome tangomana te eni puhi te keli na. Theo fara, iara theo nogu nolaghi te mala eni puhi te doglo na.

Nodi Khoje Hatimare Mae Jiu 57:7

God, iara maku fabrahu gaoghathogu na ka iagho. Uve, iara gaoghathogu na thono heta fara ka iagho. Eghuteuna iara ginauna na koje mala pala hagheni nanghamu iagho na.

Ululahu Samuel 7:3

Profet Samuel ne cheke eghu ka maedi Israel gre, “Jame te magnahaghei figri ghotilo gaoghathomi are teke pulo ka Lord na, ghotilo koko mumuju gna gaꞌase god Astarot baludi keha god are. Eghuteuna ghotilo lisa lao nakarhami fateote'o are ka Lord, eghuteuna ghotilo mala tufru soruni mana kolho. Jame te eghu ghotilo na, mana ginauna fakarhi ghami ghotilo ka nodi nolaghi naiknodi Filistia.”

Fapea Kronikols 20:3

King Jehosafat nomhini igne ne mhaghu nogna fara, aonu mana ne tarai ka Lord. Mana ne fatei cheke ka naiknodi Juda mala dangna ka vido narane te mala tarai igre.

Fapea Kronikols 20:33

Nu mana neke theome paꞌe soru nodi vido blahi naikno bongihehe te au ka thogele igre, eghume naiknore theome thofno ghatho tahuni nodi God kuꞌedi tifa ra.

Fapea Kronikols 11:16

Nu keha naiknodi Israel te au mata igre magnahaghei fara te tarai ka nodi Lord God. Aonu mare jifla Israel ne mei leghudi hatimare mae pris nei hatimare mae Livaet ne mei Jerusalem mala tangomana mare te tarai nei fafara teu ka Lord nodi God kuꞌedi tifa ra.

Fapea Kronikols 15:12

Maedi Juda nei Benjamin ne eni kaisei nhaꞌa cheke balugna Lord nodi God mae kuꞌedi mare tifara. Mare nhaꞌa cheke mala thofno ghaoghatho heta te mala leghuni kolho mana na.

Fapea Kronikols 15:15

Eghuteuna naikno te gnafa Juda igre ne kelitadi fara, naugna mare magnahaghei te nhaꞌa cheke ka Lord. Mare kelitadi fara te hironi mana, nei mare te thafoni mana. Eghume toghodi mare au fakeli, nei au ka pharikeli baludi kantri te gnafa re.

Fapea Kronikols 22:9

Mana ne hironi King Ahasaea, eghuteuna keha mae teke mei balugna mae Jehu igre ne hironi mana ne ghilei tei filoni mana Samaria. Mare hatani mana ne mei ka mae Jehu. Eghuteuna mare ne faleheni mae Ahasaea ne giugiluni mana ka puhi te keli, naugna mare ghatho tahuni kuꞌegna mana King Jehosafat mae ihei teke fariuriu fara te mala eni unha te magnahagheni Lord. Eghume theo kaisei ka vikegna King Ahasaea ka mae iheire te karha teu igre nate tangomana te mala king na.

Fapea Kronikols 27:6

Aonu Jotam ne rheta fara, naugna mana ghatho tahu te mala leghuni puhigna Lord nogna God.