Fapea Kronikols 19:11 - Buka Blahi Ka Cheke Holo

¹¹ “Mae pris biꞌo Amaraea mana au nogna nolaghi te mala fateni ihei ka nogna Vetula Lord. Mae Sebedaea thugna mae Ismael mae biꞌo ka vikegna Juda, mana tangomana te fateni ihei ka nogna vetula king. Eghuteuna mae Livaet mare ginauna mala jaola mala fate. Ghotilo mala heta ka nomi gloku na. Snakreni Lord mae ihei te eni unha te doglo na mala au balumi.”

Fapea Kronikols 19:11 ပူးပေါင်းရင်းမြစ်များ

Fapea Kronikols 19:8

Jerusalem na, King Jehosafat vavahi keha mae pris, nei keha mae Livaet, nei keha mae lida ka tharakna re eghu mala fatedi naiknore leghuni nogna Vetula Lord, nei mala fadoglidi nodi fapholai naiknore.

Fapea Timoti 2:1

Ghema thuguo Timoti, iara magnahaghe nigho te au famaku ka nogna khokofakasai God teke tusu ranghi ghita, naugna tahati nogna mae Jisas Kraes.

Ululahu Korin 16:13

Reireghi fakeli ghami themi, brana ka nomi fatutuani na, thosei mhaghu, nei au heta fabrahu ka gaoghathomire.

Luku 23:50

Ka narane tuana kaisei mae biꞌo nanghagna na Josep, mae gna ka namono Arimatea ka Provins Judia. Mana kaisei mae doglo nei keli fara eghu, mana kaisei mae te ofoni fabrahu teu narane te mala funei frunidi God nogna naiknore. Mana kaisei mae ka hatimare mae tothoghei fate, nu mana theome kaisei gaoghatho baludi mare te mala faleheni mae Jisas.

Profet Malakai 2:7

“Mae pris igre nogu mae mala atha nonomho iara Lord mae te au nolaghi fateoteꞌo. Eghume, mare mala farirhiudi naiknore mala lase fakelini thofno puhigu iara na, eghuteuna naiknore mala mei atha glalase ka mare.

Eklesiasti 2:26

Leuleghu narane na God tusu lao gaoghatho te keli nei glalase eghu ka iheire te leghuni manare, mala jaola glealeꞌa mare. Nu God tusu lao gaoghatho ka naikno te diꞌa re mala loku heta mala hata kmana glepo te keli nei dedei. Eghuteuna keha narane ke leghu, glepo igre tangomana te tei toghodi naikno te keli re. Puhi igne jaola theo nafugna ka gaoghathogu iara na. Eigna igne jateula mae ihei te ngolho leghu ka nuri na ia eghu kolho.

Proveb 2:20

Jame te au gaoghatho te keli iagho na, iagho ginauna tei ka nabrou te doglo.

Nodi Khoje Hatimare Mae Jiu 112:5

Ihei te eni bisnis ka puhi te doglo na, nei snakreni kaoni na ka keha naiknore teuna, mae igne keli tagna fara.

Nodi Khoje Hatimare Mae Jiu 37:23

Kate filoni Lord puhigna kaisei mae te doglo fabrahu na, mana na sagheleghuni naikno tuana ka nabrou te doglo.

Fapea Kronikols 19:6

Mana ne cheke eghu ka mare, “Kate fateni naikno na, ghotilo mala filo fakeli, naugna ghotilo theome fate mala kelitagna naikno na, nu ghotilo fate mala kelitagna Lord. Eghume kate fate na, ghotilo cheke fajiflani te doglo mana na ba mana nabagna te papara, Lord na au balumi ghotilo.

Ululahu Kronikols 28:20

Aonu King Devet neke cheke eghu ka mae Solomon, “Iagho thosei mhaghu, kegra heta mala eni gloku igne, naugna Lord nogu God iara na au balumu iagho. Mana ginauna togho nigho nei mana ginauna au fabrahu balumu iagho kate loku fahui iagho Sugablahi igne.

Ululahu Kronikols 26:30

Goro thugna mae Hebron, mae Hasabaea balugna kaisei thogha fitu gobi kheragna mana igre lase loku fara, mae igre te phaꞌugna gloku te mala loku ranghini Lord, nei jaola ka nogna gloku king ka nodi kantri mae Israel ke mosu Khoꞌu biꞌo Jordan.

Ululahu Kronikols 22:19

Eghume, gognarona ghotilo kaisei gaoghatho ngala mala leghuni gaoghathogna Lord nomi God. Gognarona ghotilo fufunu loku ka Sugablahi te mala cheke fakelini nanghagna Lord, eghuteuna ghotilo ginauna tangomana te hata te mei lilisei nogna Bokis Nhaꞌa Cheke Lord nei keha glepo blahi ra eghu ke lamnagna.”

Ululahu Kronikols 22:16

ka gol nei silva, nei ka bras nei ka aean. Eghume iagho funu loku gognarogne, eghuteuna snakreni Lord mala au balumu.”

Ululahu Kronikols 22:11

Eghuteuna mae Devet neke cheke eghu ka mae Solomon, “Thuguo, Lord ginauna au balumu iagho, eghuteuna mana ginauna togho nigho iagho, mala tangomana iagho te horo nogna Sugablahi mana na, leghuni unha teke nhaꞌa chekeni mana na.

Ululahu Kronikols 6:11

Mae Asaraea neke kmagna mae Amaraea, eghuteuna mae Amaraea neke kmagna mae Ahitub.

Josua 1:9

Iara la chekehi ka iagho. Eghume iagho kegra heta, thosei mhaghu, ba suaraghi. Naugna aheva te tei iagho na, iara Lord nou God ginauna au balumu iagho fabrahu.”

Josua 1:6

Josua, kegra heta! Thosei mhaghu, ba suaraghi. Iagho mala batudi naiknore mala tei ruma haghe ka namono teke nhaꞌa chekehi iara ka kuꞌemi ghotilo tifa ra.

Ululahu Kronikols 26:32

Aonu King Devet ne vahidi phei thogha fitu gobi kheragna mae Jeria mala batuni nogna gloku God, nei nogna gloku king langau eghu, ka nodi kantri mae Israel ke maghati Khoꞌu biꞌo Jordan ka nogna nohi mae Ruben, nei ka nogna nohi mae Gad, nei ka nogna nohi mae Manase.

Fapea Kronikols 15:7

Nu ghotilo mala au heta, eghuteuna gaoghathomi ghotilo re mala thosei glaꞌe soru. Iara ginauna tusu ari glepo te keli ka ghotilo eidi gloku te keli teke edi ghotilo ra.”

Profet Jeremaea 6:16

Lord ne cheke eghu ka nogna naiknore, “Ghotilo ghaoghatho fakeli mala laseni nabrou aheva nate leghuni ghotilo na. Ghotilo mala filoni famane nabrou teke leghuni mae kuꞌeda tifa ra. Eghuteuna ghotilo mala jaola leghuni nabrou igne. Jame te eni ghotilo igne na, ghotilo ginauna na au fakeli nei na au ka pharikeli ka nakarhami na.” Nu ghotilo tiromi neke cheke eghu, “Theo! Ghehati theome magnahaghei te leghuni nabrou te keli igne!