Fapea Kronikols 18:21 - Buka Blahi Ka Cheke Holo

²¹ Eghuteuna Lord ne cheke eghu ka mana, ‘Unha nate eni iagho na?’ “Eghuteuna naitu igne ne cheke eghu, ‘Iara ginauna tei chekedi nogna profet manare mala chaghini mana.’ Eghuteuna Lord ne cheke eghu ka naitu igne, ‘Iagho tei saosagroni mana, eghuteuna mana ginauna fatutuanini nou cheke iagho na.’ ”

Fapea Kronikols 18:21 ပူးပေါင်းရင်းမြစ်များ

Jone 8:44

Ghotilo mae kmami na mae Satan. Ghotilo nogna naikno mana eghuteuna ghotilo magnahaghei edi unha glepo te magnahaghedi mana re. Mana kaisei mae falehe naikno funu tifa. Mana theome magnahaghei te leghuni u nabrou te tutuani na, naugna theo kaisei tutuani ke lamnagna mana. Mana kaisei mae chaichaghi, eghuteuna mana jateula chaichaghi te chekedi thegna tuare eghu. Eghuteuna, u chaichaghi te gnafare mei funudi ka mana.

Thakle 20:8

Mana ginauna jifla mala ke chaichaghidi naiknore ka namono te gnafa ka nauthoglu igne. Mare kilodi namono igre Gog ghe Magog. Mae Satan ginauna salo fodu naiknodi namono te gnafa igre mala magra ka nogna naikno God re. Naikno te phile ka mae Satan gre ginauna kmana fara jateula nusu ka glilihi na are eghu.

Thakle 13:14

God snakreni fapea bosu na mala edi kofubobhoi igre ke ulugna bosu ulu lahu na. Eghuteuna naugna te edi mana kofubobhoi igre, mana ne chaghidi naikno te gnafa ka nauthoglu igne mala leghuni mana. Mana chekedi naiknore mala fafnaknoni bosu ulu lahu na kate eni mare kaisei mumuju jateula bosu ulu lahu. Bosu gne neke falelehe mare ka naflahi nu kela karha fapulohi teu na eghu.

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Ululahu Jone 4:6

Nu tahati nogna God. Ihei te laseni God na fanomho ka tahati, nu ihei te theome nogna God na theome fanomho ka tahati. Eghume, igne puhi te mala laseni tahati gaoghatho te tutuani ba chaichaghi.

Nodi Khoje Hatimare Mae Jiu 109:17

Mae igne neke magnahaghei te tibri falehedi keha naiknore. Eghume, jame te keli na, tibri teke edi mana tuare mala ke thokeni thegna! Mana neke theome magnahaghei te eni kaisei glepo te keli ranghidi keha naiknore. Eghume, thosei snakreni kaisei glepo te keli te mei ka mana na!

Thoutonu Eigna Mae Job 2:6

Lord ne cheke eghu ka mana, “Uve, mana ka khamemu iagho gognaro na, nu iagho thosei faleheni mana.”

Thoutonu Eigna Mae Job 1:12

Lord ne cheke eghu ka Satan, “Uve, gobigna lepo te au ka mae Job igre, ka khamemu iagho gognarona. Eghume iagho tangomana te eni unha te magnahagheni iagho ka gobigna lepo te khotodi mana re. Nu iagho thosei eni kaisei glepo ka mana.” Aonu Satan jifla ne tei.

Fapea Kronikols 18:22

Eghuteuna Maekaea ne cheke fadoglo eghu ka Ehab, “Lord magnahaghei nigho iagho te hoholo, eghume mana kuru meini naitu igne mala chekedi nou profet iagho igre mala mei chaghi nigho iagho. Nu Lord neke kulu chekenihi eigna puhi biꞌo nate thoke nigho iagho na.”

Fapea Kronikols 18:19

Eghuteuna Lord ne cheke eghu ka mare, ‘Ihei nate saosagroni King Ehab king gna Israel gne mala tei magra mana Ramot-Gilead, mala lehe mana jare?’ “Eghuteuna engel igre ne sopagna cheke, kaisei chekeni kaisei glepo eghuteuna keha na chekeni keha glepo na neu.

Jajis 9:23

God ne kuruni kaisei naitu ne faꞌeiꞌei puhi biꞌo farihoteigna Abimelek nei naiknodi Sekem, eghuteuna naiknodi Sekem ne magra ka funei igne.