Fapea Kronikols 18:18 - Buka Blahi Ka Cheke Holo

¹⁸ Nu mae Maekaea ne cheke eghu, “Eghume fanomho fakeli ka nogna cheke Lord igne. Iara filoni Lord te gnokro teu ka nogna sape nafnakno na kligna, eghuteuna nogna engel re kegra rhegna mana, kehare fei khame nhetagna eghuteuna kehare fei khame maerigna.

Fapea Kronikols 18:18 ပူးပေါင်းရင်းမြစ်များ

Profet Daniel 7:9

“Kate filo teu iara na, “kaisei mae hata ne mei sape nafnakno na. Eghuteuna God mae te au funu tifa igne mei ne gnokro ka nogna sape nafnakno te mala fate naikno na. Nogna pohe na vegha fara, eghuteuna khaklagnare vegha fara la. Nogna sape nafnakno mana igne deudeplu ka khaꞌaghi, eghuteuna wil gna sape nafnakno igne ngire jateula khaꞌaghi eghu.

Profet Sekaraea 1:10

Aonu engel te kegra fari hoteidi gaju matel igre ne cheke eghu, “Lord neke kuru mei mae igre mala filo tafri ka nauthoglu igne.”

Profet Emos 7:16

Amasaea! Iagho fanomho fakeli ka nogna cheke Lord igne. Iagho cheke ranghi ghau iara mala thosei toutonuni chekegna Lord na agne!

Profet Jeremaea 34:4

“ ‘King Sedekaea, iagho fanomho fakeli ka nogna cheke Lord igne! Lord na ne cheke eghu, Iagho ginauna na theome lehe ka magra.

Profet Jeremaea 2:4

Ghotilo tharakna te gnafa ka vikegna Israel ra, fanomho mei ka iara.

Profet Isaia 39:5

Aonu mae profet ne cheke eghu, “Fanomho mei ka nogna cheke Lord mae ihei te au nolaghi fateote'o igne. Mana ne cheke eghu:

Profet Isaia 28:14

Eghume, famane fanomho mei ka nogna cheke Lord igne, ghotilo mae mala baubatu te gnafa Jerusalem te lase cheke fahaehaghe ra!

Profet Isaia 1:10

Ghotilo mae mala baubatu nei iheire eghu te au Jerusalem ra, fanomho fakeli ka nogna famane cheke Lord igne. Naugna ghotilo ne jateula mae mala baubatu nei naiknodi teku Sodom ghe Gomora tifa ra neu. Eghume, ghotilo fanomho fakeli ka nogna famane farirhiu noda God igre!

Jenesis 32:2

Kate filodi mare na mana ne cheke eghu, “Igne nogna tothoghei soldia God!” Aonu mae Jekop ne kiloni namono igne Mahanaem. Nangha igne gaoghathogna na “Phei namono” eghu.

Profet Jeremaea 19:3

Igne thoutonu te magnahagheni iara te mala chekeni iagho na: Ghotilo mae king di Juda nei naiknomi Jerusalem teura, fanomho fakeli ka nogna cheke Lord igne. Lord mae ihei te au nolaghi fateote'o, nei nodi God mae Israel teu igne ne cheke eghu, ‘Iara ginauna eni kaisei puhi biꞌo mala thokeni namono igne. Eghuteuna ihei te nomhini thoutonu igne ginauna rhana fara.

Fapea Kronikols 18:17

Aonu kate nomhi igne, King Ehab ne cheke eghu ka King Jehosafat, “Tuana sia! Iara neke chekehi ka iagho. Mae igne theome chekeni kaisei glepo te keli ka iara. Leuleghu fata na mana chekeni kolho glepo te diꞌa na.”

Fapea Kronikols 18:19

Eghuteuna Lord ne cheke eghu ka mare, ‘Ihei nate saosagroni King Ehab king gna Israel gne mala tei magra mana Ramot-Gilead, mala lehe mana jare?’ “Eghuteuna engel igre ne sopagna cheke, kaisei chekeni kaisei glepo eghuteuna keha na chekeni keha glepo na neu.

Profet Daniel 7:10

Eghuteuna khaꞌaghi te jifla mei ka sape nafnakno igne loloro jateula khoꞌu eghu. Eghuteuna kmana thogha naikno te theome tangomana te kahadi re kegra ke ulugna Mana. Eghuteuna kehare tothora nodi bukare tarabana mala fate.