Fapea Kronikols 18:17 - Buka Blahi Ka Cheke Holo

¹⁷ Aonu kate nomhi igne, King Ehab ne cheke eghu ka King Jehosafat, “Tuana sia! Iara neke chekehi ka iagho. Mae igne theome chekeni kaisei glepo te keli ka iara. Leuleghu fata na mana chekeni kolho glepo te diꞌa na.”

Fapea Kronikols 18:17 ပူးပေါင်းရင်းမြစ်များ

Proveb 29:1

Mae ihei te patugama fabrahu neuba mare ne cheke faheta kmana fata tagna, mae tuana ginauna parani fara, eghuteuna theo kaisei glepo nate toghoni mana na.

Fapea Kronikols 18:7

Aonu King Ehab ne cheke eghu, “Uve, kaisei mae au agne, nanghagna na Maekaea, thugna mae Imla. Tapa tangomana te ghusna ni mana mala nomhini gaoghathogna Lord. Nu iara tiroguni mana naugna mana theome chekeni kaisei glepo te keli ka iara. Leuleghu fata na unha te chekedi mana re diꞌa.” Nu King Jehosafat ne cheke eghu, “Iagho thosei cheke eghu! Tahati magnahaghei nomhini unha te chekeni mana na.”

Ululahu Kings 22:18

Aonu King Ehab ne cheke eghu ka King Jehosafat, “Tore! Iara neke kulu chekehi ka ghotilo eigna mae igne, eigna mana theome tangomana te chekeni kaisei glepo te keli, nu chekedi kolho glepo te diꞌa re ka iara.”

Fapea Kronikols 18:16

Aonu mae Maekaea ne cheke eghu, “Uve, iara ginauna chekeni kaisei glepo ka iagho. Iara la filonihi ka nogu mifi na, armigna Israel na la rikiraka tafrihi ke klignadi thogelero jateula sipu te theo ihei nga te reireghidi ra neu. Eghuteuna Lord na neke cheke eghu, ‘Soldia igre theo nodi funei. Te keli na mare ke sopa figri ka namonodi re kau pharikeli, naugna magra na la gnafahi.’ ”

Fapea Kronikols 18:18

Nu mae Maekaea ne cheke eghu, “Eghume fanomho fakeli ka nogna cheke Lord igne. Iara filoni Lord te gnokro teu ka nogna sape nafnakno na kligna, eghuteuna nogna engel re kegra rhegna mana, kehare fei khame nhetagna eghuteuna kehare fei khame maerigna.