Fapea Kronikols 18:16 - Buka Blahi Ka Cheke Holo

¹⁶ Aonu mae Maekaea ne cheke eghu, “Uve, iara ginauna chekeni kaisei glepo ka iagho. Iara la filonihi ka nogu mifi na, armigna Israel na la rikiraka tafrihi ke klignadi thogelero jateula sipu te theo ihei nga te reireghidi ra neu. Eghuteuna Lord na neke cheke eghu, ‘Soldia igre theo nodi funei. Te keli na mare ke sopa figri ka namonodi re kau pharikeli, naugna magra na la gnafahi.’ ”

Fapea Kronikols 18:16 ပူးပေါင်းရင်းမြစ်များ

Matiu 9:36

Kate filodi mae Jisas naiknore, mana ne kokhoni nognadi fara. Naugna mare ne thono nanga nodi fara, nu theo kaisei naikno te toghodi, jateula sipu te theo kaisei naikno te mala reireghidi ra neu.

Nonomho Te Keli Teke Risoi Mae Mak 6:34

Kate longa mae Jisas mata na, mana ne filoni kaisei nakhapru biꞌo ofo neu jare. Mae Jisas ne kokhoni nognadi, naugna mare ne jateula sipu te theo kaisei naikno te reireghidi ra neu. Aonu mana ne funu farirhiudi kmana glepo naba te mala lasedi mare re.

Profet Esikiel 34:8

Iara eni kaisei nhaꞌa cheke ka nanghagu iara Lord mae ihei te karha te tifa: Lion igre ngolhidi nogu sipu iara re, eghuteuna kathu falehe ghamu ghedire, naugna theo kaisei naikno te reireghidire. Ghotilo mae mala baubatura theome reireghidi kolho nogu sipu iara re. Ghotilo khogla reireghi ghami themi kolho.

Ululahu Kings 22:17

Aonu mae Maekaea ne cheke eghu, “Iara ginauna chekeni ka iagho unha te filoni iara ka mifi na. Ka mifi igne iara ne filodi soldia te gnafa Israel igre ne thofa tafri ke kligna thogele jateula sipu te theo kaisei mae te mala reireghidi ra neu. Eghuteuna Lord ne cheke eghu, ‘Mae soldia igre theo kaisei nodi mae lida te keli. Nu te keli na mare tei ka namono, naugna magra na la gnafahi.’ ”

Naba 27:17

Mala nu kulu ulu mana me batu fajifladi ba ke pulo mei eghu, jateula mae ihei te batudi mare ka magra ra eghu. Na eghunu fiti au tafri nou naikno iagho gre jateula sipu te theo ihei nga reireghidira eghu.”

Matiu 26:64

Mae Jisas ne cheke eghu ka mana, “Uve, iara ngala! Nu te chekeni iara ka ghotilo na. Nauthuꞌu nauriha na ghotilo ginauna filo ghau iara mae teke mei funu ka God na gnokro fei nhetagna God mae te nolaghi tulao. Eghuteuna ghotilo ginauna filo ghau iara mei ke kligna grokho ka maloa na.”

Profet Sekaraea 13:7

Lord mae ihei te au nolaghi fateote'o igne, mana ne cheke eghu, “Nogu naflahi mala magra iara! Iagho tarabana mala magra ka kheragu iara mae ihei te reireghi nogu sipu iara gre. Iagho faleheni mana, eghuteuna sipu igre ginauna tei tafri. Iara ginauna jaola magra ka nogu sipu ikodi iara gre.

Profet Sekaraea 10:2

Nu naiknore toreni mumuju god mala toghodi, eghuteuna mare toreni mae khaekae mala chekeni unha nate thoke mei na. Nu cheke tughu te eni mana na khogla chaghi kolho. Mare rurutha gaoghathodi mifi re, nu mare khogla chaghidi kolho mare. Mare edi igre ka naiknore mala fatutuanidi glepo te theome tangomana nate toghodi naiknore. Naugna igne, naikno igre tei tafri jateula sipu te snivi mata ra eghu. Uve, mae igre papara jateula sipu te theo kaisei naikno te reireghidi ra eghu.

Fapea Kings 10:3

ghotilo vahini kaisei mae te keli ka tharaknagna mae King mala king gna Israel. Aonu ghotilo tarabana mala magra fothi ghami.”

Fapea Samuel 5:2

Tifa na, mae Sol ia neke noda king tahati ngala, iagho teke batudi mae Israel gre teke tei ka magra na. Eghuteuna Lord na neke cheke eghu ka iagho, ‘Iagho ginauna mala batudi nei reireghidi eghu nogu naikno iara Israel igre, eghuteuna iagho mala nomi king ghehati gnafa.’ ”

Fapea Samuel 2:7

Eghume, ghotilo kegra heta fabrahu, thosei mhaghu. Tutuani, mae Sol nomi king ghotilo la lehehi. Eghuteuna naiknodi Juda igre neke vahi ghau iara mala nodi king mare.”

Fapea Kronikols 18:15

Nu King Ehab ne cheke faheta eghu, “Jame te cheke iagho ka iara ka nanghagna Lord na, iagho chekeni kolho unha te tutuani na! Niha fata chekeni iara glepo igne ka iagho?”

Fapea Kronikols 18:17

Aonu kate nomhi igne, King Ehab ne cheke eghu ka King Jehosafat, “Tuana sia! Iara neke chekehi ka iagho. Mae igne theome chekeni kaisei glepo te keli ka iara. Leuleghu fata na mana chekeni kolho glepo te diꞌa na.”

Profet Esikiel 35:4

Tutuani, iara ginauna goigoni nomi namono ghotilo are, eghuteuna nomi namono ghotilo tuare ginauna jaola krogha theo kaisei naikno nate au tagna na. Eghuteuna ghotilo ginauna laseni te iara Lord.