Fapea Kronikols 18:13 - Buka Blahi Ka Cheke Holo

¹³ Nu mae Maekaea ne cheke eghu ka mae biꞌo tuana, “Ka nanghagna Lord te karha te tifa, iara cheke kate tutuani ka iagho, unha te chekeni Lord ka iara na, tuana ngala nate chekeni iara na.”

Fapea Kronikols 18:13 ပူးပေါင်းရင်းမြစ်များ

Naba 22:35

Nu engel na neke cheke eghu ka mae Balam, “Tei sagho baludi mare, nu chekedi kolho iagho unha teke cheke iara ka iagho ra eghu.” Aonu mae Balam ne tei baludi nogna mae funei mae Balak re.

Naba 24:13

Neubane tufa mei mae Balak nogna gol nei silva teure ka iara, iara theome tangomana te huhughuni nogna cheke Lord na. Neubane glepo keli ba glepo diꞌa neu, iara theome tangomana te chekeni kaisei glepo te jifla mei ka gaoghatho guna. Iara mala chekedi kolho unha teke tonu mei Lord ka iara re.

Ululahu Tesalonika 2:4

Nu God neke fariuriu nei fatutuani ghami ghehati te mala toutonuni Nonomho te Keli gne. Kate toutonuni Nonomho te Keli na ghehati theome fariuriu mala keli tadi naiknore. Theo. Ghehati fariuriu mala keli tagna God, mae ihei te fariuriudi nagnafadare.

Galesia 1:10

Ghotilo laseni, iara gne theome fariuriu mala keli tadi naiknore ka iara. Theo! Iara fariuriu mala keli tagna God ka iara. Jame tutuani me cheke famaemahedi nei muamugnadi eghu iara naiknore na, iara theome tangomana te nogna gloku mae Kraes na.

Fapea Korin 2:17

Ghehati theome jateula kmana naikno te magnahaghei sileni kolho kate toutonuni chekegna God na ia eghu sia. Theo. God neke vahi ghami ghehati, eghuteuna ghehati chekeni koba ka nagnafa te tutuani ke ulugna mana. Ghehati toutonuni chekegna mana na naugna ghehati nogna mae gloku Kraes.

Ululahu Korin 11:23

Farirhiu teke hata iara ka Lord na tela tusu arihi iara ka ghotilo ana. Tutuani, ka bongi mae Judas teke snakreni Jisas ka khamedi mae naokare, Lord Jisas neke hata bret na,

Mae Khuru 20:27

Naugna iara la chekedihi ka ghotilo gobigna lepo te magnahaghedi God te mala lasedi ghotilo re.

Profet Esikiel 2:7

Iagho mala toutonuni chekegu iara na ka mare, neuba mare ne fanomho ka iagho ba tirodi fanomho. Iagho laseni mare tirodi ghau iara koba.

Profet Jeremaea 42:4

Jeremaea ne cheke eghu, “Iara laseni unha te magnahagheni ghotilo na. Iara ginauna tore ka Lord nomi God, jateula te toreni ghotilo na eghu. Iara ginauna toutonu ka ghotilo gobigna lepo te chekedi mana re, eghuteuna iara na theome poruni kaisei glepo ka ghotilo.”

Profet Jeremaea 23:28

Jame kaisei mae profet chaichaghi magnahaghei te toutonu eigna nogna mifi na, mana tangomana te eni igne gognarona. Nu mae ihei te nomhini thofno chekegu iara na, mana na famane cheke fadoglo jateula teke tusu lao iara ka mana na eghu. Nodi mifi mae igre nei chekegu iara na teuna theome nanaba, naugna khune wit nei ganogna teure jaola theome nanaba!

Ululahu Kings 22:14

Nu mae Maekaea ne cheke eghu, “Ka nanghagna Lord mae ihei te karha te tifa, iara ginauna cheke fadoglo ari kolho ka iagho unha teke chekeni Lord ka iara na.”

Naba 23:26

Nu mae Balam ne cheke eghu ka mana, “Iara neke chekehi ka iagho te iara ginauna chekedi kolho unha te cheke mei Lord ka iara re.”

Naba 23:12

Mae Balam ne cheke eghu, “Iara chekedi kolho unha te cheke meidi Lord ka iara re.”

Fapea Kronikols 18:12

Aonu mae biꞌo teke kilo meini Profet Maekaea igne ne cheke eghu ka mana, “Keha mae profet gre la chekedi nodi chekere ka mana, jame te tei mana te magra Ramot-Gilead na, mana ginauna uluni namono tuana. Eghuteuna jame te keli na, iagho jame chekenila cheke tuana.”

Fapea Kronikols 18:14

Aonu mana mei ne kegra ke ulugna King Ehab, eghuteuna king ne ghusna eghu ka mana, “Maekaea, tangomanau ghepa King Jehosafat te tei magra teke hata fapulo namono biꞌo Ramot-Gilead ia, ba theo?” Eghuteuna mae Maekaea ne cheke eghu, “Iagho tei magra ka namono biꞌo Ramot-Gilead, iagho ginauna hata namono tuana. God ginauna togho nigho iagho mala uluni namono tuana.”