Fapea Kronikols 17:7 - Buka Blahi Ka Cheke Holo

⁷ Ka fatilo finogha te king mana igne, mana ne kurudi nogna mae biꞌore mala tei ka namono te gnafa Juda igre mala farirhiudi naiknore eigna nogna Vetula Lord. Nanghadi goro mae biꞌo re igre: Mae Ben-Hael, mae Obadaea, mae Sekaraea, mae Netanel nei mae Maekaea.

Fapea Kronikols 17:7 ပူးပေါင်းရင်းမြစ်များ

Fapea Kronikols 35:3

Keha mae Livaet mare farirhiu nogna Vetula Lord na ka naiknodi Israel. Aonu mae Josia ne kilo meidi hatimare mae Livaet teke fablahidi thedi malagna Lord. Aonu mana ne cheke eghu ka mare, “Lilisei Bokis Blahi na ke lamnagna Sugablahi teke horo King Solomon thugna King Devet king gna Israel. Ke leghu na, ghotilo thosei ke pala ka faframi ghotilo are. Ghotilo edi kolho nogna gloku Lord nomi God, eghuteuna ghotilo mala loku ranghidi naiknodi Israel.

Fapea Kronikols 15:3

Lord na noda God tahati maeda Israel. Mana ngala te God tutuani na, nu kuꞌeda tahati ra la raugha te theome tarai ka mana na. Mare theo mae pris te mala farirhiudi re, eghuteuna mare jaola theome lasedi nogna vetula God re.

Mae Khuru 1:1

Ranghi nigho iagho ghema kheraguo Teofilas: Uve, ghema, u buka teke kulu risoni iara tifa ia, iara chekedi kolho ka iagho gobigna lepo teke edi nei farirhiudi teku mae Jisas ka naiknore funu ka narane teke vuvuhagna mana nogna gloku na

Nonomho Te Keli Teke Risoi Mae Mak 4:2

Mae Jisas ne farirhiudi kmana glepo kau cheke naba. Mana ne cheke eghu ka naiknore,

Matiu 4:23

Mae Jisas ne tei tongana ka Provins Galili, ne ruma ka nodi suga tharai mae Jiu ne farirhiu, nei toutonu thakleni Nonomho te Keli eigna narane God nate funei frunidi nogna naiknore, nei fakarhidi naikno te gnafa te fogra nei khabru biꞌo teure.

Profet Isaia 49:23

Hatimare mae king nei kuin teu igre ginauna jateula kmami nei idomi eghu ghotilo. Mare ginauna pogho soru pari ke ulumi ghotilo, eigna mare ghatho tahu ghami ghotilo. Ka narane igne ghotilo ginauna laseni te iara ngala Lord na. Iheire naikno te fatutuani ghau nei ofo ghau teu iara te mala toghodire ginauna keli tadi fara.”

Eklesiasti 1:12

Iara kaisei mae glalase, eghuteuna iara king gna Israel, iara au ka namono biꞌo Jerusalem.

Nodi Khoje Hatimare Mae Jiu 51:13

Eghuteuna iara ginauna farirhiu chekemu iagho na ka naikno te diꞌa puhidi gre mala ke pulo mei ka iagho.

Nodi Khoje Hatimare Mae Jiu 34:11

Ghotilo kheragu mae majaghani iara ra, ghotilo mei mala fanomho ka iara. Iara ginauna na farirhiu ghami ghotilo mala ghatho tahuni Lord.

Nehemaea 9:3

Kate kegra teu ka vido igne, mare iuꞌiju ka buka nogna Vetula nodi Lord God na nabagna thilo aoa, aonu mare cheke thakledi nakhibodi re eghuteuna tarai ka nodi Lord God keha thilo aoa re.

Fapea Kronikols 30:22

Eghuteuna Hesekaea ne kelitagna fara ka mae pris nei ka mae Livaet teu gre eigna nodi gloku mare na, naugna laseni fara puhi te mala batudi naiknore te mala tufru soruni Lord. Ka fitu narane igre, mae pris nei mae Livaet teu gre mare cheke fakelini Lord nodi God kuꞌedi tifa ra, eghuteuna mare ghamu gano teke fafara mare ra mala au ka pharikeli balugna Lord.

Diutronomi 33:10

Ghotilo vikegna Livae ra tangomana te farirhiudi vikegna mae Jekop igre ka nogna vetula Lord. Ghotilo tangomana te toghodi naiknodi Israel igre te iuꞌijudi nogna vetula manare. Ghotilo gahu insens mala cheke fakelini Lord, ghotilo tangomana te gahu fafara ka nogna olta mana na.

Diutronomi 4:5

“Iara la farirhiu ghamihi ghotilo cheke nei vetula teu igre leghuni unha teke cheke ranghi ghau noda Lord God. Iara eni igne mala leghudi ghotilo vetula igre kate au teu ghotilo ka glose te hata ghotilo re.

Naba 1:8

Eghuteuna ka vikegna mae Isaka, nodi lida mare na mae Netanel, thugna mae Sua.

Levitikas 14:42

Mare mala atha keha thina majaghani mala ke tughudi te diꞌa te atha kokore, eghuteuna mare mala ke tughu plasta majaghani ka gringni igre.

Esra 7:25

“Iagho ghema Esra, loku ka famane gaoghatho te keli teke tusu ranghi nigho nou God na mala vavahi mae funei nei mae mala fate mala tangomana mare te fate ka puhi te doglo. Naikno te au ka provins ke mosu Khoꞌu biꞌo Iufretis igre mare leghudi nogna Vetula nou God iagho na. Eghuteuna jame ihei te theome lasedi Vetula igre na, te keli na, iagho mala farirhiudi.