Fapea Kronikols 17:3 - Buka Blahi Ka Cheke Holo

³ Lord ne au balugna Jehosafat, naugna mana ne jateula kuꞌegna King Devet tifa ia neu ne leghuni fabrahu puhi te keli na. Mana neke theome toreni god Baal igne mala toghoni,

Fapea Kronikols 17:3 ပူးပေါင်းရင်းမြစ်များ

Profet Isaia 41:10

Eghume ghotilo thosei mhaghu! Iara nomi God ghotilo mala au balumi ghotilo. Iara ginauna farheta ghami nei togho ghami eghu ghotilo. Uve, khame nhetagu iara na ginauna togho ghami ghotilo mala kegra heta ghotilo, eghuteuna iara ginauna reireghi ghami ghotilo ka puhi te doglo.

Fapea Kings 22:2

Mae Josia neke eni unha te doglo ka tathagna Lord na, eghuteuna mana neke leghuni fabrahu puhigna King Devet, mae kuꞌegna tifa ia, eghuteuna mana neke theome figri lao fei nheta ba fei maeri, nu mana neke eni kolho unha te doglo na.

Fapea Timoti 4:22

Iara toreni Lord Jisas Kraes mala fablahi nigho, eghuteuna nogna khokofakasai God na au balumi hui. Me gnafa. Iara, mae Pol.

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Matiu 1:23

“U khupi na ginauna bukla eghuteuna ginauna na au kaisei thugna nalhaꞌu. Eghuteuna, mare ginauna na kiloni mana mae Emanuel.” U gaoghathogna “mae Emanuel” gne, “God na au baluda”.

Nodi Khoje Hatimare Mae Jiu 46:11

Lord mae ihei te funei frunini tharagna kligna na auhi baluda tahati agne. Mana noda God tahati maeda Israel. Mana noda namono keli mala poru tahati.

Ululahu Kronikols 22:18

Eghuteuna mana ne cheke eghu ka mare, “Lord noda God tahati na au balumi ghotilo. Mana neke snakre ghau iara neke uludi naikno teke kulu au agne tifa ka kantri igne. Eghuteuna gognarona mare au ke parigna nogna nolaghi mana, nei tahati nogna naikno mana ra. Eghuteuna ka puhi igne, mana tusu mei pharikeli ka ghotilo, nei ka iheire te au falithui ghami ghotilo. Eghuteuna theo kaisei naoka nate mei magri ghami ghotilo na.

Fapea Samuel 5:10

Mae Devet ne rheta fara, naugna Lord God mae ihei te au nolaghi fateote'o igne ne au fabrahu balugna mana.

Jajis 6:12

Nogna Engel Lord igne ne thakle ka mae Gidion ne cheke eghu ka mana, “Gognarona Lord au balumu iagho eghuteuna iagho kaisei mae nheta mala magra!”

Josua 1:9

Iara la chekehi ka iagho. Eghume iagho kegra heta, thosei mhaghu, ba suaraghi. Naugna aheva te tei iagho na, iara Lord nou God ginauna au balumu iagho fabrahu.”

Josua 1:5

Te chekeni iara ka iagho na, theo kaisei naikno nate ulu nigho iagho ka magra na. Iara ginauna au balumu iagho jateula teke au iara balugna mae Moses tifa ia eghu. Iara ginauna au balumu iagho, iara ginauna na theome tei koko nigho ba ghatho iho nigho.

Eksodas 3:12

Aonu God ne cheke eghu, “Thosei mhaghu. Iara ginauna au balumu iagho. Eghuteuna fagaglana te mala laseni iara te kuru nigho iagho igne: kate batudi iagho naiknore te jifla Ijep na, iagho ginauna mei ka thogele igne mala pogho soru ghau iara.”

Jenesis 39:21

Nu Lord ne au neu balugna mae Josep ne toghoni mana. Lord ne loku ka nagnafagna mae ihei te reireghigna suga sosolo na ne magnahagheni fara mae Josep.

Matiu 18:20

Igne tutuani fara, naugna jame phei ba thiloi naikno te salo fodu mei naugna mare te nogu mae gloku iara na, iara na au jare baludi mare.”

Profet Jeremaea 2:23

Lord ne cheke eghu, “Naugna unha si ghotilo te chekeni koba ne theome tarai ka god Baal teu gnea? Ghaoghatho fakeli si ghotilo eidi glepo te diꞌa te edi ghotilo jare ka gloha Hinom! Ghotilo jateula kamel gaꞌasegna te hiro kamel nalhaꞌugna teu te tei tafri te theome au snoto ra eghu puhimire.

Profet Isaia 8:10

Ghotilo tangomana te salofodu mala roghe poru te mala eni unha te magnahagheni ghotilo na. Nu ginauna na theo nafugna kolho, naugna God na au balumi ghehati.

Nodi Khoje Hatimare Mae Jiu 46:7

Lord, mae ihei te blahi fara na au baluda tahati. Noda God tahati naiknoda Israel, mana taji fakeli ghita tahati.

Fapea Kings 18:3

Mana leghuni puhigna mae kuꞌegna King Devet ne edi glepo te doglo ka tathagna Lord na.

Ululahu Kings 11:6

Ka puhi igne, mae Solomon ne tapla jafra ranghini Lord, eghuteuna mana theome leghuni chekegna Lord. Mana theome jateula puhigna mae Devet mae kmagna na teke thofno leghuni Lord teuna.

Fapea Samuel 8:15

Mae Devet ne funei frunidi vido te gnafa Israel, ne edi unha te keli nei doglo eghu ranghidi nogna naiknore.

Eksodas 4:12

Tei sagho! Iara ginauna togho nigho mala cheke, eghuteuna iara ginauna fagriu nigho unha te mala cheke iagho na.”

Fapea Kronikols 14:11

Aonu King Asa ne tarai ka Lord nogna God. Mana ne tarai eghu, “Lord, theo kaisei jateula iagho teuna. Iagho ngala tangomana te togho ghami ghehati mae te glaꞌe fara gre, eigna ghehati theome naba te magra ka mae te nheta fara igre. Iagho togho ghami ghehati gognarogne. Lord, iagho nomi God ghehati, ghehati rouronu kolho ka iagho. Soldia igre kmana fara, nu ghehati mei ka vido igne mala magridi mare ka nanghamu iagho. Lord, iagho nomi God ghehati, iagho thosei snakreni mae tuana mala ulu ghami ghehati.”

Fapea Kings 16:2

Ka narane tuare, mana varadaki finogha gnahi. Eghuteuna mana king Jerusalem nabotho namno finogha. Nu mana theome leghuni puhigna King Devet, kuꞌegna tifa ia. Mae Ehas gne edi fabrahu glepo te theome doglo ka tathagna Lord.

Jajis 8:33

Ke leghugna te lehe Gidion na, naiknodi Israel igre ne figri tagruni God. Mare jateula gaꞌase te tei leghuni nalhaꞌu te theome khetogna naꞌa na neu ne leghuni god te chaichaghi na. Mare ne fakegra haghe mumujugna Baal ne tarai ka Baal-Beri nodi god mare.

Jajis 2:18

Leuleghu fata na, Lord vahini kaisei mae lida mala toghodi mare. Leghu fata na mae lida igne batudi naiknodi Israel igre, Lord fakarhidi mare ka khamedi mae naoka te mei goigonidi mare re. Lord theome gnafa te fakarhidi re, naugna mana ne kokhoni nognadi fara.

Jajis 2:11

Ka narane tuare, naiknodi Israel igre ne funu edi puhi te diꞌa ka tathagna Lord nei tarai ka god chaghi Baal.

Fapea Kings 14:3

Mae Amasaea ne keli ka tathagna Lord na. Nu mana theome jateula King Devet, kuꞌegna mana tifa ia neu. Mana edi kolho unha teke edi mae Joas, mae kmagna na.

Ululahu Kings 22:43

King igne mana ne eni unha te doglo ka tathagna Lord na, jateula King Asa mae kmagna tifa ia neu. Nu mana theome paꞌe soru nodi vido blahi mae bongihehe te au ke kligna thogele re, eghuteuna naiknore theome gnafa te fafara nei gahu insens teu jare na.

Fapea Kronikols 17:2

Mana lilisei soldia ka namono biꞌo te gnafa Juda te bara te ligoho ka thina, nei jaola ka keha vido Juda are. Eghuteuna mana lilisei keha soldia lamna namono ka nohi Efrem, namono aheva teke uludi kmagna tifa ra.

Fapea Kronikols 17:4

eghuteuna mana theome leghudi unha puhi te diꞌa teke edi king di Israel tifa ra. Nu mana toreni nogna God kmagna na mala batuni, eghuteuna mana faꞌuvedi nogna cheke mana re.

Fapea Kronikols 21:12

Profet Elija fatei kaisei letas ka King Jehoram. Mana ne cheke eghu, “Lord nogna God kuꞌemu iagho Devet ia, mana ne cheke eghu ka iagho, ‘Kmamu iagho King Jehosafat, ghe kuꞌemu iagho King Asa ra, phiamare neke leghuni puhi te keli na, nu iagho theome leghuni puhi te keli na.

Ululahu Samuel 18:5

Mae Devet tangomana te uludi vido te gnafa aheva mala tei magra mana teu king te kuru teini mana na. Aonu king ne vahini mana mala kaisei nogna mae komanda. Hatimare mae soldia baludi keha mae komanda ka armi igre mare ne keli tadi fara ka puhi igne.

Ululahu Samuel 18:12

Lord ne au balugna mae Devet, nu mana theome au balugna mae Sol. Eghume gognarona mae Sol mhaghuni fara mae Devet.

Ululahu Samuel 18:14

Leuleghu fata na mae Devet uludi koba magra igre, naugna Lord na au balugna mana.

Ululahu Kings 3:3

Neuba mae Solomon ne namhani Lord ne leghudi cheke te gnafa teke farirhiuni mae kmagna na. Nu mana jaola neke fafara nei gahu insens neku ka keha vido blahi ke kligna thogele.

Fapea Kronikols 20:32

Mana edi kmana glepo te doglo ka tathagna Lord jateula teke edi kmagna King Asa tifa ra neu.

Fapea Kronikols 22:9

Mana ne hironi King Ahasaea, eghuteuna keha mae teke mei balugna mae Jehu igre ne hironi mana ne ghilei tei filoni mana Samaria. Mare hatani mana ne mei ka mae Jehu. Eghuteuna mare ne faleheni mae Ahasaea ne giugiluni mana ka puhi te keli, naugna mare ghatho tahuni kuꞌegna mana King Jehosafat mae ihei teke fariuriu fara te mala eni unha te magnahagheni Lord. Eghume theo kaisei ka vikegna King Ahasaea ka mae iheire te karha teu igre nate tangomana te mala king na.

Fapea Kronikols 27:6

Aonu Jotam ne rheta fara, naugna mana ghatho tahu te mala leghuni puhigna Lord nogna God.

Fapea Kronikols 29:2

Mana edi puhi te doglo ka tathagna Lord, jateula kuꞌegna King Devet tifa ia neu.

Fapea Kronikols 34:2

King igne mana edi glepo te doglo re ka tathagna Lord, eghuteuna mana leghudi koba nogna baubatu te keli teke edi kuꞌegna King Devet tifa ra, nei edi fabrahu kolho unha glepo te doglo.

Matiu 25:16

Aonu mae gloku teke hata glima duku sileni igne ghosei ne tei loku ne tangomana teke horo haghe keha glimai.