Fapea Kronikols 17:14 - Buka Blahi Ka Cheke Holo

¹⁴ Soldia igre mei ka vikedi Juda ghe Benjamin. Adna mana komanda ka thilo gobi thogha soldia.

Fapea Kronikols 17:14 ပူးပေါင်းရင်းမြစ်များ

Fapea Kronikols 14:8

King Asa au thilo gobi thogha soldia di Juda ka nogna armi na. Mare pala goru nei greoreo biꞌo mala tafra jata. Eghuteuna phei gobi nhana salei thogha soldia di Benjamin, mare hata phaloho nei greoreo ikodi. Armigna Juda nei armigna Benjamin, mare te gnafa na kafe mae nheta mala magra.

Fapea Kronikols 13:3

King Abaeja ne vavahi fati gobi thogha soldia te keli mala tei ka magra. Eghuteuna King Jeroboam hata nhana gobi thogha soldia te nheta mala magra ka mae Abaeja.

Fapea Kronikols 11:1

Kate mei Jerusalem, Rehoboam ne kilodi kaisei gobi nhana salei thogha nogna soldia te rheta lahu ka vikegna Juda nei ka vikegna Benjamin mala tei magra ka vikegna Israel te au ke raru, mala ke pulo mei naikno igre mala ke au ke parigna nogna nolaghi na.

Naba 1:2

“Moses, ghopa mae pris biꞌo Eron na kahadi mae nalhaꞌu te gnafa Israel igre. Ghopa kaha leghudi kokholo nei tharakna teu ka nabotho phei vikegna Israel. Ghotilo mala rioriso soru nanghadi

Jenesis 15:5

Aonu Lord ne hata fajiflani mae Ebram kosi ne cheke eghu ka mana, “Filo haghe sagho ka maloa na. Jare na kmana nathunu fara te theome naba kaisei naikno te kahadire, eghume vikemu iagho re ginauna na jateula nathunu tuare eghu kmana fara.”

Jenesis 13:16

Iara ginauna na eni thumu iagho gre mala vuragha e thovu fara jateula nusu eghu. Jame la kahadi ngau mare u nusu igre ame tangomana nga mare te kahadi thumu iagho gre eghu!

Jenesis 12:2

“Iara ginauna na fabruarani vikemu iagho gne mala thovu. Eghuteuna iara ginauna na fablahi nigho nei naiknore ginauna na lase nigho iagho kaisei mae biꞌo fara. Eghuteuna keha naiknore ginauna na cheke fakeli nigho iagho, na cheke eghu fari thedi, ‘God na fablahi nigho jateula teke eni mana ka mae Ebram tifa ia eghu.’

Fapea Kronikols 17:15

Fapea komanda na mae Jehohanan. Mana komanda ka phei gobi nhana salei thogha soldia.