Fapea Kronikols 16:9 - Buka Blahi Ka Cheke Holo

⁹ Leuleghu fata na Lord filo fabrahu ka vido te gnafa ka nauthoglu igne, eghuteuna mana tangomana te farhetadi naikno te leghuni mana re. Nu iagho theome leghuni mana fabrahu, eghume mae naokare ginauna mei magra ka nou kantri iagho igne.”

Fapea Kronikols 16:9 ပူးပေါင်းရင်းမြစ်များ

Ululahu Pita 3:12

Naugna Lord na reireghi fakelidi naikno te doglore. Eghuteuna mana tangomana te fanomho ka nodi tharaire, nu mana figri lao thagrugna na ka naikno te edi puhi te diꞌare.”

Proveb 15:3

Lord na filo ka naikno te keli nei ka naikno te diꞌa, eghuteuna lasedi unha te edi mare re.

Profet Jeremaea 16:17

Iara ginauna eni igne, naugna iara filodi gobigna lepo te edi ghotilora. Puhi te diꞌa igre ghotilo theome tangomana te pophoru ka tathagu iara na, naugna leuleghu fata na iara filodi nakhibomi ghotilore.

Proveb 5:21

Lord na filodi gobigna lepo te edi tahati re, eghuteuna mana filo glanidi nabrou te gnafa te tei leghudi tahati re.

Nodi Khoje Hatimare Mae Jiu 34:15

Lord na reireghidi iheire te au doglo eghuteuna fanomho ka nodi tharaire.

Thoutonu Eigna Mae Job 34:21

“God na filo tutu ka puhidi naiknore. Eghuteuna filo ka vido te gnafa aheva te tei mare tagna na.

Hibru 4:13

Eghuteuna theo kaisei glepo kau nauthoglu gne tangomana te poru ka God. Gobigna lepore kakhana ngala ka mana. Eghuteuna kaisei narane tahati ginauna na chekedi ka mana unha teke edi tahati re.

Profet Jeremaea 32:19

Iagho edi glepo te biꞌo igre ka nou nolaghi te biꞌo. Leuleghu fata na iagho filo glanidi puhidi naiknore, eghuteuna iagho ke tughu fapulo ka mare unha teke eni mare na.

Fapea Kronikols 6:20

Iara magnahaghei nigho iagho te filo meini Sugablahi igne hamerane, naublatha nei bongiro. Igne Suga teke nhaꞌa chekeni iagho te mala au Nanghamu iagho na. Jame te eghuna, iara laseni, iagho ginauna nomhini nogu tharai iara na kate tarai ari iara ka vido igne.

Nodi Khoje Hatimare Mae Jiu 113:6

Mana au neu kligna ne pogho soru ne filo sukha pari mala toghodi nogna naiknore.

Nodi Khoje Hatimare Mae Jiu 37:37

Filo tutu laoni sagho mae te keli nei doglo teu puhigna ana. Mana au blagna nogna kolho baludi keha naiknore. Vikegna mana re ginauna au fabrahu tifa tifa.

Galesia 3:1

Ghotilo naikno fameomekro ka namono Galesia! Naugna cheke eigna mae Jisas Kraes teke lehe ke kligna gaju fafatha ia la mei glolahi ka ghotilo. Neuba keha naikno neke nunughere ghami ghotilo mala fameomekrodi gaoghathomi ghotilo re!

Luku 12:20

“Nu God ne cheke eghu ka mae tuana, ‘Iagho mae meomekro! Bongi na iagho na lehe. Keha mae ngau nate hata gobigna lepo teke tarabana iagho malamu themu teku igre!’

Ululahu Kronikols 21:8

Eghuteuna mae Devet ne tarai eghu ka Lord, “Lord, unha te eni iara igne thono fameomekro fara. Iara la eni kaisei nakhibo te thono diꞌa fara. Iara thofno tore nigho iagho mala hata fadelei najafra te eni iara igne.”

Fapea Kings 20:3

“Lord, ghatho mei ghau. Iara loku ranghi nigho iagho ka nogu nolaghi fateote'o nei ka gaoghathogu fateote'o, eghuteuna iara fariuriu mala edi gobigna lepo te magnahaghedi iagho re.” Eghuteuna mana ne funu tanhi fabiꞌo.

Ululahu Samuel 13:13

Nu mae Samuel ne cheke eghu ka King Sol, “Ne faꞌunha site fagoigoli iagho gnea? Lord na nou God iagho, nu iagho ne theome leghuni nogna cheke mana na neu. Jame leghuni iagho nogna cheke mana na meuna, mana ginauna tangomana te fablahini tharaknamu iagho na mala king fabrahu.

Ululahu Kings 15:32

Ka narane te King mae Asa Juda igre, eghuteuna mae Basa te king gna Israel teu igre, phiamare magra koba leuleghu fata.

Ululahu Korin 15:36

U nafnata ghusna igne meomekro kolho! Naugna ghotilo lasenihi kate joꞌu sisi na, sisire mala lehe ke lamna glose ame tangomana nga te karha te kotu haghe na eghu.

Fapea Kronikols 15:17

King Asa theome kafe roꞌe soru vido blahi te gnafa te mala tarai mare ka keha god re, neuba mana ghatho tahuni Lord fabrahu kolho ka nakarhagna na.

Matiu 5:22

Nu te chekeni iara ka ghotilo gognarona, mae ihei te diꞌatagna fara ka mae kheragna fofodu na, mare ginau na hatani mana kau fate. Eghuteuna mae ihei te cheke fadiꞌani mae kheragna fofodu na, mare na hatani mana kau fate ke uludi hatimare mae biꞌo. Eghuteuna mae ihei te cheke nolini mae kheragna fofodu na, mana ginauna tei Gehena kau khaꞌaghi te karha fabrahu na.

Profet Jeremaea 5:21

Ghotilo fanomho fakeli ka nogu cheke iara igne! Ghotilo iheire te fameomekro nei theome laseni kaisei glepo teura. Ghotilo iheire te filo, nu theome filo glani kaisei glepo teura. Ghotilo iheire te fanomho, nu theome nomhi fakelini kaisei glepo teura.

Fapea Samuel 24:10

Nu mae Devet ne mamaja nogna fara ka unha te eni thegna kate kaha tela gnafahi mare naiknore, ne tarai eghu ka Lord, “Unha teke eni iara ia thono fameomekro nei thofno diꞌa fara eghu. Lord, hata fadelei nakhibogu gre.”

Fapea Kronikols 16:10

Kate nomhini cheke igne, King Asa ne diꞌatagna fara ka Profet Hanani ne koko laoni mana ka suga sosolo. Eghuteuna funu ka narane tuana, mana ne goigonidi keha nogna naiknore.

Thoutonu Eigna Mae Job 31:4

God na la lasedihi gobigna lepo te edi iara re, eghuteuna mana lasedihi vido te gnafa aheva te tei iara tagna na.

Nodi Khoje Hatimare Mae Jiu 33:15

Mana neke vuavuhani u gaoghathogna naikno na, eghume mana tangomana te filo suplidi u puhi te edi naiknore.

Profet Jeremaea 5:1

Lord ne cheke eghu, “Ghotilo chari tafri ka nabrou biꞌo nei ka glalaba te gnafa ka namono biꞌo Jerusalem. Jame te filoni ghotilo kaisei mae te lase cheke tutuani nei eni unha puhi te doglo teuna, iara ginauna atha fadelei nakhibomi ghotilore.

Profet Jeremaea 5:3

Lord, iagho magnahaghedi iheire te cheke kate tutuani koba. Neuba iagho ne paradi, nu mare theome haimini te kabru ghedi na. Neuba iagho ne goigonidi, nu mare theome snakre nigho iagho te mala fadoglidire. Phaꞌudire maku fara jateula thina eghu. Eghuteuna mare thono tirodi te tughu nagnafa na.

Jenesis 31:28

Iagho neke theome snakre ghau iara mala kubaedi ghu iara thugu gragu teu igre. Iagho thono fameomekro fara te megei nga te rikha igne.

Fapea Kronikols 15:19

Ka narane igre, theo kaisei magra te mei ka kantri igne ghilei posa ka tolufulu glima finogha Asa te king.

Fapea Kronikols 19:9

Eghuteuna mana ne cheke eghu ka mae mala fatere, “Kate eni ghotilo gloku igne, ghotilo mala thofno ghatho tahuni nei ghatho branani eghu Lord.

Esra 5:5

Nu God na filo ka nodi lida mae Jiu gre. Mae biꞌogna provins igne neke kulu rioriso tei kaisei letas ka King Darius, eghuteuna mare ofoniu cheke tughugna letas igne, mala theome fagnafani mare gloku igne.

Thoutonu Eigna Mae Job 28:24

Naugna kaisei mana ngala te filo ka namono te gnafa, eghuteuna fifilo ka gobigna lepo ka nauthoglu igne.

Nodi Khoje Hatimare Mae Jiu 33:14

Mana au neu jare ka sape nafnakno te mala funei fruni na ne filo soru ka naikno te gnafa te au teu ka nauthoglu gne.

Nodi Khoje Hatimare Mae Jiu 33:18

Nu Lord na reireghidi iheire te ghatho tahuni nei rouronuni teu nogna namha biꞌo mana na.

Profet Isaia 31:1

Kokhoni ghami fara ghotilo naikno te soru te hiro thotogho Ijep are! Ba, ginauna na togho ghami nodi hose baludi chariot nei mae soldia te saghe ka hose na are neu si ghotilo ia? Theo fara! Lord nodi God te Blahi maedi Israel, nu ghotilo theome rouronuni mana kolho ba toreni mana mala togho ghami.