Fapea Kronikols 16:6 - Buka Blahi Ka Cheke Holo

⁶ Aonu King Asa ne fatei cheke ka mae te gnafa ka vido te gnafa ka kantri Juda mala mei toghoni. Mana chekedi mae igre mala tei pala mei thina baludi thaba teke loku King Basa Rama igre. Eghuteuna King Asa hata glepo igre ne bara ne ligoho ka thina phei namono Geba ghe Mispa.

Fapea Kronikols 16:6 ပူးပေါင်းရင်းမြစ်များ

Profet Sekaraea 14:10

Eghuteuna ka vido te gnafa ka glose igne, funu ke raru Geba tei posa ke mata Rimon, ginauna nake sare. Nu Jerusalem ginauna au thegna ka nogna vido kligna ka thogele. Gringni gna na ginauna funu ka Grengatha gna Benjamin tei ka Grengatha Tifa na tei posa fei Grengatha Sulukhu. Eghuteuna funu ka nogna suga mala toetoe mae Hananel, tei thokeni nogna vido mala ei waen malagna king.

Profet Isaia 10:29

Mare kasa ka glogu na ne tei thuru ka namono Geba. Eghuteuna naiknodi Rama igre ne mhaghu nodi fara, naugna Geba gne namo fara ka mare. Eghuteuna naiknogna namono Gibea igne ne kafe rikha. Gibea gne neke nogna namono King Sol tifa.

Fapea Kronikols 21:17

Mare mei ne magra Juda. Aonu mare doglo ne tei ruma lamna ka nogna suga king na ne hata nogna famane gobigna lepo mana re, baludi thugna nalhaꞌu, nei khetogna teure. Nu thugna nalhaꞌu leghu lahu mae Jehoram, nanghagna na Ahasaea igne ngala te theome hata mare na.

Ululahu Kronikols 6:60

Eghuteuna mare jaola ne tufa keha namono te au ka nodi vido glose vikegna mae Benjamin na igre: Gibeon, Geba, Alemet, Anatot baludi glose te au faligohodi namono igre. Mare ne tufa nabotho thilo namono ka vikegna mae Kohat, mae ihei teke karha ka vikegna mae Eron.

Ululahu Kings 15:22

Ke leghugna igne, King Asa ne fatei cheke ka namono te gnafa Juda igre mala mei toghoni. Aonu mana kurudi mare ne tei pala ne mei thina balu thaba teke hata teke mei King Basa ka namono Rama. Eghuteuna King Asa ne bara ne lithui ka thina gringnidi phei namono Mispa ghe Geba ka nohi Benjamin.

Ululahu Samuel 10:17

Ke leghugna igne, mae Samuel ne kilodi naiknodi Israel re mala haghe Mispa mala nomhini mare chekegna Lord na.

Ululahu Samuel 7:16

Leuleghu finogha na, mana tei ka thilo namono Betel, Gilgal nei Mispa. Naiknore mei koba ka mana ka thilo namono igre mala cheke fajifladi nei mala fadoglidi eghu mana nodi puhi biꞌo nei magra teure.

Ululahu Samuel 7:6

Aonu mare ne kafe khapru Mispa balugna mae Samuel mae ihei te nodi mae funei mare na. Eghuteuna mare ne krisu khoꞌu ne tofa soru ka glose na jateula fafara eghu ka Lord. Eghuteuna mare ne theome ghamu kaisei narane thongana, eghuteuna mare ne cheke thakleni eigna mare te tapla jafra fara ka tathagna Lord na.

Josua 15:38

nei Dilean, nei Mispa, nei Joktel,

Ululahu Kings 15:16

Ka narane King Asa te king Juda igre, King Basa neke king Israel, phiamare magra koba.

Fapea Kronikols 16:5

Eghuteuna kate nomhini King Basa gna Israel nonomho eigna glepo igne, mana lisa kokoni nogna gloku ka namono Rama igne ne jifla jare.

Fapea Kronikols 16:7

Ka narane igre, Profet Hanani tei ne filoni King Asa, ne cheke eghu ka mana, “Naugna iagho ne theome fatutuani Lord nou God, nu iagho fatutuanini kolho king gna Siria, eghume iagho ginauna thoke nigho puhi biꞌo naugna nogna armi king gna Siria igne na rikha nigho.

Profet Jeremaea 40:6

Aonu mae Jeremaea tei Mispa ne au balugna mae Gedalaea, thugna mae Ahikam, farihoteidi naikno teke au faleghu teku ka nodi namono re.