Fapea Kronikols 16:4 - Buka Blahi Ka Cheke Holo

⁴ King Ben-Hadad nomhini nogna cheke King Asa igne ne leghuni nogna cheke mana na. Aonu mana ne kurudi hatimare mae komanda balugna nogna armi na ne tei magra ka namono te au ke raru Israel. Eghuteuna mare ne uludi thilo namono Ijon nei Dan, nei Abel-Maem, nei namono te gnafa te mala lilisei glepo ka nohi Naftali.

Fapea Kronikols 16:4 ပူးပေါင်းရင်းမြစ်များ

Fapea Kronikols 17:12

Aonu King Jehosafat ne kaisei king rheta fara. Eghuteuna mana edi heva heva vido keli mala poru nei namono mala lilisei gano nei glepo mala magra ka mare. Eghuteuna mana vahidi mae soldia te thofno nheta fara mala au Jerusalem.

Fapea Kronikols 8:6

Mare jaola neke babana fapulo namono Balat nei keha namono mala lilisei gano, chariot nei hose mala magra, ba keha glepo te magnahaghei edi mana Jerusalem nei Lebanon, nei ka keha vido ba nohi te king frunidi mana.

Ululahu Kings 15:20

Aonu King Ben-Hadad ne kaisei gaoghatho ka nogna cheke King Asa igne ne kurudi hatimare mae komanda balugna nogna armi na ne tei magra Israel. Ka magra igne, King Ben-Hadad ne uludi thilo namono igre, Ijon, Dan nei Abel-Bet-Maka, nei vido te namo ka Kholo Galili, nei ka nohi Naftali.

Ululahu Kings 9:19

Eghuteuna mare jaola horo keha namono biꞌo mala lilisei gano, chariot mala magra nei hose. Eghuteuna mare jaola ne horo keha glepo te magnahaghei edi mana Jerusalem nei Lebanon, nei ka keha vido aheva te funei frunidi mana re.

Jajis 20:1

Naikno te gnafa Israel igre ne loku fodu jateula kaisei tothoghei neu ne kafe mei ke ulugna Lord jare Mispa. Mare mei funudi ka namono te gnafa, funu ke raru namono Dan, nei ke mata namono Bereseba, nei ka rijon ke maghati Gilead.

Eksodas 1:11

Aonu mae Ijep igre ne lilisei keha mae mala reireghidi nei huhurudi eghu maedi Israel mala loku jateula naikno sneka eghu. Mare eni igne mala thofno paradi mare. Ka puhi igne mare huhurudi mare mala loku ka phei namono biꞌo Pitom ghe Ramese, aheva king te lilisei gano nei keha glepo eghu tagna.

Jenesis 14:14

Kate nomhini mae Ebram te sneka tela tei mae nebugna na ka magra na mana ne kilodi thilo gobi nabotho nhanai nogna mae nheta re ne ngolhi leghudi mae thara re ne posa ka namono Dan.

Fapea Pita 2:15

Mae velepuhi chaichaghi igre la snivihi ka nabrou te doglo na, eghuteuna mare la tei ihohi, eigna mare leghuni puhigna mae Belam, thugna mae Beo. Mae Belam tifa na neke magnahaghei sileni fara, neuba mana tangomana te hata ka puhi te theome doglo.

Ululahu Timoti 6:10

Magnahaghei sileni biꞌo na u glathigna puhi diꞌa fateote'o. Keha naiknore jifla kokoni khiloau gne naugna mare magnahaghei sileni biꞌo. Nu mare khogla fadiꞌa nagnafadi nei paradi eghu kolho thedi.

Fapea Kronikols 16:3

King Asa ne fatei cheke igre ka Ben-Hadad, “Te keli na tapa fofodu jateula teke edi kmada tapa ra eghu, phiamare neke fofodu tifa na. Silva nei gol teu igre kaisei namha ikoi kolho ka iagho. Iara magnahaghei nigho iagho te khusu nhaꞌa cheke teke eni iagho balugna King Basa gna Israel. Jame te eni iagho igne na, mana ginauna hata fajifla nogna soldia gre ka nogu kantri iara igne.”

Fapea Kronikols 16:5

Eghuteuna kate nomhini King Basa gna Israel nonomho eigna glepo igne, mana lisa kokoni nogna gloku ka namono Rama igne ne jifla jare.

Profet Isaia 9:1

Neuba, namono te autagna puhi biꞌo igne, gromno na ginauna theome au fabrahu tagna. Tifa na, Lord neke eni vikegna Sebulun, nei vikegna Naftali teu igre ginauna au mamaja. Eghuteuna nanghagna nodi namono na ginauna thono diꞌa fara. Nu ka narane nate mei ginauna, Lord ginauna fafnaknoni nanghagna namono igne. Mare kiloni namono igne Galili, kmana naikno te theome Jiu na au tagna. Funu ka Thongna biꞌo Mediterenian tei posa ka keha philegna Khoꞌu biꞌo Jordan.

Fapea Kings 16:9

Kate nomhini king gna Asiria cheke igne, mana ne kuruni nogna armi na ne sukha Siria ka namono Damaskas. Mare magra ne hata namono igne. Aonu mare ne aknu faleheni King Resin, eghuteuna mare huhurudi naiknore mala tei au ka namono Kira.