Fapea Kronikols 16:14 - Buka Blahi Ka Cheke Holo

¹⁴ Mae iheire te tarabana thinigna mana na, mare hata oel balu glaghobe te famane sisiri kelidi, ne nanhaꞌa ka thinigna mana na. Aonu mare tei ne giugilu ka beku teke kulu dokhahi mana thegna ka nogna Namono biꞌo King Devet. Eghuteuna kate gnafa giugilui na, mare ne eni kaisei khaꞌaghi biꞌo mala ghatho tahuni mana.

Fapea Kronikols 16:14 ပူးပေါင်းရင်းမြစ်များ

Fapea Kronikols 21:19

Fogra igne au ka mana nabagna phia finogha, aonu butugna mana na ne jifla mei. King papara fara ke lamnadi phei finogha igre ne ghilei lehe. Eghuteuna naiknodi Juda igre ne theome eni kaisei khaꞌaghi biꞌo te mala fafnaknoni mana na, jateula teke edi mare ka kuꞌegna mana ra neu.

Jenesis 50:2

Aonu mana ne kilodi maedi Ijep te loku ranghini mana re. Mana ne chekedi mae te lase edi thinidi mae te lehere mala theome tangomana te boto nei siri teuna. Aonu hatimare ne leghuni unha teke chekeni mae Josep na.

Profet Jeremaea 34:5

Nu iagho ginauna lehe kolho ka pharikeli. Eghuteuna mare ginauna giugilu nigho iagho jateula teke edi mare ka mae king teke vikemu iagho tifa ra eghu. Mare gahu insens neke ghatho tahudi mae king tura, eghuteuna mare ginauna nake jateula tuana eghu ka iagho. Eghuteuna mare ginauna tanhi balu diꞌanagnafa eimu iagho. Mare na cheke eghu, “Kokhoni ni fara, nogu funei iara igne la lehe!” Kokhoni ni fara, nogu funei iara igne la lehehi!’ ” Igne chekegna Lord.

Nonomho Te Keli Teke Risoi Mae Mak 16:1

Kate gnafa narane Sabat na, Meri gna Makidala nei Salome nei Meri idogna mae Jemes ne foli keha sedi mala tofa ka thinigna mae Jisas na.

Profet Isaia 22:16

‘Ghema Sebna! Iagho theo glosemu nei vikemu eghu agne. Naugna unha sagho te chekedi mae igre te jou kaisei khora lamna thina rhegna thogele ignea, eghuteuna tarabana kaisei vido mala giugilu nigho tagna? Mae ihei teke snakreni ka iagho te mala khotogna vido glose igne?

Eklesiasti 10:1

Gilo te ruma te lehe ka botol sedi te siri keligna na ginauna siri diꞌagna. Jateula tuana eghu, kakatha puhi fameomekro kolho nate goigonini gaoghatho te keli na.

Fapea Kronikols 35:24

Aonu mare hata fajiflani mana ka nogna chariot mala magra na ne nhaꞌa laoni ka keha nogna chariot na. Aonu mare hata fapuloni mana neke figri Jerusalem ne lehe jare. Mare giugiluni mana ka bekudi kuꞌegna ra. Eghuteuna naiknodi Jerusalem nei Juda teu igre diꞌanagnafa ne tanhi fabiꞌo.

Jenesis 50:5

‘King, kani karha nga teku mae kmagu iara na, mana neke tore ghau iara mala nhaꞌa cheke iara mala ke hata fapulo thinigna mana na mala ke tei giugilui ka gluma teke eni mana ka kantri Kenan. Eghume iara thofno tore nigho iagho king, mala snakre ghau iara mala tei giugilui iara mae kmagu gne ame ke pulo mei nga iara eghu.’ ”

Ululahu Samuel 31:12

ne jifla bongiro ne tei atha thinigna mae Sol na baludi thinidi thilo mae thugna mana re Bet-San. Mare pala thinidi fati mae igre neke pulo Jabes ne gnubra jare.

Fapea Kronikols 16:13

Eghuteuna kate phiatutu kaisei finogha te king mana na, mana ne lehe.

Fapea Samuel 2:32

Mare hata thinigna mae Asahel igne ne tei giugilui Betlehem ka vido aheva teke giugilui mare kuꞌegna manare. Mare tei bongi thongana igne ne tei posa Hebron hamerane boibongi ka keha narane na.

Fapea Kronikols 32:33

Kate lehe mana na, mare ne giugiluni mana ka famane bekudi vikegna King Devet. Naikno te gnafa Juda nei Jerusalem teu igre thofno ghatho tahuni mana. Aonu thugna mana Manase igne neke tughuni mana neke kegra king.