Fapea Kronikols 16:1 - Buka Blahi Ka Cheke Holo

¹ Ka tolufulu namno finogha te funei fruni King Asa Juda igre, King Basa mei Juda ne magra ka mare, eghuteuna mana uluni magra igne ne hata namono Rama. Aonu mana bara ne ligoho ka thina namono igne mala theome tangomana ihei nga nate mei roꞌeni na. Eghume mana eni namono Rama kaisei vido rheta mala fanogra nabrou mala theome tangomana kaisei naikno te jifla ba ruma mei Juda.

Fapea Kronikols 16:1 ပူးပေါင်းရင်းမြစ်များ

Fapea Kronikols 15:9

Tifa na, kmana naikno jifla ka thilo nohi Efrem, nei Manase, nei Simion, neke mei au balugna mae Asa Juda. Mare mei naugna mare filoni Lord te au balugna mana. Aonu mana ne kilodi mae igre baludi naikno di Juda nei Benjamin mala kafe mei.

Fapea Kronikols 15:5

Tifa ka narane tuare, theome keli te tei ka keha vidore, naugna kmana thua nafnata hoholo au ka vido te gnafa re.

Ululahu Kings 12:27

Jame te haghe koba naikno igre Jerusalem te fafara ka nogna Sugablahi Lord na, mare ginauna tughu nagnafa nake ghatho tahuni Rehoboam king gna Juda igne. Mare ginauna na falehe ghau iara.”

Fapea Kronikols 15:19

Ka narane igre, theo kaisei magra te mei ka kantri igne ghilei posa ka tolufulu glima finogha Asa te king.

Fapea Kronikols 16:2

Aonu King Asa ne hata silva nei gol teu teke au ka chogho teke lilisedi ka nogna Sugablahi Lord na nei ka nogna suga biꞌo king na neu ne fatei glepo igre Damaskas ka King Ben-Hadad gna Siria.

Profet Jeremaea 41:9

Khora khoꞌu aheva te koko soru mae Ismael thinidi mae igre thono biꞌo fara. Khora igne neke dokha mae King Asa tifa mala fodu khoꞌu kani teke mei mae king Basa gna Israel teke magra ka mana na. Nu mae Ismael neke fafodu khora khoꞌu igne ka thinidi mae te lehe.

Profet Jeremaea 40:1

Ka narane igne mae soldia di Babilonia gre neke atha naikno di Jerusalem nei Juda teu igre neke tei au Babilonia. Mare jaola neke atha profet Jeremaea baludi. Eghuteuna mare neke haruni mae Jeremaea baludi naiknore ka chen, atha ne tei thoke ka namono Rama. Kate au teu mare ka namono igne, mae Nebusaradan mae funei gna nogna armi mae king gna Babilonia igne ne filoni mae profet Jeremaea ne atha fajiflani mana ka sosolo. Ka narane igne Lord ne cheke ka mae Jeremaea.