Fapea Kronikols 15:8 - Buka Blahi Ka Cheke Holo

⁸ Kate nomhini King Asa nogna cheke Lord te chekedi mae Asaraea thugna mae Obed igre, mana ne kelitagna fara naugna cheke igre ne tako hagheni gaoghathogna mana na mala kegra heta. Aonu mana ne roꞌe soru mumuju god di Juda nei Benjamin, nei ka namono te au ka rijon ka thogele Efrem aheva teke uludi mare ka magra. Eghuteuna mana neke horo fapulo olta te au ke ulugna nogna Sugablahi Lord na igne.

Fapea Kronikols 15:8 ပူးပေါင်းရင်းမြစ်များ

Fapea Kronikols 13:19

Eghuteuna King Abaeja balu nogna soldia ne ngolhini nogna armi King Jeroboam ne hata thilo nodi namono maedi Israel. Nanghadi thilo namono igre, Betel nei Jesana, nei Efron. Eghuteuna mare jaola ne hata namono ikodi te au rhedi thilo namono igre.

Fapea Kronikols 8:12

Leuleghu fata na, mae Solomon gahu fafara ka Lord ke kligna olta teke horo mana ka glalaba ke ulugna Sugablahi na.

Fapea Kronikols 4:1

Mare horo kaisei olta ka bras. Brahudi fati khukrugna olta igne, nheva mita. Eghuteuna haghegna na fati mita vidogna.

Ululahu Pita 4:3

Tifa na ghotilo neke raꞌe salaꞌui fara kate leghuni puhidi naikno te theome fatutuani ni God re, eigna ghotilo neke magnahagheni fara te jafra ka ihei na, ghotilo magnahagheni fara te eni puhi te diꞌa na, ghotilo magnahagheni fara te koꞌu waen na, ghotilo neke eꞌei gaghamu biꞌo mala ghamu nei koꞌu nei edi glepo te thono diꞌa fara re, nei ghotilo edi glepo te jafra fara kate tufru sorudi ghotilo mumujure.

Mae Khuru 28:15

Ame thoke nga ghehati jare teuna, naikno khiloau re ne nonomho thonu eimi ghehati. Aonu mare soru ne thafo ghami ghehati ka namono te kiloi “Maket Apias”, nei jaola ka namono te kiloi “Thilo Hotele”. Kate filodi mare na, mae Pol ne keli tagna fara ne cheke fakelini God.

Profet Esikiel 8:10

Aonu, iara tei lamna ne filodi te drou mare thua nafnata thotoghale ka gringnigna chogho igne. Mare drou thotoghale mogo nei thotoli, nei glepo tautagu te theome klino ka tathagna God, eghuteuna mumujudi keha glepo te tarai tadi naiknodi Israel.

Profet Jeremaea 16:18

Iara ginauna phei fata para ghami ghotilo eidi nakhibomi ghotilore, naugna ghotilo ne goigoni nogu namono iara igne ne diꞌa ka tathagu iara na. Uve, nogu namono iara igne fodu ka nomi mumuju ghotilo te theo karha tadi igre.” Igne chekegna Lord.

Profet Isaia 65:4

Eghuteuna fei bongi na, ghotilo tei ke lamna beku mala cheke ka tharungadi naikno tela lehehi ra mala falalase ka ghotilo unha nate thoke mei ginauna. Eghuteuna ghotilo ima nafnahi bosu, eghuteuna seu kholodi keha nafnata nafnahi te theome keli ka tathagu iara na.

Profet Isaia 44:14

Mae igne jame tei mata mala kato kaisei gaju sida, ba kaisei gaju ok, ba kaisei gaju saepras mala hohoro mumuju tagna. Ba mana jame joꞌu keha nafnata gaju, aonu mana ofoni meigna nakhete na mala kotu biꞌo, eghuteuna kate biꞌo gaju igne na, mana ginauna kato soru mala hohoro glepo tagna.

Fapea Kronikols 29:18

Aonu mae pris nei mae Livaet teu igre neke figri ka King Hesekaea ne tusu lao ripot di gobigna lepo igre ne cheke eghu ka mana, “Nogna Sugablahi Lord, eghuteuna Olta te mala Gahu Fafara, nei Tevo gna Bret Blahi na, eghuteuna gobigna lepo te mala loku ka Sugablahi igre eghu ghehati edila kafe gaehi ka tathagna Lord.

Fapea Kronikols 19:11

“Mae pris biꞌo Amaraea mana au nogna nolaghi te mala fateni ihei ka nogna Vetula Lord. Mae Sebedaea thugna mae Ismael mae biꞌo ka vikegna Juda, mana tangomana te fateni ihei ka nogna vetula king. Eghuteuna mae Livaet mare ginauna mala jaola mala fate. Ghotilo mala heta ka nomi gloku na. Snakreni Lord mae ihei te eni unha te doglo na mala au balumi.”

Fapea Kings 23:13

King Josia jaola ne goigoni kmana vido blahi ke maghati Jerusalem. Tifa na King Solomon neke horo olta igre ke mata Thogele Glepo Diꞌa. Vido blahi igre mala pogho soru ka god Astarot, nodi god gaꞌase maedi Saedon, Kemos nodi god maedi Moab, Milkom nodi god maedi Amon.

Fapea Kings 18:22

Mae komanda gna Asiria igne tudu ne cheke eghu, ‘Glahu chekeni iagho ka iara te rouronu iagho ka Lord nou God na fou? Nu filo si ghotilo! King Hesekaea la goigonihi nogna vido blahi nei nogna olta teu Lord ra. Eghuteuna mana cheke faheta ka ghotilo naiknomi Jerusalem nei Juda teu ra mala pogho soru ka kaisei olta kolho Jerusalem.’

Fapea Kings 16:14

Mana tuthugha olta tiatifa teke horo ka bras igne ne tei au ke ulugna Sugablahi na. Tifa na olta igne neke au farihoteidi olta majaghani ghe Sugablahi, nu king ne tuthugha olta tiatifa igne ne tei au ke raru gna olta majaghani na.

Ululahu Kings 11:7

Mae Solomon ne eni kaisei vido blahi ka thogele ke maghati Jerusalem mala tarai ka god Kemos, god te thono diꞌa fara igne nodi god naiknodi Moab. Eghuteuna mana jaola eni keha vido blahi na mala pogho soru ka Molek, kaisei nodi god te diꞌa naiknodi Amon.

Ululahu Kings 11:5

Mana ne pogho soruni god gaꞌase Astarot, nodi god naiknodi Saedon. Mana jaola pogho soruni Milkom. Nodi god naiknodi Amon igne thono diꞌa fara.

Diutronomi 27:15

“ ‘Puhi biꞌo ginauna thokeni ihei te hata thaba ba thina ba aean mala hohoro mumujudi keha god delei, eghuteuna pophoru mala pogho soru tagna. Lord thono tirognadi fara nafnata mumuju igre!’ Eghuteuna naiknore ginauna cheke eghu, ‘Amen!’

Levitikas 18:30

Eghume ghotilo mala leghudi farirhiu igre, eghuteuna ghotilo thosei leghudi naikno te diꞌa teke kulu au ka glose nate tei te au ghotilo tagna na. Ghotilo mala thosei edi glepo nate edi ghotilo te theome klino ka tathagu iara na, naugna iara Lord, nomi God ghotilo.”

Fapea Kronikols 17:2

Mana lilisei soldia ka namono biꞌo te gnafa Juda te bara te ligoho ka thina, nei jaola ka keha vido Juda are. Eghuteuna mana lilisei keha soldia lamna namono ka nohi Efrem, namono aheva teke uludi kmagna tifa ra.

Fapea Kronikols 19:4

Neuba King Jehosafat ne au neu Jerusalem, leuleghu fata na mana tei filodi nogna naiknore funu ke mata Bereseba tei posa ka thogele ke raru kantri Efrem. Mana tei toutonu ka mare eigna Lord na nodi God kuꞌedi mare tifa ra, eghuteuna mare mala ke pulo mei ka mana.

Jajis 10:16

Aonu mare ne lisei fadelei god teke tarai mare tadire ne loku ranghini Lord. Eghuteuna Lord ne kokhoni nognadi naiknodi Israel naugna mare ne au papara fara.

Ululahu Kings 15:9

Ka varadaki finogha te king mae Jeroboam Israel igre, mae Asa ne kegra King Juda.

Matiu 25:16

Aonu mae gloku teke hata glima duku sileni igne ghosei ne tei loku ne tangomana teke horo haghe keha glimai.