Fapea Kronikols 15:14 - Buka Blahi Ka Cheke Holo

¹⁴ Eghume mare eni kaisei nhaꞌa cheke te nheta ka Lord. Aonu mare te gnafa na ne eha nei kufli ka trampet neu kate eni nhaꞌa cheke igne.

Fapea Kronikols 15:14 ပူးပေါင်းရင်းမြစ်များ

Nehemaea 5:13

Iara hata koko nhugha teke hugha teku iara na, eghuteuna iara ne bue tei ne cheke eghu, “God ginauna jateula igne eghu bue teini delei ihei te theome tajini nogna nhaꞌa cheke na. Uve, God ginauna hata fadelei nogna suga nei gobigna lepo eghu teke khotodi manare, eghuteuna ginauna theo kaisei glepo nate lisei fapulo malamu iagho na.” Mare te gnafa na ne kafe eha eghu fabiꞌo, “Amen! Leghuni unha te chekeni iagho tuana!” Eghuteuna mare te gnafa na ne kafe cheke fakelini Lord. Aonu mae mala baubatu igre ne tajini nhaꞌa cheke teke chekeni mare na.

Fapea Kronikols 15:13

Neubane nalhaꞌu ba gaꞌase, neubane majaghani ba kuekuꞌe, nu jame kaisei ka mare te theome leghuni Lord na, mare ginauna aknu faleheni mana.

Fapea Kronikols 15:15

Eghuteuna naikno te gnafa Juda igre ne kelitadi fara, naugna mare magnahaghei te nhaꞌa cheke ka Lord. Mare kelitadi fara te hironi mana, nei mare te thafoni mana. Eghume toghodi mare au fakeli, nei au ka pharikeli baludi kantri te gnafa re.

Eksodas 24:3

Aonu ke leghugna te cheke te gnafa balugna Lord, mae Moses soru ne cheke ka naiknore nogna cheke nei vetula teu Lord igre. Naiknore ne fanomho ka unha te chekedi mae Moses igre ne kafe cheke eghu, “Ghehati ginauna edi gobigna lepo fateo te chekedi Lord igre.”

Eksodas 24:7

Gnafa teuna, mana atha Buka Nhaꞌa cheke te au chekegna Lord igre ne iu'iju ka naiknore. Kate nomhidi chekegna Lord igre, naiknore ne kafe cheke eghu, “Ghehati ginauna thofno leghudi chekegna Lord igre.”

Josua 24:24

Naiknore ne cheke eghu ka mana, “Lord na noda God tahati. Ghehati ginauna leghuni fabrahu mana, nei leghudi fabrahu nogna cheke mana re.”