Fapea Kronikols 15:13 - Buka Blahi Ka Cheke Holo

¹³ Neubane nalhaꞌu ba gaꞌase, neubane majaghani ba kuekuꞌe, nu jame kaisei ka mare te theome leghuni Lord na, mare ginauna aknu faleheni mana.

Fapea Kronikols 15:13 ပူးပေါင်းရင်းမြစ်များ

Eksodas 22:20

“Naiknore mala fafara ka Iara ngala, theome ka ihei nga. Eghuteuna jame ihei te fafara ka mumuju na, ghotilo falelehe naikno tuana.

Mae Khuru 26:22

Nu God togho ghau iara fabrahu ngala ghilei thoke ka narane gognaro gne. Eghume iara kegra agne mala toutonuni u thofno tutuani eigna mae Jisas Kraes ranghidi naikno te gnafa te biꞌo nei ba te ikoi. Nu iara theome toutonu kaisei glepo te nhogri ka chekedi hatimare mae profet nei mae Moses eigna unha nate thoke mei.

Nodi Khoje Hatimare Mae Jiu 115:13

Mana ginauna fablahidi ihei te ghatho tahuni mana, neubane mae ihei te au tagna nafnakno ba theo.

Ululahu Kings 18:40

Aonu profet Elija ne cheke eghu, “Ghotilo haru famaku nogna profet Baal are, thosei snakreni kaisei profet mala rikha!” Aonu mare ne kafe haru famakudi ne hui. Eghuteuna Elija hata mae profet igre ne soru ka Glogu Khoꞌu Kison ne kafe aknu falehe jare.

Diutronomi 29:18

Eghume ghotilo fiofilo ghami eghuteuna thosei snakreni kaisei naikno mala figri thagrugna na ka Lord nomi God. Neuba kaisei mae, ba kaisei gaꞌase, ba kaisei tharakna, ba kaisei vikemi ghotilo, theo kaisei naikno te tangomana te tei tarai nei pogho soru ka nodi god keha naiknore. Theome keli kaisei ka ghotilo te biꞌo haghe jateula kaisei gaju te ure sisi poesen ra eghu.

Thakle 20:12

Eghuteuna iara ne filodi naikno te gnafa teke lehe ra, mae teke fnakno ba mae teke theome fnakno tifa ra, mare kegra ke ulugna nogna sape nafnakno mae King na. Eghuteuna mare ne tothora bukare mala toutonudi unha teke edi teke mei naikno te gnafare ka nakarhadire. Aonu mare jaola ne tothora nogna buka God na. Mana neke rioriso soru nanghadi naikno te mala karha fabrahu tifa tifa ka buka igne. Mana ne kafe fatedi naiknore leghudi unha teke edi mare re.

Thakle 6:15

Aonu naikno te gnafa ka nauthoglu gne ne mhaghu nodi fara ne poru lamna gluma nei ke leghu thina biꞌo ke kligna thogele. Neuba hatimare mae king gna nauthoglu igne, baludi hatimare mae funei biꞌo nei hatimare mae funeidi mae armi, baludi naikno te dedei nei naikno te au nolaghi, baludi naikno te gnafa, neubane mae sneka ba theome sneka, naikno te gnafa ne poru.

Thoutonu Eigna Mae Job 34:19

Mana theome phile baludi mae mala baubatu, eghuteuna mana theome fanomho ka mae te dedei nei mae te kuma, naugna mana ngala teke vuavuhadi mare te gnafa na.

Thoutonu Eigna Mae Job 3:19

Ka namono tuana, iheire te dedei, nei iheire te kuma kafe au jare. Iheire te sneka te mala snagla ka nodi nolaghi nodi funei re.

Eksodas 12:29

Fari hotei bongiro Lord ne falelehe ne gnafa thudi nalhaꞌu hatimare mae Ijep teke kulu karha re. Funu ka thugna nalhaꞌu mae king na ghilei tei posa ka thudi mae te au ka suga sosolo re. Mana ne jaola ne falelehe sua nalhaꞌudi u buluka ba unha te oho naiknodi Ijep re.

Jenesis 19:11

Eghuteuna phia mare ne fadodofu tathadi mae te au teu ke kosi gre. Aonu mae majaghani nei mae biꞌo teura ne kafe dofu ne theome tangomana te filoni grengatha gna suga na.

Fapea Kronikols 15:14

Eghume mare eni kaisei nhaꞌa cheke te nheta ka Lord. Aonu mare te gnafa na ne eha nei kufli ka trampet neu kate eni nhaꞌa cheke igne.

Eksodas 22:19

“Ghotilo falelehe mae nalhaꞌu ba gaꞌase te eni puhi te diꞌa ka khuma ba ka bosu ba ka buluka teu are.

Profet Sefanaea 1:6

Iara ginauna paradi naikno te figri tagru ghau, nei tirodi leghu ghau, nei tirodi mei mala toghodi, nei mala saghe leghudi eghu iara.”