Fapea Kronikols 15:12 - Buka Blahi Ka Cheke Holo

¹² Maedi Juda nei Benjamin ne eni kaisei nhaꞌa cheke balugna Lord nodi God mae kuꞌedi mare tifara. Mare nhaꞌa cheke mala thofno ghaoghatho heta te mala leghuni kolho mana na.

Fapea Kronikols 15:12 ပူးပေါင်းရင်းမြစ်များ

Mae Khuru 24:14

Nu te chekeni iara ka iagho na igne. Iara thofno leghuni puhigna mae Jisas ngala. Nu puhi igne theome doglo ka hatimare mae Jiu. Iara pogho soruni nodi God mae ku'emi ghehati ra ka puhigna mae Jisas igne. Nu iara fatutuanidi la gobigna lepo teke risodi mare ka nogna vetula mae Moses nei ka nodi buka hatimare mae profet.

Fapea Kronikols 23:16

Jehoada hata King Joas baludi naiknore mala nhaꞌa cheke leghuni nogna nhaꞌa cheke Lord, aonu mare ne nhaꞌa cheke mala au jateula nogna naikno Lord eghu kolho.

Fapea Kronikols 29:10

Gognarona iara ghaoghatho mala eni kaisei nhaꞌa cheke balugna Lord nodi God mae Israel, mala theome diꞌatagna mana ka tahati.

Diutronomi 10:12

Aonu mae Moses ne cheke eghu, “Ghotilo naiknomi Israel. Unha te magnahaghei eni ghotilo teu Lord nomi God ghotilo na? Ghotilo mala ghatho tahuni nei leghuni eghu puhigna mana na, eghuteuna tahati mala namhani nei loku ranghini eghu mana ka nagnafada fateote'o nei ka gaoghathoda fateote'o.

Fapea Korin 8:5

Eghuteuna ghehati neke jaglo nomi naugna mare tufa ka puhi teke theome rouronuni ghehati na. Ulu lahu na mare neke kulu snakre laodi thedi ka Lord, eghuteuna ke leghu na mare jaola ne leghuni unha te magnahagheni God na ne snakredi thedi ka ghehati!

Profet Jeremaea 50:5

Mare ginauna ghusnani nabrou aheva te mala leghuni mare te tei posa Jerusalem na. Eghuteuna mare ginauna eni kaisei nhaꞌa cheke te theo ka huigna balugu iara.

Nehemaea 9:38

“God, naugna te thoke mei gobigna lepo igre, ghehati neke eni kaisei nhaꞌa cheke ka iagho, neke rioriso soru ni. Eghuteuna ghehati mae lida re, mae pris ra, nei mae Livaet ra, ghehati te gnafa na ne kafe rioriso nanghami re ne lisei soru nomi fagaglana re tagna.”

Fapea Kronikols 15:4

Nu kate thokedi hoholo na, mare figri ka Lord nodi God mae Israel. Mare hironi mana, eghuteuna mare thafoni mana.

Fapea Kings 23:3

Ka narane tuana, king kegra neu rhegna khegra biꞌogna Sugablahi na, eghuteuna mana neke tuthughu majaghani nhaꞌa cheke igne balugna Lord. Mana nhaꞌa cheke ke ulugna mana thofno leghuni Lord kate tajidi nogna vetula nei nogna farirhiu nei nogna cheke teu mana re. Aonu mana ne nhaꞌa cheke mala farerheta nogna nhaꞌa cheke te au ka buka na igne. Aonu naiknore ne jaola ne nhaꞌa cheke te mala leghuni nhaꞌa cheke igne.

Ululahu Kings 8:48

Glahu te tei au delei mare ka nodi kantri mae naoka re, mare glahula ke ghatho fapulo ka iagho. Eghuteuna kate tarai na mare ginauna figri mei ka nodi namono teke tufa iagho ka kuꞌedi tifa ra, nei ka namono biꞌo teke vahini iagho ia, nei ka Sugablahi teke horo iara malamu iagho teku igne.

Diutronomi 29:12

Gognarona ghotilo kafe kegra haghe agne mala eni nomi nhaꞌa cheke na ka Lord nomi God. Mana neke eni nhaꞌa cheke igne balumi ghotilo, eghuteuna ghotilo lasedi nogna cheke mana te thofno rheta fara igre.

Diutronomi 29:1

Igre chekegna nhaꞌa cheke teke eni Lord baludi nogna naiknodi Israel. Cheke igre neke cheke mana ka mae Moses kani au teku mare Moab mala toutonu ranghidi naiknore. Nhaꞌa cheke igne neke nhaꞌa lao mae Moses ka nhaꞌa cheke teke eni Lord baludi mare tifa ka Thogele Sanai.

Diutronomi 4:29

Nu ka keha namonore ghotilo ginauna hironi Lord nomi God. Eghuteuna jame te ghaoghatho fakeli ghotilo ka nomi glalase fateote'o te hironi mana na, ghotilo ginauna tangomana te filo deni mana na.

Fapea Kings 11:17

Mae Pris Jehoeada ne hata King Joas baludi naiknore mala baubahu leghuni nogna nhaꞌa cheke Lord na, aonu mare ne nhaꞌa cheke mala au jateula nogna naikno Lord eghu kolho. Eghuteuna mana jaola neke cheke ka king mala eni kaisei nhaꞌa cheke mala ghatho tahudi naiknore, eghuteuna naiknore mala leghuni king.

Diutronomi 6:5

Eghuteuna ghotilo mala namhani Lord nomi God ka nagnafami fateote'o, nei ka gaoghathomi fateote'o, nei ka nanhetami fateote'o.

Diutronomi 29:11

Ghotilo goro gaꞌase ra, goro sua ra, naikno phosa te mala uge nomi gaju nei mala pala khoꞌu mei teu ka ghotilo ra.

Josua 24:25

Aonu ka narane te au teu mare ka namono Sekem gne, Josua ne eni kaisei nhaꞌa cheke maladi mare, eigna Lord na ginauna nodi God mare, eghuteuna mare ginauna leghuni mana fabrahu. Eghuteuna mana jaola tusu lao vetula nei cheke eghu ka mare mala leghudi mare.

Fapea Kronikols 11:16

Nu keha naiknodi Israel te au mata igre magnahaghei fara te tarai ka nodi Lord God. Aonu mare jifla Israel ne mei leghudi hatimare mae pris nei hatimare mae Livaet ne mei Jerusalem mala tangomana mare te tarai nei fafara teu ka Lord nodi God kuꞌedi tifa ra.

Fapea Kronikols 19:3

Neuba, iagho eni unha glepo te keli na. Iagho neke kato soru mumuju gna god gaꞌase Asera, eghuteuna iagho thofno toreni God mala togho nigho.”