Fapea Kronikols 14:6 - Buka Blahi Ka Cheke Holo

⁶ Ka narane tuare, mana bara ne ligoho namono te gnafa Juda igre, naugna Lord ne eni kantri igne mala au kmu. Theo kaisei naikno mei te magra ka King Asa ka finogha igre naugna Lord neke tusu ranghini mana pharikeli.

Fapea Kronikols 14:6 ပူးပေါင်းရင်းမြစ်များ

Fapea Kronikols 15:15

Eghuteuna naikno te gnafa Juda igre ne kelitadi fara, naugna mare magnahaghei te nhaꞌa cheke ka Lord. Mare kelitadi fara te hironi mana, nei mare te thafoni mana. Eghume toghodi mare au fakeli, nei au ka pharikeli baludi kantri te gnafa re.

Thoutonu Eigna Mae Job 34:29

Ba, jame God nomhidi mare, nu theome eni kaisei glepo teuna, ihei gne te au nogna nolaghi te mala chekeni ne jafra mana teuna? Jame God pophoru tathagna nei foflogna teure, ihei gne nate filoni mana na? Nu mana saghe leghudi naikno nei kantri teu igre.

Ululahu Kronikols 22:9

Nu iagho ginauna na au kaisei thumu nalhaꞌu, eghuteuna kate kegra king mana na, naiknore ginauna au ka pharikeli, eghuteuna iara ginauna na theome snakredi keha kantri are te naoka ka mana na. Eghuteuna mae sua nalhaꞌu igne iagho ginauna kiloni nanghagna Solomon, gaoghathogna Solomon teu igne, “Pharikeli” eghu. Naugna iara ginauna tusu lao nakarha te keli nei pharikeli eghu ka naiknodi Israel ka narane te kegra king mana na.

Nodi Khoje Hatimare Mae Jiu 46:9

God ne cheke faheta ka naiknore mala thosei magra fari thedi ka nauthoglu gne. Mana ne lolhopa nodi phaloho nei nodi jata teure, eghuteuna koko lao nodi greoreo ka khaꞌaghi.

Ululahu Kings 5:4

Nu gognarona Lord nogu God iara na toghodi keha kantri te funei frunidi iara igre mala au ka pharikeli balumi ghehati. Eghume, jare na theo kaisei naoka ba puhi biꞌo te mala goigoni ghami ghehati na.

Jajis 5:31

“Lord God, snakredi nou naoka iagho re mala lehe jateula Sisera eghu! Nu snakredi iheire te namha nigho iagho igre mala phae jateula naprai te haghe hamerane ia eghu!” Eghume naiknodi Israel igre na au ka pharikeli nabagna phiatutu finogha.

Jajis 3:30

Ka narane tuana, igne puhi te eni naiknodi Israel te uluni vikegna Moab. Aonu naiknodi Israel igre ne au ka pharikeli nabagna nhana salei finogha.

Jajis 3:11

Aonu naiknodi Israel igre ne au ka pharikeli nabagna phiatutu finogha ka glose igne. Aonu Otniel thugna Kenas ne lehe.

Josua 23:1

Kmana finogha ke leghu, Lord ne tusu ranghidi naiknodi Israel pharikeli baludi nodi naoka fateote'o te au faligohodi teu. Ka narane tuare, Josua la thofno kuekuꞌe farahi.

Fapea Kronikols 20:30

Eghume nogna kantri King Jehosafat igne au ka pharikeli baludi kantri te gnafa te au faligohoni mana.

Ululahu Kronikols 22:13

Ghema Solomon! Jame leghudi iagho vetula nei farirhiu eghu teke tusu lao Lord ka mae Moses tifa ra meuna, gobigna lepo te edi iagho re ginauna thofno keli fara. Iagho kegra heta leghu fata, ba thosei mhaghu. Eghuteuna thosei snakreni gaoghathomu na glaꞌe soru.

Fapea Kronikols 17:4

eghuteuna mana theome leghudi unha puhi te diꞌa teke edi king di Israel tifa ra. Nu mana toreni nogna God kmagna na mala batuni, eghuteuna mana faꞌuvedi nogna cheke mana re.

Fapea Kronikols 26:5

Eghuteuna ka narane te king Iusaea igre, Pris Sekaraea ne farirhiuni Iusaea mala ghatho tahuni, nei hironi eghu puhigna Lord. Eghume Lord ne fablahini mana leghu fata.

Fapea Kronikols 31:21

Ka gloku te gnafa te edi King Hesekaea te toghoni nogna Sugablahi Lord na igre nei leghu fakelidi nogna vetula nei nogna cheke teu Lord re, mana hironi nogna God na nei mana thofno kelitagna fara te eni gloku igne. Naugna igne gobigna lepo te edi mana re thofno keli fara.

Fapea Kronikols 34:3

Ka fahana finogha Josia te king kate mae sitei fara nga teuna, mana ne funu tarai ka nogna God kuꞌegna King Devet. Eghuteuna ka fabotho phei finogha na, mana ne funu fagagae Jerusalem ghe Juda mala klino ka tathagna Lord. Mana ne goigoni fahui nodi vido blahi mae bongihehe re, nei hata koko mumuju gna god gaꞌase Asera nei keha mumuju langau eghu.