Fapea Kronikols 14:14 - Buka Blahi Ka Cheke Holo

¹⁴ Ke leghu, armigna Juda igne ne goigonidi namono te gnafa te au faligohoni Gerara. Naiknogna rijon igne ne mhaghu nodi fara ka Lord, eghuteuna soldia di Juda igre ne tei ka namono te gnafa igre ne hata nodi glepo te keli mare re.

Fapea Kronikols 14:14 ပူးပေါင်းရင်းမြစ်များ

Fapea Kronikols 17:10

Ka narane te king mae Jehosafat igre, king nei naikno eghu te au ka kantri rhegna Juda igre mhaghu nodi fara ka Lord, aonu mare theome mei magra ka King Jehosafat.

Jenesis 35:5

Ke leghugna igne mae Jekop nei nogna vike na ne jifla ne tei. Nu God ne famamhagudi mae te au ka namono rhegna Sekem igre mala theome tangomana mare te ngolhi leghudi re.

Fapea Kronikols 20:29

Kate nomhini igne, naiknodi keha kantri are ne mhaghu nodi fara, naugna Lord ne uludi nodi naoka mae Israel.

Letas Teke Riso Tei Mae Pol Ka Khiloau Rom 8:37

Nu tahati theome mala nigra ka glepo igre. Naugna Kraes mae ihei te namha ghita na, mana na togho ghita mala tapla sorudi tahati glepo igre leuleghu narane!

Profet Isaia 33:23

Gognarona ghotilo naikno te au Juda ra, ghotilo jateula kaisei vaka te diꞌa phukrigna re te theome loku famaku ka khegragna ra eghu. Eghuteuna selogna re jaola blogho kolho. Nu kate thoke mei narane na, ghotilo ginauna hata kmana glepo te keli ka mae naoka. Eghuteuna neuba mae te blughu ghahegna na, mae igne ginauna jaola hata nogna glepo te keli.

Profet Isaia 31:9

King gna Asiria baludi nogna mae funeidi armi igre ginauna mhaghu fara na rikha ka magra, naugna mare na filoni nogna flagi Lord na ke kligna Jerusalem. Uve, ke kligna Thogele Saion, igne ngala vido te mala gahu fafara te mala pogho soruni Lord na. Igne chekegna Lord.

Nodi Khoje Hatimare Mae Jiu 68:12

Mana cheke eghu, “Hatimare mae king nei hatimare mae armi teure la rikhahi.” Eghuteuna goro gaꞌase teke au teku ka namono na ne tufa glepo teke hata hatimare ka magra ra.

Thoutonu Eigna Mae Job 15:21

Lamna ka nagnafagna na, mana haimidi glepo te mhaghudi fara mana re. Eghuteuna kate ghathoni mana ne au fakeli neu kolho teuna, mae te blau igre ginauna mei goigonini mana.

Fapea Kronikols 20:25

Aonu, King Jehosafat baludi nogna soldia manare tei ne hata nodi gobigna lepo mae te lehe igre. Mare hata kmana buluka, kmana glepo mala magra, kmana pohe, nei keha famane glepo. Mare pulei glepo ka vido igne nabagna thilo narane. Mare theome tangomana te hata fateo gobigna lepore, naugna kmana fara.

Fapea Kings 7:16

Aonu, naikno te au teu ka namono biꞌo Samaria jifla ne tei ka vido teke au armi gna Siria tifa na. Mare ne vavaro nodi gobigna lepo teke nodi armi gna Siria na. Eghume ka narane tuana, mare ne foli glima kilo flaoa nei nabotho kilo bali neu ka kaisei silva kolho, igne ne thofno horoghoto ka unha teke chekeni Lord na.

Ululahu Samuel 14:15

Eghuteuna soasopai tothoghei ka nodi armi maedi Filistia igre ne mhaghu nodi fara, neuba mare ne tei magra ba au ka suga tapuale, mare ne rhana nodi fara. Eghuteuna God ne famhaghudi maedi Filistia gre ne faꞌihodi tafri.

Jajis 14:19

Eghuteuna Tharunga gna Lord na ne mei farheta fara ka mana. Mana sukha ka namono Askelon. Eghuteuna ka namono igne, mana ne aknu falehe tolufulu mae ne hata nodi pohe mare re. Samson tei Timna ne tusu lao pohe igre ka mae iheire teke chekeni gaoghathogna grougromu igne. Mana thofno diꞌatagna fara eigna glepo igne, aonu mana neke pulo ka namonogna kmagna na.

Josua 5:1

King te gnafadi Amo te au ke mosu Khoꞌu biꞌo Jordan igre, nei king te gnafadi Kenan te au rhegna Thongna Mediterenian igre eghu mare ne nomhini thoutonu eigna Lord te fakrangoni Khoꞌu biꞌo Jordan te kasa naiknodi Israel igne. Aonu mare ne thofno mhaghudi fara maedi Israel igre ne thofno glaꞌe soru gaoghathodire.

Josua 2:24

Phia mare ne cheke eghu ka mae Josua, “Tahati thofno laseni Lord na snakre meihi ka tahati namono biꞌo igne. Naikno te gnafa ka namono igre thono mhaghu nodi fara ka tahati.”

Diutronomi 2:25

Funu gognarogne, iara ginauna edi naikno ka namono te gnafa igre mala mhaghu ghami ghotilo. Kate nomhidi mare thoutonu eimi ghotilo na, mare ginauna mhaghu nodi fara na fififri fara thinidi re.’ ”

Fapea Kronikols 14:15

Jaola ka narane tuare, nogna soldia mae Asa igre tei ne magridi mae iheire te reireghi sipu nei kamel ka vido igne, eghuteuna mare ne blau kmana sipu nei nanigot, nei kamel. Aonu mare neke pulo mei Jerusalem.

Ululahu Kings 15:23

Keha thoutonu eidi keha glepo teke edi King Asa re au ka Buka Eidi Glepo Teke Edi Hatimare Mae King Di Juda. Buka igne u thoutonu eidi unha gloku teke edi mana, teke bara teke maku namono igre. Nu kate kuekuꞌe na, kaisei khabru ne thokeni ghahegna mana na.