Fapea Kronikols 14:13 - Buka Blahi Ka Cheke Holo

¹³ Asa balugna nogna armi na ne ngolhidi mare ne ghilei tei posa ka namono Gerara. Eghuteuna naugna kmana ka mare te lehe na, armigna Kus igne ne glaꞌe soru ne theo nodi nolaghi te loku fodu mei teke magra na. Lord ne toghoni nogna armi na ne goigonini fara armigna Kus. Eghuteuna hatimare mae soldia di Juda igre ne hata kmana glepo te keli ka mare.

Fapea Kronikols 14:13 ပူးပေါင်းရင်းမြစ်များ

Jenesis 10:19

Namonodi naikno te au Kenan gre e funu Saedon tei posa Gerara nei Gasa. Eghuteuna tei posa Sodom, Gomora, Adma nei Seboim ghilei tei posa Lasa.

Jenesis 26:1

Keha fata te theo gano jateula teke eni ka narane gna mae Ebraham tifa igne teuna ne thoke mei ka namono Kenan. Aonu mae Isak jifla ne tei ka namono Gerara mala filoni mae Abimelek, mae king gna Filistia.

Jenesis 20:1

Mae Ebraham jifla ka namono Mamre ne tei au Negev, fari hoteidi phei namono Kedes ghe Sur. Ke leghugna igne mae Ebraham ne hata Sera khetogna na ne tei au ka namono Gerara.

Fapea Kronikols 14:14

Ke leghu, armigna Juda igne ne goigonidi namono te gnafa te au faligohoni Gerara. Naiknogna rijon igne ne mhaghu nodi fara ka Lord, eghuteuna soldia di Juda igre ne tei ka namono te gnafa igre ne hata nodi glepo te keli mare re.

Fapea Tesalonika 1:9

God ginauna paradi fabrahu naikno tuare. Mana ginauna theome snakredi iheire te theome laseni God nei iheire te theome magnahagheni thofno karha te mala au balugna Lord, nei lisei fadeleidi ka nogna nolaghi te biꞌo.

Nodi Khoje Hatimare Mae Jiu 108:11

Ba? Iagho la figri tagru ghami ghehati hila tutuani sia? Ba? Iagho tirou tei ka magra baludi nomi armi ghehati gre sia?

Thoutonu Eigna Mae Job 9:4

God na thofno lalase fara, eghuteuna mana nolaghi fara. Eghuteuna theo kaisei naikno te tangomana te kegra haghe te uluni mana na.

Thoutonu Eigna Mae Job 6:9

Iara magnahagheni mana te falehe ghau! Iara magnahagheni mana te kusu koko nakarhagu na!

Ululahu Kronikols 12:22

Leuleghu narane na mae te mei loku fodu ka mae Devet igre nogna armi mana na ne ghilei kmana soldia, ne nheta jateula nogna armi God neu.

Ululahu Samuel 25:28

“Iagho atha fadelei najafragu iara nou gaꞌase gloku iagho gne. Lord ginauna vahi nigho iagho mala king, leghu fata na, mana ginauna vahini koba kaisei mae ka vikemu iagho na te mala king na, naugna iagho ne magra jateula te chekeni mana na neu. Nakarhamu iagho ginauna keli fabrahu jame te theome eni iagho kaisei puhi te diꞌa na.

Josua 5:14

Nu mae igne ne cheke eghu, “Theo, iara mei agne naugna iara mae komanda gna nogna armi Lord.” Kate nomhini mae Josua igne, mana ne pogho soru pari ne cheke eghu ka mae igne, “Mae biꞌo, iara nou mae gloku iagho. Unha te magnahagheni iagho te mala eni iara na?”

Jenesis 10:1

Igne thoutonudi vike teke karha ka thilo thugna mae Noa re, mae Sem, mae Ham nei mae Jafet. Vike igre neke karha mei ka thilo mae thabusigna igre ke leghugna nabritha biꞌo na.

Fapea Kronikols 12:3

Ka narane tuare, King Sisak au kaisei thogha phei gobi chariot mala magra, nei namno salei thogha soldia ka hose. Mae soldia te mei balugna mana funu Ijep igre theome tangomana te kahadi, soldia igre maedi Libia, Suki nei Kus.

Fapea Kronikols 15:11

Ka narane tuana te hata fajifla mare fitu gobi buluka nei fitu thogha sipu nei nanigot ka teke uludi mare ka magra ra. Mare fafara glepo tautagu igre mala tufru soruni Lord.

Jenesis 35:5

Ke leghugna igne mae Jekop nei nogna vike na ne jifla ne tei. Nu God ne famamhagudi mae te au ka namono rhegna Sekem igre mala theome tangomana mare te ngolhi leghudi re.

Fapea Kronikols 17:10

Ka narane te king mae Jehosafat igre, king nei naikno eghu te au ka kantri rhegna Juda igre mhaghu nodi fara ka Lord, aonu mare theome mei magra ka King Jehosafat.

Fapea Kronikols 20:29

Kate nomhini igne, naiknodi keha kantri are ne mhaghu nodi fara, naugna Lord ne uludi nodi naoka mae Israel.