Fapea Kronikols 14:12 - Buka Blahi Ka Cheke Holo

¹² Aonu King Asa hata armigna Juda igne ne tei magra ka armigna Kus, aonu Lord ne toghoni Juda mala uluni mare magra igne. Eghuteuna soldia di Kus igre ne kafe rikha.

Fapea Kronikols 14:12 ပူးပေါင်းရင်းမြစ်များ

Fapea Kronikols 13:15

Aonu hatimare mae soldia di Juda ne eha fabiꞌo mala tei ka magra. Kate eha eghu mare na, God ne toghoni King Abaeja nei armigna Juda mala tangomana mare te ngolhi teini Jeroboam nei armigna Israel.

Ululahu Korin 15:57

Nu tahati cheke fakelini God, eigna mana te tapla soruni u glehe na ranghi ghita naugna ka nogna gloku noda Lord Jisas Kraes!

Ululahu Korin 9:26

Iara thegu na la chari la tei thokehi ka taba te mala ulu na. Eghuteuna iara jateula mae te mala magra eghu, mala koko soruni keha mae na pari. Iara theome magnahaghei te fiti tutini kolho maloa na.

Nodi Khoje Hatimare Mae Jiu 60:12

God, jame au teu iagho balumi ghehati na, ghehati gne ginauna na theome nigra ka magra na. Eigna iagho ginauna tapla sorudi nomi naoka ghehatire.

Josua 10:10

Eghuteuna kate filoni armi gna Israel igne, nodi soldia mae Amo igre mhaghu nodi fara ne rikha tafri, naugna Lord ne faromno nagnafadire. Mae Josua balu nogna armi ne aknu falehe kmana mae ka mare ka namono igne, eghuteuna ngolhidi kehare leghu nabrou ne tei posa ka thogele te mala haghe ka namono Bet-horon. Mare ngolhi leghudi ne tei aknu falehedi ne ghilei tei posa ke matadi phei namono biꞌo Aseka ghe Makeda.

Diutronomi 32:39

“ ‘Filo si ghotilo. Iara kolho God te tutuani na! Jare na theo kaisei god te au na! Iara tangomana te faleheni naikno na, nei tangomana te fakarhini naikno na. Iara tangomana te faghorehoni naikno na, nei tangomana teke fakeli fapuloni naikno na. Theo kaisei naikno tangomana te fanograni unha te eni iara na.

Diutronomi 28:7

“Mana ginauna togho ghami ghotilo mala uludi nomi naoka te mei magra ka ghotilo are. Neuba naoka igre ne mei fodu ka narane te mala mei magra ka ghotilo na, mare ginauna rikha rikiraka tafri tei ka sopai nabrou.

Eksodas 14:25

Nodi chariot re ne chakhi ne theome tangomana te thugha na. Aonu hatimare mae Ijep gre ne cheke eghu fari thedi, “Tore, lisa laodi naikno igre, eigna Lord na la toghodi mare la magri ghita tahati! Faghose, rikha noda!”

Fapea Kronikols 20:22

Kate funu koje mare te kilo fnaknoni Lord na, Lord ne lilisei phighoro ranghidi soldia di Amon, nei Moab, nei Idom eghu te magnahaghei mei roꞌeni Juda. Nu mare ne theome tangomanadi,

Fapea Kronikols 12:3

Ka narane tuare, King Sisak au kaisei thogha phei gobi chariot mala magra, nei namno salei thogha soldia ka hose. Mae soldia te mei balugna mana funu Ijep igre theome tangomana te kahadi, soldia igre maedi Libia, Suki nei Kus.

Profet Emos 9:7

Lord ne ghusna eghu ka naiknodi Israel, “Ne ghatho tahu ghami kolho iara uludi naiknodi Kus eghu jau si ghotilo gaoghathomi na? Theo! Tutuani, kani au teku ghotilo ka kantri Ijep, iara neke hata fajifla ghami ka namono tuana. Nu filo si ghotilo! Naiknodi Filistia ra iara neke hata fajifladi Krit. Eghuteuna naiknodi Siria ra, iara neke hata fajifladi Kira.

Jenesis 10:19

Namonodi naikno te au Kenan gre e funu Saedon tei posa Gerara nei Gasa. Eghuteuna tei posa Sodom, Gomora, Adma nei Seboim ghilei tei posa Lasa.

Eksodas 12:51

Ka narane igne Lord neke batudi mae Israel gre ka tothoghei leghui vike na ne jifla Ijep.

Ululahu Kronikols 5:21

Mare ne hata glimafulu thogha kamel, phia gobi glimafulu thogha sipu, nei phei thogha dongki. Mare jaola ne hata kaisei gobi thogha naikno mala nodi naikno gloku.

Fapea Kronikols 15:11

Ka narane tuana te hata fajifla mare fitu gobi buluka nei fitu thogha sipu nei nanigot ka teke uludi mare ka magra ra. Mare fafara glepo tautagu igre mala tufru soruni Lord.